مەملەكەت باسشىسى قاسىم-جومارت توقايەۆ جولداۋىندا «اۋىل-ەل بەسىگى» ارنايى جوباسىنا ايرىقشا توقتالدى. پرەزيدەنت ءوز سوزىندە بۇل اۋىلداردىڭ اجارىن اشىپ، تۇرعىنداردىڭ تۇرمىسىن تۇزەيتىن بىردەن-بىر جوبا ەكەنىن باسا ايتتى. سوندىقتان دا قاسيەتتى اۋليەاتا وڭىرىندە بۇل جوبانىڭ بويىنا بارىنشا جان ۇرلەنۋدە، دەپ جازادى Qamshy.kz اقپارات اگەنتتىگى. 

جامبىل اۋدانى بويىنشا «اۋىل-ەل بەسىگى» جوباسى اياسىندا 35 جوبانى ىسكە اسىرۋعا جالپى قۇنى 726 ملن. 870 مىڭ تەڭگە قارجى قاراستىرىلدى (رەسپۋبليكالىق بيۋدجەتتەن 654 ملن. 181 مىڭ تەڭگە، وبلىستىق بيۋدجەتتەن 72 ملن. 689 مىڭ تەڭگە).

ونىڭ ىشىندە: ەلەكترمەن جابدىقتاۋعا 8 جوباعا 86 ملن. 005 مىڭ تەڭگە، سۋمەن جابدىقتاۋعا 1 جوباعا 14 ملن. 757 مىڭ تەڭگە، ءبىلىم نىساندارىن جوندەۋگە 3 جوباعا 149 ملن. 533 مىڭ تەڭگە، سپورت نىساندارىن جوندەۋگە 2 جوباعا 175 ملن. 809 مىڭ تەڭگە، جول جوندەۋ جۇمىستارىنا 21 جوباعا 300 ملن. 766 مىڭ تەڭگە ءبولىندى.

مەملەكەتتىك ساتىپ الۋدى ۇيىمداستىرۋ بويىنشا 3 جوبانىڭ قۇجاتتارى وبلىستىق ەنەرگەتيكا باسقارماسىنا ۇسىنىلدى (اسا اۋىلىنداعى مۋزىكا مەكتەبىن كۇردەلى جوندەۋ جوباسى 136 ملن. 451 مىڭ تەڭگە، اسا اۋىلىنداعى سپورت ساۋىقتىرۋ كەشەنىنىڭ قۇرىلىسى جوباسى 166 ملن. 667 مىڭ تەڭگە، اسا اۋىلىنداعى اباي كوشەسىن ورتاشا جوندەۋ جوباسى 128 ملن. 760 مىڭ تەڭگە).

قالعان 32 جوبانىڭ مەملەكەتتىك ساتىپ الۋ ۇيىمداستىرۋشىسى بولىپ 1 جوبا بويىنشا ءبىلىم ءبولىمى جانە 31 جوبا بويىنشا اۋداندىق تۇرعىن ۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى بولىپ تابىلادى.

وسى جوبالار بويىنشا ءتيىستى بولىمدەر تاراپىنان مەملەكەتتىك ساتىپ الۋ قۇجاتتارى كونكۋرسقا بەرىلىپ، جەڭىمپازدارى انىقتالدى. ونىڭ ىشىندە 26 جوبا بويىنشا كەلىسىمشارتقا تۇرىپ، 9 جوبا شاعىمدانۋدا (نا وبجالوۆانيي) تۇر.

بۇگىنگى تاڭدا، 1 ءبىلىم بەرۋ نىسانى مەن 21 جولدىڭ جوندەۋ جۇمىستارى باستالدى.

الەۋمەتتىڭ تۇرمىسىنا باعانىڭ دا كوپ اسەر ەتەتىندىگى بەلگىلى. ماسەلەن قىزمەتتەردىڭ تۇتىنۋ باعالارىنىڭ يندەكسى وتكەن جىلدىڭ جەلتوقسانىنا قاراعاندا 102،6%-دى قۇرادى. ونىڭ ىشىندە ازىق-تۇلىك تاۋارلاردى تۇتىنۋ يندەكسى 105،6%-دى، ازىق-تۇلىك ەمەس تاۋارلار 102،2%-دى جانە اقىلى قىزمەتتەر 99،2%-دى قۇرادى.

باعالاردىڭ وسۋىنە جۇرگىزىلگەن مونيتورينگتىڭ ناتيجەسىندە، 2019 جىلى اۋدان كولەمىندە 33 الەۋمەتتىك ماڭىزدى ازىق-تۇلىك تۇرلەرىنىڭ ىشىندە اسحانالىق ءسابىز 33،3%-عا نەمەسە 30 تەڭگەگە ءوسىپ وتىر.

اۋدانداعى 17 اۋىلدىق وكرۋگتەگى 200 شاعىن ساۋدا ورىندارىمەن نەگىزگى ازىق-تۇلىك تاۋارلارىنىڭ باعاسىن تۇراقتى تۇردە ۇستاپ تۇرۋ جانە ۇستەمە باعانى كوپ مولشەردە قوسپاۋ تۋرالى 144 مەموراندۋمعا قول قويىلدى.

اۋداندا 16 600 توننالىق بارلىعى 142 كوكونىس ساقتاۋ قويمالارى جۇمىس اتقارادى. قازىرگى ۋاقىتتا قويمالاردا 240 توننا ءسابىز، 2 توننا الما ساقتالۋدا.