ەسكەرتە كەتەيىك، ۇستىمىزدەگى جىلدىڭ 11 قازانىندا «بايقوڭىردان» ۇشىرىلعان «سويۋز» راكەتاسى ۇشار ساتتە اپاتقا ۇشىراعانى بەلگىلى. ونىڭ بورتىندا امەريكالىق نيك حەيگ، رەسەيلىك عارىشكەر نيكولاي وۆچينين بولعانى بەلگىلى. اپات ورىن العان كەزىندە ولار قۇتقارۋ كاپسۋلى ارقىلى جەرگە قونىپ، وزدەرىن امان ساقتاپ قالدى. ەندى مىنە تەكسەرۋ كوميسسياسى قۇرىلىپ، بارلىق جاعداي ساراپقا سالىنۋدا.

ءبىراق اپاتتى وقيعا ايماققا قانشالىقتى زيان كەلتىردى، مۇنىڭ بارلىعى ءالى ناقتىلانعان جوق. ءبىراق  قازاقستان تاراپى قۇلاعان «سويۋزعا» قارجى سۇراپ وتىر.

وسىعان وراي قۇرىلعان ۇكىمەتتىك كوميسسيا  ءقازىر ماسەلەنىڭ جاي-جاپسارىن انىقتاۋدا. قازاقستان ىشكى ىستەر ۆيسە-مينيسترى يۋريي يلين «راكەتا قۇلاعان ايماق ەشقانداي زارداپ  شەككەن جوق» دەپ مالىمدەدى. الايدا، ەكى تاراپ جاعدايدى وزدەرىنشە زەرتتەپ جاتقانعا ۇقسايدى. ىشكى ىستەر ۆيسە-مينيسترى ءمالىم ەتكەندەي، رەسەي تاراپىنان قازاقستان جاعى لابوتوريالىق شىعىندارعا كەتەتىن قارجىنى سۇراماق. ال رەسەيلىكتەر راكەتا - تاسىعىشتىڭ اپاتتىق جاعدايىنا نە اسەر ەتكەنىن زەردەلەمەك.