ەلىمىزدىڭ ساياسي ومىرىندە زور سەرپىلىس اكەلىپ، ميلليونداعان قازاقستاندىقتاردىڭ جۇرەگىنە سەنىم مەن ءۇمىت ۇيالاتقان ەلباسى جولداۋىن حالقىمىزدىڭ جىل سايىن اسىعا كۇتەتىنى بەلگىلى. ەلباسى جولداۋى ەل دامۋىنداعى باسىم باعىتتاردى ايقىنداپ بەرگەن تاريحي قۇجات بولىپ ەلىمىزدىڭ ودان ءارى وسىپ-وركەندەۋىنە جول كورسەتكەن جاسامپازدىقتىڭ جارشىسى. قازاقستان حالقىنا جول تارتقان «نۇرلى جول – بولاشاققا باستار جول» جولداۋى ەل كۇتكەن ەڭسەلى نىسانالاردى بەلگىلەۋىمەن ەرەكشەلەنەدى.
سىرتقى احۋال كۇردەلى بولىپ تۇرعان قازىرگى كەزەڭدە شەشىلۋى ءتيىس مىندەتتەردى كۇنىلگەرى بەلگىلەۋ قاجەتتىلىگىنەن ەل دامۋىنداعى باسىم باعىتتاردى ايقىنداپ بەرگەن ەلباسىنىڭ بيىلعى جولداۋى قازاقستاندىقتاردىڭ ءومىرى مەن الەۋمەتتىك تۇرمىسىن جاقسارتۋعا باعىتتالعان ۇلكەن كورەگەندىكتىڭ بەلگىسى.
تاريحي دامۋدىڭ تۇبەگەيلى ماقساتى – ادام، ونىڭ ءوسىپ-ونۋى، گۇلدەنۋى، دامۋى، جان-جاقتى جەتىلۋىنە جول اشۋ بولسا، وتانىمىزدىڭ جەتىستىكتەرى – ءاربىر قازاقستاندىقتىڭ ۇلتتىق ماقتانىشى. كۇشتى، قۋاتتى مەملەكەتتەر عانا تۇراقتى ەكونوميكالىق وسۋىمەن، بەيبىتشىلىكتى تۇراقتاندىرۋمەن اينالىسادى.
مەملەكەت باسشىسى ەلىمىزدە ازاماتتار اراسىندا ءوزارا سەنىمدى نىعايتۋ، سونداي جولمەن ەشكىمدى كەمسىتپەي، ەشكىمنىڭ ءتىلى مەن ءدىلىن مانسۇقتاماي، بارلىق ازاماتتارعا تەڭ مۇمكىندىك بەرۋ ارقىلى تۇراقتىلىق پەن بەيبىتشىلىكتى كۇن سايىنعى ەڭبەكپەن قورعاپ نىعايتۋ قاجەتتىلىگىن ايتقان. بۇل جولعى جولداۋ سونىسىمەن ايىرىقشا ماڭىزدى. جولداۋدا ايتىلعان تاعى ءبىر وزەكتى ماسەلە – تۇرعىن ۇيمەن قامتۋ. جولداۋدا الداعى ۋاقىتتا مەملەكەت الەۋمەتتىك جالدامالىق ۇيلەر سالىپ، ونى حالىققا ساتىپ الۋ قۇقىعىمەن ۇزاق مەرزىمگە جالعا بەرىلەتىنى ايتىلعان. بۇل حالىقتىڭ كوپتەن بەرى كوكەيىندە جۇرگەن كۇردەلى ماسەلەلەردىڭ ءبىرى. قولجەتىمدى باسپانا باعدارلاماسى بويىنشا وسى كۇنگە دەيىن تەك باقۋاتتى جانە تۇرمىسى ورتا وتباسىلار ءۇي ساتىپ العان بولسا، ەندى يپوتەكالىق نەسيەلەردىڭ پايىزدىق مولشەرلەمەسى تومەندەتىلىپ بەرىلەتىنى الەۋمەتتىك جاعىنان از قامتاماسىز ەتىلگەن ادامداردىڭ، اسىرەسە جاستاردىڭ، جاس وتباسىلاردىڭ باسپانالى بولۋىنا ايرىقشا سەپتىگىن تيگىزەدى.
«تۇرعىن ءۇي ينفراقۇرىلىمدارىن نىعايتۋ. اگلومەراسيالار قالىپتاستىرۋ ايتارلىقتاي تۇرعىندار اعىنىمەن قاتارلاسا جۇرەدى. بۇل ەڭبەك نارىعى مەن قالالاردىڭ ينفراقۇرىلىمىنا، سونىڭ ىشىندە، تۇرعىن ءۇي قورىنا قىسىم تۋعىزادى. سوندىقتان جالعا بەرىلەتىن تۇرعىن ءۇي قۇرىلىسىنا كوزقاراستى قايتا قاراعان ءجون. مەملەكەت الەۋمەتتىك جالدامالى باسپانانى سالىپ، ونى تۇرعىندارعا ساتىپ الۋ قۇقىن بەرە وتىرىپ، ۇزاق مەرزىمدى جالعا ۇسىنادى. باسپانانى تىكەلەي، دەلدالدارسىز جانە نەسيەگە بارىنشا تومەن پايىزبەن ۇسىنۋ ونىڭ ساتىپ الۋ قۇنىن ارزانداتۋعا مۇمكىندىك بەرەدى. باستاپقى جارنانىڭ بولماۋى مەن يپوتەكا ءۇشىن تومەن پايىزدار باسپانانى قازاقستاندىقتاردىڭ كوپتەگەن جىكتەرى ءۇشىن قولجەتىمدى ەتە تۇسەدى. سوندىقتان 2015-2016 جىلدار ىشىندە جالعا بەرىلەتىن تۇرعىن ءۇي قۇرىلىسىن قارجىلاندىرۋدى قوسىمشا 180 ميلليارد تەڭگە سوماسىندا ۇلعايتامىز»، - دەگەن ەدى ەلباسى نۇرسۇلتان نازاربايەۆ. «وتاندى ءسۇيۋ – بابالاردان ميراس بولعان ۇلى مۇرانى قادىرلەۋ، ونى كوزدىڭ قاراشىعىنداي ساقتاۋ، ءوز ۇلەسىڭدى قوسىپ، دامىتۋ جانە كەيىنگى ۇرپاققا امانات ەتىپ، تابىستاۋ – بارشا قازاقستاندىقتاردىڭ جۇمىسىنىڭ تۇپكى ءمانى – وسى!» دەلىنگەن جولداۋدا. بۇل جاڭا ەكونوميكالىق باعدارلامانى جۇزەگە اسىرۋ ءۇشىن قازاقستاندىق ءاربىر ازاماتقا، اسىرەسە جاستارعا ۇلكەن جاۋاپكەرشىلىك جۇكتەلەدى. جولداۋ جاستار ەكى قولدى سىبانىپ، ايانباي تەر توگىپ ەڭبەك ەتۋگە شاقىرىپ، ەلىمىزدىڭ بولاشاعىن وركەندەتۋگە ءوز ۇلەستەرىن قوسۋعا شابىتتاندىرادى.
