كاسىپقوي بوكستا قازاق ەلىنىڭ ابىرويىن اسقاقتاتىپ جۇرگەن وتانداسىمىز قانات يسلام IBO (حالىقارالىق بوكس ۇيىمى) رەيتينگىندە ءتورت ساتى جوعارىلادى.
IBO جاڭارعان رەيتينگىندە قانات يسلام 77ء-شى ورىننان كورىندى. ءبىرىنشى ورتا سالماقتا ب ا ق سىنايتىن وتانداسىمىز ناۋرىز ايىنىڭ سوڭىندا كولۋمبيادا جەرگىلىكتى بوكسشى ورلاندو حەسۋس ەسترادانى جەڭىپ، «WBA Fedelatin» اتاعىن قورعاپ قالعان بولاتىن. قازىرگى تاڭدا قازاقستاندىق بوكسشى كاسىپقوي رينگتە 19 كەزدەسۋ وتكىزىپ ۇلگەردى. ونىڭ 16-سىن نوكاۋتپەن اياقتاعان. كەلەسى كەزدەسۋىن اقش-تا وتكىزۋدى جوسپارلاپ وتىر. ازىرگە جەكپە-جەكتىڭ ۋاقىتى مەن بوكسشىنىڭ كىممەن جۇدىرىقتاساتىنى انىقتالعان جوق.
جاڭارعان IBO رەيتينگىندە قانات يسلامنان وزگە قازاقستاندىق بوكسشىلاردىڭ ناتيجەلەرى كورسەتىلگەن. بەيبىت شۇمەنوۆ ءبىر ساتى تومەندەپ، 18ء-شى ورىنعا تۇراقتاسا، يسا اقبەربايەۆ 50ء-شى ورنىن ساقتاپ قالعان. جەڭىل سالماقتا جانات جاقيانوۆ بەس ساتى تومەندەپ، 21ء-شى ورىنعا سىرعىدى.
