جامبىل وبلىسى سارىسۋ اۋدانىنىڭ قوس اۋىلى تازا سۋدىڭ يگىلىگىنە يە بولدى. ەندى ءار ۇيگە جەلى تارتىلىپ، اۋىز سۋمەن قامتىلاتىن بولدى.ءبىر اپتا ىشىندە ارىستاندى مەن قىزىلديحان تۇرعىندارىن قۋانتقان وڭدى ءىس «ايماقتاردى دامىتۋ - 2020» باعدارلاماسى بويىنشا جۇزەگە استى.

تۇرعىنداردىڭ قۋانىشىنا 30 تامىز ق ر كونستيتۋسياسى كۇنى جايىلما اۋىلىنداعى قىزىلديحان ەلدى مەكەنىندە جاڭادان "اۋىز سۋ" قويماسى پايدالانۋعا بەرىلدى.

– مىنە، ءبىزدىڭ اۋىلدارىمىز دا ساپالى اۋىز سۋعا قول جەتكىزىپ وتىر،-دەيدى قىزىديحاندىق تۇرعىندار قۋانىشتارىن جاسىرا الماي.

قىزىلديحانداعى اۋىلدىقتارمەن قۋانىشىن ءبولىسىپ قۇتتىقتاۋ ءسوز سويلەگەن اۋدان اكىمىنىڭ ورىنباسارى ولجاس كوكەي سالتاناتتى شارانىڭ القىزىل لەنتاسىن قيدى.

اۋىلدىقتار نىسان باسىندا اتقارىلعان ۇڭعىمانى بۇرعىلاۋ جۇمىستارى، ەلەكتر جەلىسىن تارتۋ جۇمىستارى، ماگيسترالدى سۋ قۇبىرىن تارتۋ جۇمىستارىن ارالاپ، وڭ باعالارىن بەردى.

وسى رەتتە ايتا كەتەيىك، قىزىلديحان اۋىلىن اۋىز سۋمەن قامتاماسىز ەتۋ جۇيەسى قۇرىلىسىنىڭ جوبالىق سمەتالىق قۇنى 232 929 مىڭ تەڭگەنى قۇرايدى، 5 111 مەترلىك سۋ قۇبىرى بويىندا 3 بۇرعىلاناتىن ۇڭعىما ورناتىلعان. باس مەردىگەر –«IMPULSE-LTD» ج ش س.

قۇرىلىس بارىسىندا ۇڭعىمانى بۇرعىلاۋ، ەلەكتر جەلىسىن تارتۋ، ماگيسترالدى سۋ قۇبىرىن تارتۋ جۇرگىزىلگەن. سونىمەن قاتار سۋ جيناۋ يماراتىنداعى عيماراتتاردىڭ قۇرىلىسى جۇرۋدە.

ال، ارىستاندى اۋىلىن اۋىز سۋمەن قامتۋدىڭ جوبالىق قۇنى 242 983،99 مىڭ تەڭگەنى قۇراعان.

اتالمىش قاراجاتقا 5 663 مەتر قۇبىر تارتۋ جۇمىستارى مەردىگەر «ينتەللەكت ازيا» ج ش س جۇرگىزگەن. قۇرىلىس كومپانياسى سۋ قۇبىرى تارتۋ جۇمىستارىن اياقتاپ، رەزەرۆۋاردى ورنالاستىرۋ، سۋ جيناۋ عيماراتىنىڭ تەمىر بەتون قورشاۋىن ورنالاستىرۋ، ەلەكتر جەلىسىن تارتۋ، ترانسفورماتور ورناتۋ جۇمىستارى اتقاردى.

جالپى، جامبىل وبلىسىندا ورتالىقتاندىرىلعان اۋىز سۋمەن قامتىلعان 199 ەلدى مەكەندە 130 مىڭ ادام سۋ قۇبىرى بولا تۇرا، سۋعا قوسىلماعانى انىقتالعان. التى ايدىڭ قورتىندىسىمەن 34 مىڭ ادام قۇبىرعا قوسىلدى. جىل سوڭىنا دەيىن تاعى دا 30 مىڭ ادام سۋ جۇيەسىنە قوسىلاتىن بولادى. بۇل دا كوممۋنالدىق مەكەمەمەن اتقارىلىپ جاتقان جۇمىستىڭ ەسەبىنەن. بۇعان قوسا، بيۋدجەت بويىنشا 18 ەلدى مەكەنگە سۋ قۇبىرلارى جۇرگىزىلۋدە، ونىڭ 10 جوباسى ىسكە قوسىلادى، قامتۋ ۇلەسى 56 پايىزعا جەتەدى.