ءبىر كۇن بۇرىن ۇلتتىق اقشامىزدىڭ تۋعان كۇنىن تويلادىق. ۇلتتتىق ۆاليۋتامىزدى تۋعان كۇنىمەن قۇتتىقتاي وتىرا سىن ايتۋعا ءماجبۇرمىز.

ۇلتتىق اقشامىز دۇنيەگە كەلىپ، ءتول تەڭگەمىزگە ۇلى اتالارىمىزدىڭ بەينەسىن  سالدىق. «ءولى جەبەمەي، ءتىرى بايىمايدى» دەپ، جۇرەگىمىز جارىلا قۋاندىق. العاشقى جىلدارى ءبارى ءساتتى باستالدى. تاۋەلسىزدىگىمىزدى ايقىن سەزىنىپ، جۇرەگىمىزدە ءۇمىت وتى الاۋلاپ جاندى. الايدا، ورىس ءتىلدى بيلىكتىڭ ىقپالىمەن تەڭگەمىزدەن ۇلى اتالارىمىزدىڭ بەينەسى الىنىپ تاستالىپ، تەڭگەمىزگە وتارلاۋشى ەلدىڭ ءتىلىن قوسىپ، ونى «مۋزەي»  مەن «زووپارككە» اينالدىردىق جانە ونىڭ تاعدىرىن «رۋبلگە» قوساقتاپ، بايلاپ بەردىك. ول از بولعانداي، قارىز سۇراعان الاقاننىڭ سۋرەتىن سالدىق. ونى ءبىز ءقازىر سىپايىلاپ «ينۆەستيسيا» دەپ اتاپ ءجۇرمىز. قورىتىندىسى تەڭگەمىز 800 پايىزعا قۇنسىزداندى. ءالى دە توقتاماستان قۇلدىراپ بارادى. تەڭگەنىڭ قۇنسىزدانۋى، سول سەبەپتەن تۇتىنۋ تاۋارلارىنىڭ تولاسسىز قىمباتتاۋىنىڭ اياعى قاراپايىم حالىقتى كەدەيشىلىككە اپارىپ سوقتىرۋدا.

27 جىل بويى ەلىمىزدىڭ قارجى ءمينيسترى «تەڭگەمىز قۇندى، ەشقانداي ينفلياسيا جوق» دەپ الداۋمەن  كەلەدى. وسى مالىمدەۋلەردىڭ اقيقاتىن سارالاساق:

1993 جىلى 15 قاراشا دا ءتول تەڭگەمىز اۋىسقاندا،

1 اقش دوللارى – 4 تەڭگە 47 تيىن بولعان ەكەن. (1993 جىل). ول كەزدە تەڭگەنىڭ ەڭ جوعارى كۋپيۋراسى –100 تەڭگە بولدى.

بۇگىنگى تاڭدا 1 اقش دوللارى – 370 تەڭگەنى قۇراپ وتىر. (قاراشا 2018 جىل) قازىرگى ۋاقىتتا تەڭگەنىڭ ەڭ جوعارى كۋپيۋراسى – 20 000 تەڭگە بولدى.

10 جىلدان كەيىن تەڭگەمىزدىڭ قۇنى 1 اقش دوللارىنا شاققاندا – 500 تەڭگە بولىپ، ەڭ جوعارى كۋپيۋرامىز – 100 000 تەڭگە بولسا تاڭ قالۋعا بولماس.

مەملەكەت حالىق الدىنداعى وزدەرىنىڭ الەۋمەتتىك مىندەتتەرىن ورىندامادى.

 مامبەتكارىم قارجاۋباي ۇلى