تاراز قالاسىندا قازاقستاننىڭ عىلىمي-زەرتتەۋ ۇيىمدارى مەن مەملەكەتتىك ورگاندارى باسشىلارىنىڭ قاتىسۋىمەن «ترانسفۋزيالىق مەديسينانىڭ وزەكتى ماسەلەلەرى» اتتى حالىقارالىق عىلىمي-تاجىريبەلىك كونفەرەنسيا ءوتتى. القالى جيىنعا قازاقستان رەسپۋبليكاسىنىڭ مەملەكەتتىك جانە كوممەرسيالىق دەنساۋلىق ساقتاۋ ۇيىمدارىنىڭ وكىلدەرى، رەسەي، ۋكراينا، بەلورۋسسيا، تاجىكستان، وزبەكستان، قىرعىزستان جانە باسقا ەلدەردەن ترانسفۋزيولوگيا سالاسىنداعى ساراپشىلار قاتىستى.
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ترانسفۋزيولوگيا عىلىمي-وندىرىستىك ورتالىعى «ەۋرازيالىق مەديسينالىق قاۋىمداستىعى» زاڭدى تۇلعالار بىرلەستىگى جانە جامبىل وبلىستىق قان ورتالىعى ۇيىمداستىرعان كونفەرەنسيادا پروفەسسورلار، مەديسينا عىلىمدارىنىڭ دوكتورلارى، فەدەرالدى مەملەكەتتى-بيۋدجەتتىك مەكەمەسى «ن. ي. پيروگوۆ اتىنداعى ۇلتتىق مەديسينالىق-حيرۋرگيالىق ورتالىعىنىڭ» ترانسفۋزيولوگيا جانە قان قۇيۋ ماسەلەلەرى كافەدراسىنىڭ مەڭگەرۋشىسى ەۆگەنيي جيبۋرت، «ن. ي. پيروگوۆ اتىنداعى ۇلتتىق مەديسينالىق-حيرۋرگيالىق ورتالىعىنىڭ» مەديسينا عىلىمدارىنىڭ كانديداتى سەرگەي مادزايەۆ، يرينا سيماروۆا №52 ماسكەۋ قالالىق كلينيكالىق اۋرۋحاناسىنىڭ دارىگەر انەستەزيولوگ-رەانيماتولوگى يرينا سيماروۆا، دوكتورانت، مەديسينا عىلىمدارىنىڭ كانديداتى ۆاديم ۆلاديميروۆيچ، «رەسپۋبليكالىق قان ورتالىعىنىڭ» باس دارىگەرى ۆالەنتينا چۋپروۆا، «رەسپۋبليكالىق قان ورتالىعىنىڭ» ديرەكتور ورىنباسارى، مەديسينا عىلىمدارىنىڭ كانديداتى ايگانىش ساتىبالدييەۆالار سالاداعى ماسەلەلەردى كوتەرىپ، شەشۋ جولدارىن قاراستىردى.
كونفەرەنسيا جۇمىسى شەڭبەرىندە قان كومپونەنتتەرىن دايىنداۋ، دونورلىق قاندى تەستىلەۋ، گەموترانسفۋزيا قاۋىپسىزدىگىن قامتاماسىز ەتۋ، دالەلدەمەلەرگە نەگىزدەلگەن دونورلىق قان كومپونەنتتەرىن قولدانۋ، قان قىزمەتىندەگى پروسەستەردى اقپاراتتاندىرۋ، قان جۇيەسىنىڭ ونكولوگيالىق اۋرۋلارى كەزىندە دونورلىق تىركەۋ جانە ءدىڭ جاسۋشالارىن ترانسپلانتاسيالاۋ سياقتى ماسەلەلەر تالقىلاندى.
حالىقارالىق كونفەرەنسيا قان قىزمەتىنىڭ يننوۆاسيالىق باعىتتارىندا تاجىريبە الماسۋدا، قولدانبالى زەرتتەۋلەر مەن دونورلىق قان قۇيۋ سالاسىندا ۇزدىك تاجىريبەنى ەنگىزۋدە، جاڭا ىسكەرلىك مۇمكىندىكتەردى دامىتۋ جانە پەرسپەكتيۆالاردى تالداۋ ورنىنا قىزمەت ەتەتىنىن اتاپ وتكەن ءجون.
ءىس-شارا بارىسىندا ءۇش باعىت بويىنشا سەكسيالار جۇمىسى وتكىزىلدى. اتاپ ايتقاندا، دارىگەرلەر كلينيكالىق ترانسفۋزيولوگيا، وندىرىستىك ترانسفۋزيولوگيانىڭ وزەكتى ماسەلەلەرى، قان قىزمەتىندەگى اقپاراتتىق تەحنولوگيالار جانە ترانسفۋزيالىق مەديسيناداعى زەرتحانالىق دياگنوستيكاسى تۋرالى وي ءبولىستى.
حالىقارالىق كونفەرەنسيانىڭ كەڭ اۋقىمدى عىلىمي باعدارلاماسى (30-دان استام بايانداما) قازاقستاندىق ماماندارعا ترانسفۋزيالىق مەديسينا سالاسىنداعى كوپتەگەن قىزىقتى حابارلامالاردى تىڭداۋعا جانە ءتۇرلى جاعدايلاردى تالقىلاۋعا مۇمكىندىك بەرەدى.
