جامبىل وبلىسى جامبىل اۋدانىندا جان جادىراتار تىرشىلىك بارشىلىق. مۇندا جاستار ساياساتى جولعا قويىلىپ، ەلدىڭ ەرتەڭى سانالعان بۋىنعا بارىنشا قولداۋ كورسەتىلۋدە. سونىڭ ناتيجەسىندە بۇگىندە ەلدى مەكەندە قوعامدىق ومىرگە ارالاسقان بەلسەندى جاستار از ەمەس دەپ جازادى Qamshy.kz اقپارات اگەنتتىگى. 

بۇگىنگى تاڭدا اۋدانداعى جاستار سانى 19 485 ادامعا جەتىپ، جالپى حالىق سانىنىڭ 23،7 پايىزىن قۇراپ وتىر. ونىڭ ىشىندە 4 078 جاس بىلىمگەر بولسا، 2018-2019 جىلعى وقۋ جىلىنداعى اۋدانداعى ورتا مەكتەپتەردەگى جالپى وقۋشىلار سانى 14 983، ونىڭ ىشىندە 14-18 جاس ارالىعىنداعى جاستار سانى 3 684 قۇرايدى. جۇمىسقا ورنالاسقاندار سانى 526 ادام، ونىڭ ىشىندە تۇراقتى جۇمىسقا ورنالاسقان 141 جاس، «جاستار تاجىريبەسى» باعدارلاماسىمەن 168 جاس، كاسىبي وقۋعا 105 جاس، كاسىپكەرلىك نەگىزدەرىنە وقۋعا 56 جاس جولداندى.

2019 جىلى جاسوسپىرىمدەر مەن جاستاردىڭ بوس ۋاقىتىن ءتيىمدى وتكىزۋ باعىتىندا 169 ءىس-شارا وتكىزىلدى. باسىلىم بەتتەرىندە، اعىمداعى جىلى مەملەكەتتىك جاستار ساياساتىنا قاتىستى وسى كۇنگە دەيىن بارلىعى 16 ماقالا جاريالانسا، ونىڭ ىشىندە 2-ى وبلىستىق، 14 ماقالا اۋداندىق گازەتتە جاريالاندى. سونداي-اق، الەۋمەتتىك جەلىلەردە 180-كە جۋىق ماتەريالدار شىعارىلدى.

«جاستار رەسۋرستىق ورتالىعىندا» 1120-كە جۋىق جاسقا كەڭەستەر بەرىلدى.

بۇدان بولەك، اۋداندا سۋ قويمالارى مەن كانالداردىڭ دا جۇمىسى جولعا قويىلعان. ماسەلەن اۋدان كولەمىندە جالپى سىيىمدىلىعى 21،9 ميلليون تەكشە مەتردى قۇرايتىن 7 اۋىلدىق وكرۋگتە ورنالاسقان 22 سۋ قويمالارى مەن توعاندار بار. ولاردا ناقتى جينالعان سۋ كولەمى – 11،7 ميلليون تەكشە مەتر نەمەسە 53،4 پايىز.

5 سۋ قويماسى باقىلاۋدا. 17ء-ى قاناعاتتانارلىق جاعدايدا. مەنشىك قۇقىعى بويىنشا «جامبىل سۋ قويمالارى» كمم – 21، جەكە – 1.

كانالدارعا كەلسەك، اۋدان بويىنشا ۇزىندىعى 529،34 شق قۇرايتىن 25 كانال بار. ونىڭ 307،57 شاقىرىم توپىراقتى، 221،77 شاقىرىم بەتوندالعان.

وتكىزۋ سىيىمدىلىعى – 84،1 تەكشە مەتر.

كانالدار 3 جۇيەنىڭ قۇرامىندا:اسا وزەنى بويىنشا – 18 كانال (ۇزىندىعى – 394،56 شق)؛تالاس وزەنى بويىنشا – 5 كانال (ۇزىندىعى – 83،1 شق)؛بەساعاش قاينارى بويىنشا – 2 كانال (ۇزىندىعى – 51،68 شق).

كانالداردىڭ بارلىعى رگپ «كازۆودحوز»-دىڭ تەڭگەرىمىندە.

ارينە بۇل سۋ قويمالارى مەن كانالداردىڭ اۋىل شارۋاشىلىعى ءۇشىن قاجەتى زور. وعان قوسا مەملەكەت باسشىسى قاسىم-جومارت توقايەۆ تا ءوز جولداۋىندا سۋارمالى ەگىستىك كولەمىن ۇلعايتىپ، ءونىمدى ەسەلەۋدى تاپسىردى. سوندىقتان بۇل جۇمىستاردىڭ دا بۇقاراعا بەرەرى مول.