فەيسبۋك الەۋمەتتىك جەلىسىنىڭ نەگىزىن قالاۋشى جانە يەسى  مارك سۋكەربەرگ ءوز قالاۋى بويىنشا رەسەي فەدەراسياسىنا قارسى سانكسيالار سالاتىنىن مالىمدەگەن. بۇل تۋرالى "قامشى" پورتالى Associated Press- كە سىلتەمە جاساي وتىرىپ حابارلايدى.

"مەنىڭ شەشەم ۋكراينانىڭ ۋماني كەنتىنىڭ تۋماسى ەكەنىن ەشكىم بىلە بەرمەيدى. مەنىڭ كەي ناعاشىلارىم ءالى ۋكراينادا تۇرادى. مەن ءوزىم اسىرە دىنگە بەت بۇرماعانىممەن، ارا-تۇرا ۋمانيگە بارىپ، ءدىني مەركەلەرگە قاتىسىپ تۇرامىن. سوندىقتان مەن ۋكراينانى ەكىنشى وتانىم دەپ ەسەپتەيمىن جانە رەسەي فەدەراسياسىنىڭ قىرىم مەن دونباسستا جاساپ وتىرعان زۇلىمدىقتارىنا مەن بەي-جاي قاراپ وتىرا المايمىن. سونداي-اق، مەن رەسەيگە كەلگەنىمدە، (ول كەزدە پرەزيدەنتى مەدۆەديەۆ ەدى)  رف پرەزيدەنتى مەنىڭ اياعىمدى تاپتاپ كەتكەن، ءتىپتى، كەشىرىم دە سۇرامادى.  مەن مۇنداي ارەكەتكە مادەنيەتى تومەن، جابايى تاربيە كورگەن ادام عانا بارادى دەپ ەسەپتەيمىن"،-دەيدى ميللياردەر سۋكەربەرگ.

سونداي-اق، سۋكەربەرگ، فەيسبۋك الەۋمەتتىك جەلىسىن رف تەرريتورياسىندا جابىلاتىنىن ايتقان. ونىڭ ايتۋىنشا، رەسەيلىكتەر ەندىگى جەردە فەيسبۋكتەن تەك وقي الادى. ال جازبالار مەن پىكىرلەر قالدىرا المايدى. ول بۇل  ارەكەتى ارقىلى ماسكەۋلىك تروللدەردىڭ شوۆينيستىك جازبالارىنا توقتاۋ قوياتىنىن ايتقان. سونىمەن قاتار، سۋكەربەرگ مىرزا، باسقا دە الەۋمەتتىك جەلى باسشىلارىن سانكسيا سالۋعا شاقىرعان. سونىڭ ىشىندە، ءبىرىنشى بولىپ تۆيتتەر باسشىسىنا ۇندەۋ جىبەرگەن. سۋكەربەرگتىڭ ايتۋىنشا، 2015 جىلدىڭ ءساۋىر ايىنان باستاپ فەيسبۋك جەلىسى رەسەيلىكتەر ءۇشىن جابىلاتىنىن ەسكەرتكەن.

ەستەرىڭىزدە بولسا، Reuters اگەنتتىگى تاراتقان اقپاراتتا Microsoft  پەن Apple رەسەيلىك كونتەنتكە شەكتەۋ قويۋ، رەسەيلىكتەر ءۇشىن لاتىنشانى قولدانۋعا تىيىم سالۋ جونىندە ءوزارا كەلىسسىوزدەر جۇرگىزەتىنى ايتىلعان بولاتىن.

نۇرزات توعجان