قازاقستان پرەزيدەنتى قاسىم-جومارت توقايەۆ ق ر ۇلتتىق قور اكتيۆتەرىن ديۆەرسيفيكاسيالاۋ ساياساتىنا وزگەرىس اكەلەتىن جارلىققا قول قويدى دەپ حابارلايدى Qamshy.kz اقپارات اگەنتتىگى. بۇل تۋرالى مەملەكەت باسشىسى ءزىنىڭ Twitter پاراقشاسىندا جازدى.

2 تامىزدا مەملەكەت باسشىسى 2016 جىلى 8 جەلتوقساندا جاريالانعان № 385ء-شى - ق ر ۇلتتىق قوردىڭ قاراجاتىن قالىپتاستىرۋ جانە پايدالانۋ تۇجىرىمداماسىنا تۇزەتۋلەر مەن وزگەرىس ەنگىزەتىن جارلىققا قول قويدى.

2 تامىزداعى جارلىعىما سايكەس ۇلتتىق قور قاراجاتىن قالىپتاستىرۋ جانە پايدالانۋ تۇجىرىمداماسىنا وزگەرىستەر ەنگىزىلدى. ەندى ۇلتتىق قوردىڭ جيناقتاۋشى اكتيۆتەرىندەگى التىننىڭ ۇلەسى 5%-عا دەيىن جەتەدى. بۇل ۇلتتىق قوردىڭ الەۋەتىن ساقتاپ، قورعاۋ ءۇشىن قاجەت.

— Qasym-Jomart Toqayev (@TokayevKZ) 7 اۆگۋستا 2019 گ.

سونىمەن، "ۇلتتىق قوردىڭ قاراجاتىن قالىپتاستىرۋ مەن پايدالانۋدىڭ نەگىزگى پرينسيپتەرى مەن تاسىلدەرى" بولىمىنە وزگەرىستەر ەنگىزىلدى.

"5.3. ۇلتتىق قوردىڭ اكتيۆتەرىن باسقارۋ" دەگەن تاراۋىنىڭ سەگىزىنشى ءبولىمى بىلاي دەپ وزگەرتىلەدى:

"جيناق پورتفەلىندەگى اكتيۆتەردى ستراتەگيالىق ءبولۋ اكتيۆتەردى ءارتاراپتاندىرۋدى جالعاستىرۋعا باعىتتالعان جانە كونسەرۆاتيۆتى بولۋدەن (اكسياداعى 20% وبليگاسيالارداعى 80%) تەڭدەستىرىلگەن تاراتۋعا (وبليگاسيالاردىڭ 60%، اكسيالاردىڭ 30%، بالاما قۇرالداردىڭ 5% -نا دەيىن جانە التىننىڭ 5% دەيىن) ءوتۋدى كوزدەيدى. ول ۇزاقمەرزىمدى كىرىستى ارتتىرۋعا باعىتتالادى.

تۇجىرىمدامانىڭ الدىڭعى نۇسقاسى اكتيۆتەردى كەلەسى اكسيالارعا تەڭگەرىمدى ءبولۋدى قاراستىردى: 60% وبليگاسيا، 35% اكسيا جانە 5% بالاما قۇرالدار.

12 شىلدەدە قازاقستان ۇكىمەتى پرەزيدەنتكە ۇلتتىق قوردىڭ قاراجاتىن قالىپتاستىرۋ مەن پايدالانۋدىڭ جاڭا تۇجىرىمداماسىن ۇسىندى.

ۇلتتىق قورداعى جيناق پورتفەلىنىڭ 5% -نا دەيىنگى التىن پورتفەلى "حالىقارالىق قارجى نارىقتارىنداعى شەتەلدىك ۆاليۋتا اكتيۆتەرىنىڭ تارتىمدىلىعىنىڭ ىقتيمال تومەندەۋىنەن ۇلتتىق قور اكتيۆتەرىنىڭ ساقتالۋى مەن قاۋىپسىزدىگىن ارتتىرۋ ماقساتىندا" قالىپتاستىرىلاتىندىعى تۋرالى حابارلاندى".

ۇلتتىق قور پورتفەلىندەگى التىن ۇلتتىق بانكتەگى التىنۆاليۋتا رەزەرۆىنىڭ التىن بولىگىن ساتۋدان تۇسكەن اقشاعا تولىقتىرىلادى.

بيىلعى جىلدىڭ ماۋسىم ايىنىڭ سوڭىنداعى دەرەك بويىنشا، ۇلتتىق قورداعى اقشانىڭ كولەمى - 26،2 ترلن تەڭگە، بۇل وتكەن جىلعىدان 18 پروسەنت ءوسىم بارىن كورسەتەدى، وتكەن جىلعى وسى كەزەڭدەگى كورسەتكىش – 22،1 ترلن تەڭگە.