8 ناۋرىز. Qamshy.kz - جاقىندا استانا قالاسىنىڭ تۇرعىندارى ەلوردا بازارلارىنىڭ بىرىندە ورنالاسقان كاۋاپ ورتالىعىنىڭ سورەسىندەگى ەتتەر اراسىندا تابانداي ەگەۋقۇيرىقتىڭ كەزىپ جۇرگەنىن ۇيالى تەلەفونعا ءتۇسىرىپ العان. كەيىن بەينە جازبا اۆتورلارى اتالمىش جازبانى You Tube جەلىسىنە سالعان. بازار ماڭىنان ءوتىپ بارا جاتقان تۇرعىندار كاۋاپ ەتتەرى تۇرعان سورەنىڭ ىشىندە ەمىن-ەركىن كەزىپ جۇرگەن، ءتىپتى ادامداردان جاسقانبايتىن ەگەۋقۇيرىقتى اۋەسقوي كامەرا ارقىلى بەينەگە تۇسىرگەن. ينتەرنەت قولدانۋشىلارى اراسىندا قىزۋ پىكىر-تالاس تۋدىرعان اتالمىش جازبانى ەرمەك قويشىبايەۆ (Yermek Koishubayev) ەسىمدى ەلوردالىق ازامات ءوزىنىڭ فەيسبۋك الەۋمەتتىك جەلىسىندەگى پاراقشاسىنا جاريالاعان. قويشىبايەۆتىڭ ايتۋىنشا، بۇل استانا قالاسىنداعى "الەم" جانە "ارتەم" بازارلارىندا ساۋدا ۇيلەرىنىڭ ءبىرى بولۋى مۇمكىن. ءتىپتى، قويشىبايەۆ كاۋاپتار تىزىلگەن سورە ىشىندەگى ەگەۋقۇيرىقتى "راتاتۋە" دەپ اتاعان ەكەن.
https://www.youtube.com/watch؟v=E5YEd-mmtiMال، راتاتۋە "ۋولت ديسنەي" شىعارعان مۋلتفيلمىندە كەزدەسەتىن اتاقتى پاريج اسحانالارىنىڭ بىرىندەگى اسپاز ەگەۋقۇيرىق بولاتىن.
ازىرگە، اتالمىش ماسەلەگە قاتىستى ەشقانداي ءىس قوزعالماعان. الايدا، قوعامدىق ورىنداردا سانيتارلىق تازالىقتى ساقتاماعان كاۋاپ ورتالىعى مەن بازار باسشىلارى مۇنداي ورەسكەل ءتارتىپ بۇزعانى ءۇشىن زاڭ الدىندا جاۋاپ بەرۋى ءتيىستى،دەپ ەسەپتەيدى بازار باسشىلارىنىڭ ارەكەتىنە اشۋلانعان استانالىق تۇرعىندار.
راسىندا، ءتۇرلى ينفەكسيالار مەن جۇقپالى ىندەتتەردى تاراتۋشى ءارى تاسىمالداۋشى حايۋان ەكەنى امبەگە ايان. ۇزىندىعى 15-50 سم ارالىعىنداعى، قۇيرىعى ۇزىن ەگەۋقۇيرىقتى زالالسىزداندىرۋ، قانداي دا ءبىر جۇقپالى اۋرۋلاردىڭ تارالماۋىن قاتاڭ باقىلاۋعا الۋ سەكىلدى جۇمىستارعا بىردەن-بىر جاۋاپتى مەكەمە - استانا قالالىق سانيتارلىق-ەپيدەميولوگيالىق ءبولىم قىزمەتكەرلەرى بولماق. قازنەت تۇتىنۋشىلارى اراسىندا اسا كەڭ تانىمالدىلىققا يە بولا قويماسا دا قوعامدىق ورىننىڭ ەت سورەسىن ەركىن كەزىپ جۇرگەن ەگەۋقۇيرىقتىڭ "كوز جويماسا"، ارتى جۇقپالى اۋرۋعا ۇلاسپاسىنا كىم كەپىل؟!
نۇرزات توعجان
