وسى جىلى اتالىپ جاتقان قازاق حاندىعىنىڭ مەرەيتويى مەملەكەت جۇرگىزىپ جاتقان ۇلتتاندىرۋ ساياساتىنىڭ امالى دەپ سەنگىم كەلەدى. ءتۇرلى شارالار، ماڭىزدى وقيعالار وتكىزىلۋدە. حالىق اراسىنان شىعىپ جاتقان باستامالارعا دا قۇلاق ءتۇرىپ جاتىر بيلىك. وسىعان وراي، مەنىڭ دە ءبىر ۇسىنىس تاستاعىم كەلەدى، زور ماڭىزدى ۇسىنىستى. بۇل ۇسىنىس - قازاق ۇلتتى ازاماتتاردىڭ ءاتى-جونىن رەتتەيتىن زاڭ قابىلداۋ. دالىرەك ايتقاندا، بۇل زاڭ مىنا پۋنكتتەردى قاراستىرۋ كەرەك: - جاڭادان تۋعان سابيلەرگە، نە جەكە باس كۋالىگىن العاندا ازاماتاردىڭ تەگىنە «-وۆ، -وۆا»، «-ەۆ، -ەۆا»، «-ين، -ينا» جالعاۋلارىن جالعاماۋ؛ - تەك رەتىندە اتا-باباسىنىڭ ەسىمىن ءوز كۇيىندە، نە «-تەگى» جالعاۋى ارقىلى قولدانۋ؛ نەمەسە باياعى نورما بويىنشا اتى مەن اكەسىنىڭ اتىن جازۋ (اباي قۇنانباي ۇلى، دينا نۇرپەيىس قىزى)؛ - ەسىمدەردى دۇرىس قالپىندا، گرامماتيكالىق نورمالار بويىنشا جازۋ («ءمولدىر» ەسىمىنىڭ ترانسكريپسياعا بايلانىستى بىرنەشە ءتۇرى بار، مولدير، مولدەر، مولدىر دەگەن سياقتى). اتالعان ۇسىنىستار جاڭا تۋىلعان سابيلەرگە، كۋالىك بەرىلەتىن تۇلعالارعا مىندەتتى تۇردە جانە ءاتى-جونىن ءوز قالاۋىنشا اۋىستىرعىسى كەلگەندەرگە قاتىستى بولۋ كەرەك. قولداساڭىزدار، ارەكەت جاساپ كورەلىك! نۇرسۇلتان باعيدوللا، Facebook پاراقشاسىنان