م.وتەمىس ۇلى اتىنداعى قازاق اكادەميالىق دراما تەاترىنىڭ 15 ءارتىسى تاريحي كيىمدەردى كيۋدى ءجون كوردى،
اتىراۋ وبلىسىندا ق ر پرەزيدەنت سايلاۋى جالعاسۋدا. APEC جوعارى كوللەدجىندە ورنالاسقان #90 سايلاۋ ۋچاسكەسىندە ەرەكشە داۋىس بەرۋ بولدى. م.وتەمىس ۇلى اتىنداعى قازاق اكادەميالىق دراما تەاترىنىڭ 15 ءارتىسى سايلاۋدا وزدەرىنىڭ داۋىستارىن بەرۋ ءۇشىن ساحنالىق تاريحي كيىمدەرىن كيىپ كەلدى.
- ءبىزدىڭ تەاتر ۇجىمى سايلاۋعا شىعارماشىلىق باعىتتا قاراۋدى ۇيعاردى. ءبىز ساياسي پارتيالارعا باعىنىشتى ەمەسپىز، ءبىز تەك بۇل سايلاۋدىڭ ماڭىزدىلىعىن كورسەتكىمىز كەلدى. ءبىزدىڭ اتا-بابالارىمىز قازاق مەملەكەتىن قۇرۋدا كوپتەگەن كۇرەستەردى باسىنان وتكىزدى. ۇرپاقتارى رەتىندە وسىنى باعالاي ءبىلۋىمىز كەرەك. وسى سايلاۋعا قاتىسا وتىرىپ، وتانىمىزدىڭ قالىپتاسۋىنا ءوز ۇلەسىمىزدى قوسامىز دەپ سەنەمىز، - دەيدى تەاتر رەجيسسەرى جانات تەلتايەۆ.
سايلاۋ ۋچاسكەسىندە تەاتر ارتىستەرى 15 مينۋتتاي بولىپ، «قىز جىبەك» قويىلىمىنان اندەردى ورىندادى.
- بارلىق ۇجىم داۋىس بەرمەدى. تەك قانا سول ۋچاسكەدە تىركەلگەن ارتىستەر داۋىس بەردى. سولاردىڭ اراسىنداعى تەاتر اكتەرى نۇربەك سەزحان تولەگەن وبرازىندا بولدى. قالعان ارتىستەر وزدەرىنىڭ تىركەلگەن ۋچاسكەلەرىندە داۋىستارىن بەردى، - دەيدى جانات تەلتايەۆ.
ايتا كەتەيىك، بۇگىنگى تاڭدا اتىراۋ وبلىسىندا داۋىس بەرۋ تىزىمىنە 409 679 سايلاۋشىلار ەنگىزىلگەن.
سايلاۋ كوميسسيالارىنىڭ جالپى سانى 271 قۇرايدى، ونىڭ ىشىندە 262ء-ى ۋچاسكەلىك جانە 9-ى اۋماقتىق (وبلىستىق، قالالىق جانە 7 اۋداندىق).