فوتوونەر ءجاي عانا اپپاراتتىڭ شۇرىپپەسىن باسۋ دەگەندى بىلدىرمەيدى. تابيعي، كوركەم، بوياۋى قانىق ءارى ءتىلسىز سويلەيتىن فوتوسۋرەتتى حالىققا ۇسىنۋ - فوتوونەردىڭ حاس شەبەرىنىڭ عانا قولىنان كەلەدى. كەي ادامداردىڭ بويىندا فوتوعا ءتۇسىرۋ قابىلەتى جاسىرىنىپ جاتۋى دا مۇمكىن. ونى ءبىلۋ ءۇشىن ەڭ ءبىرىنشى ب ا ق سىناپ كورۋ كەرەك.

جاستاردىڭ شىعارماشىلىق قابىلەتتەرىن اشىپ، فوتوونەرگە بەيىمدەۋ، فوتوونەردى ىزگى ماقساتتارعا قولدانۋعا شاقىرۋ ماقساتىندا www.kalaisyn.kz جاستار پورتالى«فوتولاۆكا»  مامانداندىرىلعان ساندىق  فوتوتەحنيكا دۇكەنىمەن بىرىگىپ 1 ماۋسىم - بالالاردى قورعاۋ كۇنى قارساڭىندا «باقىتتى بالالىق» اتتى قازاقستاندىق كاسىبي جانە اۋەسقوي فوتوگرافتار اراسىندا فوتوبايقاۋ ۇيىمداستىرماقشى.

فوتوبايقاۋدى بالالاردى قورعاۋ كۇنىنە ارناۋدىڭ دا وزىندىك سىرى بار. ءسابيدىڭ رياسىز كۇلكىسى – ول بەيبىتشىلىكتىڭ نىشانى، ول – باقىتتىڭ نىشانى. سول باقىتتى ءساتتى شەبەرلىكپەن كورسەتە ءبىلۋ – باقىت پەن قۋانىشتى كوپشىلىكپەن ءبولىسۋ.  پورتالعا سۋرەتتەر 2013 جىلدىڭ 20 مامىرىنا دەيىن قابىلدانادى. كەلىپ تۇسكەن سۋرەتتەر ىرىكتەلىپ، مامىردىڭ 20-سى مەن 30-ى ارالىعىندا داۋىسقا تۇسەدى.  ماۋسىم بالالاردى قورعاۋ كۇنى – جەڭىمپاز انىقتالادى.

ءى ورىن – Epson L800 پرينتەرى

ءىى ورىن – Compact Flash Transcend 32 گب

ءىىى ورىن – فوتواپپاراتقا ارنالعان Vanguard سومكەسى.

باقىتتى ساتتەرمەن ءبولىسىپ، ب ا ق سىناپ كورىڭىزدەر.