وبلىس اكىمى اپپاراتىنىڭ «قوعامدىق كەلىسىم» مەكەمەسىنىڭ ۇيىمداستىرۋىمەن مەركى اۋدانىنداعى «Turan» دەمالىس ورتالىعىندا «جاستار شاقىرادى» اتتى فورۋم ءوتتى. دارىندى جاستاردىڭ شىعارماشىلىعىن انىقتاۋعا، قولداۋعا جانە كوتەرمەلەۋگە، قازاقستاندىقتاردىڭ جاس بۋىنىن مادەني-رۋحاني تاربيەلەۋگە، قازاقستاندىق بىرەگەيلىكتى، قوعامدىق كەلىسىمدى قالىپتاستىرۋعا جانە مەملەكەتتىك ءتىلدى وقىتۋ ارقىلى حالىقتىڭ بىرلىگىن نىعايتۋعا باعىتتالعان ءۇش كۇندىك فورۋم جاستار جادىندا ەرەكشە شارالارمەن قالدى دەپ جازادى Qamshy.kz اقپارات اگەنتتىگى.
ءۇش كۇن ىشىندە جاستارعا ءتۇرلى ويىن ساۋىقتىق باعدارلامالار ۇيىمداستىرىلىپ، قاتىسۋشىلار اراسىندا تانىستىق، دوستىق قاتىناسى ورنادى.
شىنىندا دا جاستاردىڭ دەمالىسى قىزىقتى ساتتەرگە تولى بولدى. العاشقى كۇننەن-اق جوسپار بويىنشا بەلگىلەنگەن باعدارلامالار جالىنداعان جاستاردىڭ ەرەكشە قىزىعۋشىلىقتارىن وياتتى. ءاربىر بەرىلگەن تاپسىرمانى بار ىنتا-جىگەرلەرىمەن ورىنداپ فورۋمعا قاتىسۋشىلاردىڭ ءارقايسىسى جەكە قىرلارىنان تانىلدى. شىلدەنىڭ اپتاپ ىستىعى بولماسا دا قولايلى اۋا رايىنا بايلانىستى فورۋم جاستارىنا ارنايى جۇزۋدەن «لوۆي ۆولنۋ-2019» سايىسى وتكىزىلىپ، جۇزگىش جۇيرىكتەر دە انىقتالدى.
ەكىنشى كۇنى قاتىسۋشىلار حاسانوۆا ديلنوزا ءباحادۇر قىزىنىڭ جۇرگىزۋىمەن «پوكولەنيە Z» تاقىرىبىندا سەمينار-ترەنينگكە قاتىسىپ، ناتيجەسىندە بۇل بۋىن تۋرالى قىزىقتى اقپارات الدى. سونىمەن قاتار ترەنينگتە لەكتور جاستارعا باعىت-باعدار رەتىندە الداعى ون جىلدىقتا جوعارى سۇرانىسقا يە بولاتىن جانە سول ۋاقىت ارالىعىندا قوعامعا پايداسى باسەڭدەيتىن ماماندىق تۇرلەرىن تىلگە تيەك ەتتى. سونداي-اق «قازاقتانۋ» باعدارلاماسى اياسىندا ءار ەتنوس قىزدارى اراسىندا قازاقتىڭ ۇلتتىق تاعامى «قۋىرداق» پىسىرۋدەن شەبەرلىك سىنىبى وتكىزىلدى. ال ەر بالالارعا جوعارى ساناتتى اسپاز كاۋاپ ءپىسىرۋدىڭ جانە مۇشەلەپ ەت بولشەكتەۋدىڭ قىر-سىرلارىن ۇيرەتتى. جوعارىدا اتاپ وتكەنىمىزدەي فورۋم جاستاردىڭ ينتەللەكتۋالدىق، مادەني دەڭگەيىن ارتتىرۋدى باستى نازارعا الدى. وسى ورايدا كوشباسشى جاستارعا «وراتورسكوە يسكۋسستۆو ي لەتورسكوە ماستەرستۆو» تاقىرىبىندا «ەلىم-اي دوستىق» قوعامدىق بىرلەستىگىنىڭ باسشىسى كيم پولينا سەمينار-ترەنينگ وتكىزدى. سەمينار ترەنينگتە «جاڭعىرۋ جولى» جاستار قوزعالىسىنىڭ مۇشەلەرى ءتورت توپقا ءبولىنىپ، ءار توپ كوڭىل-كۇي تۇرلەرىن (مەلانحوليالى، سانگۆيندىك، اشۋلانشاق، قىزبا، ت.ب.) تانىستىرۋ ارقىلى سوزدىك قورلارىنىڭ كەڭدىگىن تانىتتى. بۇل ترەنينگ جاستارعا شەشەندىك ونەردى يگەرۋدىڭ ماڭىزدىلىعىن اڭعارتتى. كۇندىزگى ۋاقىت جاستاردىڭ بىلىمدەرىن ارتتىرۋعا جۇمسالسا، كەشكى مەزگىلدە وي سەرگىتۋ ماقساتىندا جاستارعا كاراوكە سايىسى، بي جارىستارى جانە ۆيكتورينالىق ويىندار ويناتىلدى. فورۋم بارىسىندا جاستار بوس ۋاقىتتارىن ءتيىمدى پايدالانىپ، دەمالىس ورتالىعىنىڭ تاماشا تابيعاتىمەن تانىسىپ، فوتوسەسيا جۇرگىزدى.
«جاستار شاقىرادى» ايماقتىق فورۋمىنىڭ جابىلۋ سالتاناتىندا كونسەرتتىك باعدارلامامەن قوسا وبلىس اكىمى اپپاراتىنىڭ «قوعامدىق كەلىسىم» كمم-نىڭ باسشىسى رانو ۋبايدۋللايەۆا كوشباسشى جاستارعا سەرتيفيكات پەن قازاقستان حالقى اسسامبلەياسىنىڭ لوگوتيپى بار كادە-سىي تارتۋ ەتتى.
اتالمىش فورۋم جاستارعا ەرەكشە اسەر سىيلاپ، بىلىمدەرىن كەڭەيتۋگە، جاڭا دوستار تابۋعا، تاماشا تابيعاتتىڭ كۋاگەرى بولۋعا، بوس ۋاقىتتارىن ءتيىمدى وتكىزۋگە زور ۇلەسىن قوسقانى انىق.
پىكىر قالدىرۋ