ۇلتتىق بانكتىڭ مالىمەتى بويىنشا، 2018 جىلدىڭ 11 ايىندا جەكە تۇلعالار شەتەلدەرگە 7 ميللياردتاي دوللار اۋدارعان. ال كەلىپ تۇسەتىنى 2 ميللياردقا دا جەتپەيدى. بۇل تۋرالى Qamshy.kz اقپارات اگەنتتىگى استانا ارناسىنىڭ جاڭالىقتارىنا سىلتەمە جاساپ حابارلايدى.

سىرتقا جىبەرىلەتىن اقشا نەگىزىنەن ەلىمىزدە جۇمىس ىستەپ جۇرگەن ەڭبەك ميگرانتتارىنىڭ اۋدارىمدارى. كاپيتالدىڭ كوپ بولىگى دالىرەك ايتساق، 61،3 پروسەنتى رەسەيگە، تۇركيا، اقش، وزبەكستان، شۆەيساريا جانە قىتايعا جىبەرىلەدى.

ەگەر، شۆەيسارياعا اقشا جىبەرۋشىلەردىڭ 80 پروسەنتى وزدەرىنىڭ ەسەپ-شوتتارىنا اۋدارسا، وزبەكستانعا كەرىسىنشە، قايتارىمسىز تولەمدەر جاسالادى.  

"ءقازىر قازاقستاندا 2 ميلليوننان استام ەڭبەك ميگرانتتارى جۇمىس ىستەيدى. ولاردىڭ ءبىر ميلليونى بۇل ەلدە زاڭدى تۇردە ەڭبەك ەتىپ جاتسا، تاعى ءبىر ميلليونى مۇندا زاڭسىز جۇمىس ىستەيدى"، - دەدى ميگرانتتار ماسەلەسى بويىنشا حالىقارالىق ۇيىمنىڭ ۇيلەستىرۋشىسى دەيان كەسەروۆيچ.  .