مەملەكەت باسشىسى قاسىم-جومارت توقايەۆ جۋىرداعى جولداۋىندا ءبىلىم سالاسىنا ايرىقشا باسىمدىق بەردى. اسىرەسە ۇستازداردىڭ ايلىق جالاقىسىن ءوسىرۋ، ولاردىڭ ستاتۋسىن كوتەرۋ سىندى تاپسىرمالارى كوپتىڭ كوكەيىنەن شىققانى انىق. ارينە مەملەكەت تاراپىنان مۇنداي قامقورلىق كورسەتىلىپ، ءتۇرلى باعدارلامالار جاندانىپ جاتقاندا تەك ءبىلىم ساپاسىن جاقسارتۋ قاجەت. بۇل ورايدا جامبىل وبلىسىنداعى جامبىل اۋدانىندا ءبىلىم جۇيەسىندە اۋىز تولتىرىپ ايتارلىق تىرلىك بارشىلىق دەپ جازادى Qamshy.kz اقپارات اگەنتتىگى. 

ماسەلەن جامبىل اۋدانىنداعى جالپى 37 ءبىلىم بەرۋ ۇيىمدارىنىڭ (26 ورتا، 10 باستاۋىش، 1 نەگىزگى مەكتەپ) 872 سىنىپ كومپلەكتىسىندە 15 767 بالاعا 1 899 ۇستاز ءبىلىم بەرۋدە. سونىمەن قاتار، مەكتەپالدى دايىندىق بويىنشا 89 سىنىپ كومپلەكتىسىندە 1 484 بالا ءبىلىم الۋدا.

كومپيۋتەرلىك تەحنيكامەن قامتاماسىز ەتۋ دەڭگەيى 1 كومپيۋتەرگە ورتاشا ەسەپپەن 8 وقۋشىنى قۇرايدى. جالپى اۋداننىڭ بارلىق مەكتەپتەرى ينتەرنەت جەلىسىنە قوسىلعان. ونىڭ ىشىڭدە 25 مەكتەپتە 60 حيميا، فيزيكا، بيولوگيا كابينەتتەرى، 22 مەكتەپتە 30 كابينەت لينگوفون جانە مۋلتيمەديالىق قۇرالدارمەن جابدىقتالعان، 32 مەكتەپتە 110 ينتەراكتيۆتىك تاقتالار بار. بارلىق مەكتەپتەرگە بەينەباقىلاۋ ورناتىلعان.

2019 جىلى ءبىلىم بەرۋ سالاسىنا 9 ملرد. 241،1 ملن. تەڭگە ءبولىندى.

جالپىعا بىردەي مىندەتتى ورتا ءبىلىم قورىنىڭ شىعىندارى 191،1 ملن. تەڭگەنى قۇرادى. ونىڭ ىشىندە 106،2 ملن. تەڭگە از قامتاماسىز ەتىلگەن وتباسىلاردان شىققان 1 331 وقۋشىنى تاماقتاندىرۋعا ءبولىنىپ، يگەرىلگەنى 56،2 ملن.تەڭگە. باستاۋىش سىنىپتاعى 1 688 وقۋشىلارىن ىستىق تاماقپەن قامتۋعا 122،4 ملن. تەڭگە ءبولىنىپ، 59،9 ملن. تەڭگەسى يگەرىلدى.

2018-2019 وقۋ جىلىندا اۋدان كولەمىندە 21 ەلدى-مەكەننەن 12 مەكتەپكە 997 وقۋشى تاسىمالدانىپ وقىتىلادى.

2018-2019 وقۋ جىلىنا مەكتەپ بىتىرۋشىلەر سانى – 600 وقۋشى. ۇبت تاپسىرۋعا ءوتىنىش بىلدىرگەن وقۋشىلار سانى - 407 وقۋشى. جالپى 67،8 پايىزىن قۇراپ وتىر. ونىڭ ىشىندە، 16 وقۋشى «التىن بەلگىگە»، 9 وقۋشى «ۇزدىك اتتەستاتقا» ۇمىتكەر.

اۋدانداعى مەكتەپكە دەيىنگى ءبىلىم بەرەتىن 22 بالاباقشادا (2 698 بالا) جانە 20 مەكتەپ بازاسىنداعى شاعىن ورتالىقتاردا (1075 بالا) بارلىعى 3773 بۇلدىرشىندەر تاربيەلەنۋدە. اۋداندا 1 مەن 6 جاس ارالىعىنداعى بۇلدىرشىندەردى مەكتەپكە دەيىنگى تاربيەمەن قامتۋ كورسەتكىشى 86،7 پايىزدى (وبلىستىق كورسەتكىش 84،0%) قۇرادى. 3 پەن 6 جاس ارالىعىنداعى تاربيەمەن قامتۋ كورسەتكىشى – 99،1 پايىزدى (وبلىستىق كورسەتكىش 98%) قۇرايدى.

ءيا، بۇل الاقانداي اۋدانداعى جاستاردىڭ ءبىلىم ساپاسىنىڭ كورىنىسى.