جولسەرىكتەر مەن جۇرگىزۋشىلەردىڭ جالاقىسىن وسىرۋدەگى ماقسات-قالالىق اۆتوبۋستاردا ەلەكتروندى بيلەت جۇيەسىنىڭ ءتيىمدى ەنگىزىلۋى، دەپ xابارلايدى اتىراۋ قالاسى اكىمىنىڭ باسپا ءسوز قىزمەتى. 
بۇل تۋرالى "سمارت-اتىراۋ" كمم باسشىسى ادىلبەك تانكييەۆ مالىمدەدى. مالىمدەمەشىنىڭ ايتۋىنشا، اعىمداعى جىلدىڭ قاراشاسىنان باستاپ قوعامدىق كولىك جۇرگىزۋشىلەرى 110 مىڭ تەڭگە ورنىنا 300 مىڭ تەڭگە جالاقى الاتىن بولادى، جولسەرىكتەر جالاقىسى 45 مىڭ تەڭگەدەن 85 مىڭ تەڭگەگە وسكەن.

-بۇل شارالار قوعامدىق كولىكتەردە جولاقى تولەۋدىڭ ەلەكتروندى جۇيەسىنىڭ وتە ءتيىمدى ەنگىزىلگەندىگىنەن قولعا الىندى. جولاۋشىلاردىڭ قوزعالىسىن باسقارۋ، تاسىمالداۋشى مەكەمەلەر كىرىستەرىنىڭ اشىقتىعى، سونداي-اق بيۋدجەتكە سالىق تۇسىمدەرىن ارتتىرۋ ءۇشىن. جالاقى بارلىق تاسىمالداۋشى مەكەمەلەردىڭ ەمەس، تەك ساناۋلى مەكەمەلەردىڭ جۇرگىزۋشىلەرى مەن جولسەرىكتەرى ءۇشىن عانا ءوستى،- دەدى ادىلبەك تانكييەۆ. 

ايتا كەتەيىك، قازىرگى تاڭدا ەلەكتروندى بيلەت جۇيەسى 6 اۆتوبۋسقا ەنگىزىلدى - 2،14،5،12،4،10. 1 جانە 20 اۆتوبۋستاردا جۇيە 1-2 كۇندە ىسكە قوسىلادى. جولاقى تولەۋ كارتاسىن قالاداعى ءىرى ساۋدا ورىندارىندا ورنالاسقان 11 نۇكتەدەن الا الاسىز. سونىمەن قاتار، جولاقىنى 7 تولەم جۇيەسى ارقىلى تولەۋگە بولادى.

ء-بىز كولىك جۇرگىزۋ ساناتى سايكەس كەلەتىن جۇرگىزۋشىلەردى كەلىسىمشارتقا وتىرۋعا شاقىرامىز،- دەپ تولىقتىردى ادىلبەك تانكييەۆ.