قازاقستان رەسپۋبليكاسىنىڭ پرەزيدەنتى قاسىم-جومارت بۇگىن ءوز داۋىسىن "استانا وپەرا" تەاترىنىڭ عيماراتىندا ورنالاسقان سايلاۋ ۋچاسكەسىندە بەرىپ، سول جەردە ەلدى اۋىزبىرشىلىككە، بىرىگۋگە شاقىردى. پرەزيدەنت كەز-كەلگەن وپپوزيسيالىق كۇشپەن جانە جاستارمەن اشىق ديالوگ ۇيىمداستىراتىنىن ايتتى دەپ جازادى Qamshy.kz اقپارات اگەنتتىگى.

"جاستاردىڭ بيلىككە قارسى شىعىپ-شىقپاۋى ماڭىزدى ەمەس. مەن جاستار ساناتىنا كىرەتىندەردىڭ بارلىعى حالقىمىزدىڭ الدىندا تۇرعان ماڭىزدى ماسەلەلەردى شەشۋ جولىندا بىرىگەتىنىنە سەنەمىن. الەم تۇراقسىز بولىپ بارادى. سوعان قاراماستان، ءبىز ادامداردىڭ پىكىرىنە قۇرمەتپەن قارايمىز. ءبىز بيلىككە قارسى ادامدارمەن دە، قولدايتىندارمەن دە اشىق ديالوگ جۇرگىزۋگە دايىنبىز"، - دەدى توقايەۆ ءوزى داۋىس بەرگەن ۋچاسكەدە. 

"مەن بارلىق زاڭ ورگاندارىنا ازاماتتار تاراپىنا دۇرىس جۇمىس جاساۋدى تاپسىردىم. كەشىرىلمەيتىن قىلمىستار دا بولادى، ارينە. ءبىراق پىكىر ايتۋعا بارلىعى قۇقىلى. مەن جاستاردى بيلىك باعىتىنا سابىرمەن قاراۋعا شاقىرامىن.ءبىز ەلىمىزدى دامىتۋ ءۇشىن ءبار بولۋىمىز كەرەك، اشىق ديالوگتار ۇيىمداستىرۋىمىز كەرەك"، - دەپ ءتۇيدى ءسوزىن پرەزيدەنت.