«دەنى ساۋدىڭ – جانى ساۋ» دەيدى دانا قازاق. شىنىندا ءتاننىڭ ساۋلىعى، جاننىڭ دا دەمەۋى ەكەنى داۋسىز. بۇگىندە ۇلتتىڭ ساۋلىعىن جاقسارتۋ باعىتىندا مەملەكەت تاراپىنان جاندانىپ جاتقان جوبالار از ەمەس. ءبىر عانا «دەنساۋلىق» باعدارلاماسى تالاي ەلدى مەكەندەگى حالىقتىڭ ەڭسەسىن تىكتەپ، دەنىنىڭ ساۋلىعىنا دارمەن بەردى دەپ جازادى Qamshy.kz اقپارات اگەنتتىگى. 

ماسەلەن جامبىل وبلىسى جامبىل اۋدانىندا دەنساۋلىق ساقتاۋ سالاسىندا 35 مەكەمە مەن ۇيىمدار حالىققا قىزمەت كورسەتەدى، وندا بارلىعى 106 دارىگەرلەر مەن 492 ورتا بۋىنداعى مەديسينا قىزمەتكەرلەرى بار. جالپى اۋدان بويىنشا 10 مىڭ تۇرعىندارعا دارىگەرلەرمەن قامتىلۋ كورسەتكىشى 12،8 ءپروميلدى قۇرادى (2018 جىلدىڭ 6 ايى – 13،6).

2019 جىلى 1000 ادامعا شاققاندا تۋۋ كورسەتكىشى 18،67 ءپروميلدى قۇرادى (2018 جىلدىڭ 7 ايى – 21،44 پروميل). 1000 ادامعا شاققاندا ءولىم كورسەتكىشى 5،46 ءپروميلدى قۇرادى (2018 جىلدىڭ 7 ايى – 5،74 پروميل).

ەسەپتى كەزەڭدە انا ءولىمى تىركەلمەگەن. ال 1 جاسقا دەيىنگى سابيلەر ءولىمى كورسەتكىشى 5،7 ءپروميلدى قۇرادى (2018 جىلدىڭ 7 ايى – 11،5). نارەستە ءولىمى بويىنشا 9 جاعداي ورىن العان (2018 جىلدىڭ 7 ايى – 10 جاعداي).

جىل باسىنان بەرى 20 ادامدا تۋبەركۋلەز اۋرۋى انىقتالدى. 100 مىڭ ادامعا شاققاندا تۋبەركۋلەزبەن اۋىرعاندار كورسەتكىشىنىڭ كوەففيسەنتى 37،5 ءپروميلدى قۇرادى (2018 جىلدىڭ 7 ايىندا 18 ادام ناۋقاستانعان نەمەسە 24،4 پروميل).

سونىمەن قاتار، بيىل 100 مىڭ ادامعا شاققاندا قانت ديابەتىمەن ناۋقاستانعاندار كوەففيسيەنتى 85،3ء-نى (2018 جىلدىڭ 7 ايى – 72،8)، قان قىسىمىمەن ناۋقاستانعاندار كوەففيسيەنتى 1 668،9-نى (2018 جىلدىڭ 7 ايى – 2 402،2)، جاڭادان پايدا بولعان قاتەرلى ىسىك اۋرۋلارى 78ء-دى (2018 جىلدىڭ 7 ايى – 65،5)، ناركولوگيالىق تاۋەلدىلىككە دۋشار بولعاندار كورسەتكىشى 87،7ء-تى قۇراپ (2018 جىلدىڭ 7 ايى – 89،8)، جۇيكەسى سىر بەرگەندەر كورسەتكىشى 11،0گە جەتتى (2018 جىلدىڭ 7 ايى – 4،9).

ارينە، بۇل تۇستا كەيبىر كورسەتكىشتەن جانعا جىلۋ بەرسە، كەيبىرى كوڭىل كونشىتۋدە. سول سەبەپتى ەلباسى ەڭ باستى باعىت شالعايداعى اۋىلداردىڭ ءوزىن شاعىن مەديسينالىق پۋنكتەرمەن قامتۋدى تاپسىردى. سونىڭ ارقاسىندا بۇگىندە مويىنقۇم سىندى جامبىل وبلىسىنىڭ كارتاسىندا جالپاعىنان جاتقان اۋداننىڭ شىعاناق سىنىدى اۋىلدارىنىڭ وزىندە مەديسينالىق مەكەمەلەر جۇمىس جاساۋدا. جانە وندا «ديپلوممەن اۋىلعا» باعدارمالاسى بويىنشا بارىپ، تىرلىگىن تىكتەپ جاتقان جاستار از ەمەس. بۇل ءسوز جوق، كوپكە ۇلگى تىرلىك.