ەلباسى نۇرسۇلتان ءابىش ۇلى  ورالدا وتكەن "جاستار فورۋمىنان" كەيىن ءبىر توپ سپورت جانە ونەر جۇلدىزدارىمەن بىرگە سەلفي جاسادى. بۇل وسىمەن ەلاسىنىڭ الەۋمەتتىك جەلىلەرگە تارالعان ءۇشىنشى سەلفيى بولىپ تىركەلدى.

فورۋم بارىسىندا ەلباسىمەن بىرگە سەلفي جاساعان جۇلدىزداردىڭ قاتارىندا مايا مانەزا، سەرىك ساپييەۆ، ءسابينا التىنبەكوۆا، نۇرلان قويانبايەۆ ت.ب. دا بار. ءبىر قىزىعى، مايا مانەزا مەن سەرىك ساپييەۆتەر ۇيالى تەلەفونىنا سەلفي جاساۋدى ۇيعارسا، يليا يلين ارنايى فوتواپپاراتتىڭ كومەگىنە جۇگىنگەن. ەلباسىنان جاستارمەن بىرگە سەلفي جاساۋدى ادەتتەگىدەي يليا يلين وتىنگەن. "نۇرسۇلتان ءابىش ۇلى، ەسىڭىزدە مە، مەن وتكەن جولى سەلفي دەگەن سۋرەتكە ءتۇسۋدى ءوتىنىپ ەم عوي. ەندى سونداي سۋرەتتى قازاقستان جاستارىمەن بىرگە جاساساق قالاي بولادى؟"،-دەپ سۇراعان يلينگە ەلباسى "ساعان ءبارى بولادى"،-دەپ جىميعان.

بۇل وسىمەن ەلباسىنىڭ ءۇشىنشى سەلفيى بولىپ تىركەلگەن. العاش رەت، ون اي بۇرىن، اقوردانىڭ رەسمي "Instagram" پاراقشاسىندا ەلباسى نۇرسۇلتان ءابىش ۇلى مالايزيا پرەمەر-مينيسترى نادجيب تۋن رازاك مىرزامەن جاساعان سەلفي سۋرەتى جارىققا شىققان بولاتىن. ودان تاۋەلسىزدىك كۇنى قارساڭىندا ەلباسى اۋىر اتلەتيكادان 4 دۇركىن الەم چەمپيونى، 2 دۇركىن وليمپيادا چەمپيونى يليا يلينمەن بىرگە سەلفي جاساعان ەدى.

نۇرزات توعجان