«كەلەشەك پرەزيدەنت قازاق ەلى ءۇشىن ايانباي ەڭبەك ەتەدى دەپ سەنەمىن». جۇبايىمەن بىرگە داۋىس بەرۋگە كەلگەن كومپوزيتور التىنبەك قورازبايەۆ وسىلاي دەدى. قازاقستاننىڭ حالىق ءارتىسى ءوز تاڭداۋىن №211 سايلاۋ ۋچاسكەسىندە جاسادى. بۇعان دەيىنگى سايلاۋلارعا دا بەلسەندى قاتىسىپ جۇرگەن حالىق ءارتىسى، بۇل جولعى ساياسي ناۋقاندا دا قازاقستاندىقتار دۇرىس تاڭداۋ جاسايدى دەگەنگە سەنەدى، دەپ حابارلايدى اlmaty.tv ءتىلشىسى.

«ءوزىمنىڭ ەلىم ءۇشىن، حالقىم ءۇشىن ەلىمىزدىڭ پاتريوتى ەسەبىندە جۇبايىممەن كەلىپ، ءوز داۋىسىمدى بەردىم. مەن الدا بولاتىن پرەزيدەنتىمىز قازاقستاندى وركەندەتەدى دەپ سەنەمىن. مىنەكەي 50 ەلدىڭ قاتارىنا كىردىك، الدا 30 وركەندەگەن ەلدىڭ قاتارىنا جەتەمىز دەپ سەنەمىز»، - دەدى  قازاقستاننىڭ حالىق ءارتىسى، كومپوزيتور التىنبەك قورازبايەۆ.

ساياسي دوداعا ءوز ۇلەسىن قوسىپ، داۋىس بەرۋ ماقساتىمەن شەتەلدەن ارنايى ۇشىپ كەلگەن جاستار دا توبە كورسەتتى. «قازاقستاننىڭ 100 جاڭا ەسىمى» جوباسى جەڭىمپازدارىنىڭ ءبىرى، تالانتتى جاس كومپوزيتور، پيانيست راحات-بي تولەگەن العاش رەت داۋىس بەردى. ول ءوز تاڭداۋىن №54 سايلاۋ ۋچاسكەسىندە جاسادى.

«بۇل مەنىڭ تۇڭعىش رەت داۋىس بەرۋىم. وسى تاريحي كەزەڭدە ءوز ەلىممەن بىرگە بولۋ ءۇشىن ارنايى يتاليادان كەلدىم جانە ءوز تاڭداۋىمدى جاسادىم»، - دەدى جاس كومپوزيتور، «100 جاڭا ەسىم» جوباسىنىڭ جەڭىمپازى راحات-بي ءابدىساعىن.