«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اسىندا بۇگىندە جامبىل وبلىسىندا جاسالىپ جاتقان جۇمىستار جەتەرلىك. جوبا جەمىسىن كورگەن جاستار مەن ازاماتتاردىڭ ۇكىمەتكە دەگەن العىسى شەكسىز. سونداي-اق جوبا اياسىندا تىرلىگىن تىكتەپ جاتقان شالعاي ەلدى مەكەندەردەگى تۇرعىندار دا بارشىلىق دەپ جازادى Qamshy.kz اقپارات اگەنتتىگى.
ماسەلەن جامبىل اۋدانىندا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى» اياسىندا 2019 جىلى 1 181 ادامدى جۇمىسپەن قامتۋ جوسپارلانسا، ەسەپتى كەزەڭدە 1 014 ادام جۇمىسپەن قامتىلىپ، جوسپار 85،8 پايىزعا ورىندالعان. باعدارلامانىڭ 1 باعىتى قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقۋمەن قامتاماسىز ەتۋ بويىنشا رەسپۋبليكالىق بيۋدجەتتەن 41 ميلليون 905 مىڭ تەڭگە ءبولىنىپ، 220 ادامدى وقىتۋ جوسپارلانىپ، 1-2 كەزەڭ بويىنشا 257 ادام جولداندى.
باعدارلامانىڭ 2 باعىتى جاپپاي كاسىپكەرلىكتى دامىتۋ اياسىندا 2019 جىلعا 120 ادامدى كاسىپكەرلىك نەگىزدەرىن وقىتۋعا، 140 جۇمىسسىز ازاماتتارعا نەسيە بەرۋ جانە 74 ادامعا جاڭا بيزنەس يدەيالاردى ىسكە اسىرۋعا ارنالعان مەملەكەتتىك گرانت بەرۋ جوسپارلانىپ وتىر.
ەسەپتى كەزەڭدە «اتامەكەن كاسىپكەرلىك پالاتاسى» ارقىلى 1-2 كەزەڭ بويىنشا 123 ادام وقۋعا جولداندى. 45 ادامعا 174،3 ميلليون تەڭگە كولەمىندە شاعىن نەسيە بەرىلدى.
باعدارلامانىڭ 3 باعىتى حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ بويىنشا ازاماتتاردى مەملەكەتتىك، سالالىق جانە وڭىرلىك باعدارلامالار اياسىندا جۇرگىزىلەتىن قۇرىلىس جانە جوندەۋ جۇمىستارىنا تارتۋ ماقساتىندا 2019 جىلى 182،5 ميلليون تەڭگە ءبولىنىپ، بۇل قاراجاتتارعا 627 ادامدى جۇمىسپەن قامتۋ جوسپارلانسا، ەسەپتى كەزەڭدە ناقتى 589 ادام ورنالاستى. اتاپ ايتقاندا، الەۋمەتتىك جۇمىس ورىندارىنا 108 ادام (جوسپار – 100 ادام)، جاستار تاجىريبەسى بويىنشا 216 ادام (جوسپار – 220 ادام)، اقىلى قوعامدىق جۇمىستارعا 265 ادام (جوسپار – 307 ادام).
مىنە، جوبا وسىلايشا بارىنشا شاراپاتىن توگۋدە. ءبىر عانا جامبىل اۋدانىندا 108 ادام الەۋمەتتىك جۇمىس ورىندارىنا، 216 ازامات جاستار تاجىريبەسى بويىنشا، 265 ءوتىنىش ءبىلدىرۋشى قوعامدىق جۇمىستارعا جۇمىلدىرىلۋى باس بارماقپەن باعالاۋعا تۇرارلىق.
پىكىر قالدىرۋ