ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ نۇر-سۇلتان مەن الماتىداعى ميتينگكە وراي پىكىر ءبىلدىردى، دەپ حابارلايدى Qamshy.kz اقپارات اگەنتتىگى ءىnform.kz سايتىنا سىلتەمە جاساپ.

"نۇر-سۇلتان مەن الماتى قالالارىندا قازاقستاندا تىركەلمەگەن جانە سوت تىيىم سالعان قدت ەسترەميستىك ۇيىمىنىڭ ۇندەۋىمەن الاڭدارعا بىرنەشە جۇزدەگەن ادام شىقتى. وزدەرىڭىزگە دە بەلگىلى بولىپ وتىرعانداي، اتالعان ۇيىمنىڭ قاشقىن باسشىسى سايلاۋ قارساڭىندا ەلدەگى بيلىكتى ديسكرەديتاسيالاۋ، كەزەكتەن تىس پرەزيدەنتتىك سايلاۋعا بويكوت جاريالاۋ بويىنشا جاپپاي ناسيحات جۇمىسىن جۇرگىزدى. سايلاۋ كەزەڭىندە قوعامعا قارسى ىس-ارەكەتتەر جاساۋعا شاقىردى. ولاردىڭ دەسترۋكتيۆتى شاقىرۋلارىنا قاراماستان سايلاۋ جوسپارلى رەجىمدە ءوتىپ جاتىر. حالىق وزدەرىنىڭ قالاۋلارىن ءبىلدىرۋ ءۇشىن سايلاۋ ۋچاسكەلەرىنە بارۋدا"، - دەدى ءبىرىنشى ۆيسە-مينيستر ورتالىق سايلاۋ كوميسسياسىندا وتكەن بريفينگتە.

ونىڭ سوزىنشە، قازىرگى تاڭدا قوعامدىق ءتارتىپ پەن قاۋىپسىزدىكتى قاداعالاۋ شارالارى قابىلدانىپ جاتىر.

"بارلىقتارىڭىزعا بەلگىلى، زاڭنامامىزدا كەز كەلگەن بەيبىت جيىن، شەرۋ، ميتينگ  وتكىزۋ ءتارتىبى ناقتى جازىلعان. زاڭدى تالاپتى ساقتاماعاندار  جاۋاپقا تارتىلادى"، - دەدى مارات قوجايەۆ.