مەديسينا سالاسىن سيفرلاندىرۋ بۇل ءبىرىنشى كەزەكتە قازاقستان رەسپۋبليكاسىنىڭ ستراتەگيالىق باعىتتارىنىڭ ءبىرى. سيفرلاندىرۋ مەديسينا سالاسىنداعى بارلىق اقپاراتتىق جۇيەلەردى بىرىكتىرۋ، ەلەكتروندىق دەنساۋلىق پاسپورتتارىن قۇرۋ، موبيلدىك قوسىمشانى قولدانۋ، بارلىق مەديسينالىق مەكەمەلەردىڭ قاعازسىز قۇجات اينالىمىنا كوشۋ. سيفرلاندىرۋدىڭ مەديسينالىق قىزمەتتىڭ ساپاسىن ارتتىرۋعا، مەديسينالىق قىزمەتكە قولجەتىمدىلىكتىڭ جاقسارۋىنا، كەزەكشىلىكتىڭ ازايۋىنا، بيۋروكراتيزمدى تومەندەتۋگە ىقپال ەتەدى.
جامبىل وبلىسىندا اتالعان ماقساتتا 2017 جىلعى «سيفرلى قازاقستان» مەملەكەتتىك باعدارلاماسى اياسىندا 2017-2018 جىلعا جەرگىلىكتى بيۋدجەت ەسەبىنەن 470 ملن قاراجات مەديسينالىق اقپاراتتاندىرۋ جۇيەسىن ەنگىزۋ ءۇشىن ءبولىندى. قازىرگى تاڭدا وبلىستا بارلىق مەديسينالىق ۇيىمدار مەديسينالىق اقپاراتتاندىرۋ جۇيەسى ەنگىزىلگەن. بۇل جۇيەنىڭ جۇمىس ىستەۋ ءۇشىن مەديسينا قىزمەتكەرلەرىنىڭ جۇمىس ورنىن كومپيۋتەرلىك تەحنيكامەن جانە مەديسينالىق ۇيىمدار ينتەرنەت جەلىسىمەن قامتىلدى. 2017 جىلعى كومپيۋتەرلىك تەحنيكامەن قامتاماسىز ەتۋ 68،2 پايىزدى قۇراسا، بۇگىنگى تاڭدا 100 پايىزعا جەتتى. كومپيۋتەرلىك تەحنيكامەن تولىقتاي قامتۋ ءۇشىن جەرگىلىكتى بيۋدجەت قاراجاتىنان 152 ملن تەڭگە ءبولىنىپ، 1 013 كومپيۋتەر ساتىپ الىندى.
جالپى، جامبىل وبلىسىندا 391 مەديسينالىق مەكەمە بار. ينتەرنەت جەلىسىنە قوسىلعاندار سانى - 352. بۇل 95 پايىزدى قۇرايدى. وسى تۇستا ايتا كەتيىك، 2017 جىلى ينتەرنەتكە قوسىلعان مەديسينالىق ۇيىمدار سانى 188 بولىپ، 52،7 پايىزدى قۇراعان بولاتىن. قازىرگى ۋاقىتتا قورداي اۋدانىندا 4 فەلدشەرلىك-امبۋلاتورلىق پۋنكت پەن 8 مەديسينالىق پۋنكت، تالاس اۋدانىندا 1 مەديسينالىق پۋنكت، مويىنقۇم اۋدانىندا 1 فەلدشەرلىك-امبۋلاتورلىق پۋنكت پەن 3 مەديسينالىق پۋنكت جانە مەركى اۋدانىندا 1 مەديسينالىق پۋنكت اتالعان جۇيەگە قوسىلۋى قاجەت.
ق ر دەنساۋلىق ساقتاۋ ءمينيسترىنىڭ بۇيرىعىنا سايكەس 233 باستاپقى مەديسينالىق قۇجاتتاما نىساندارىنىڭ جامبىل وبلىسى بويىنشا 203ء-ى تولىعىمەن ساندىق فورماتتا مەديسينالىق اقپاراتتىق جۇيەلەرىنە ەنگىزىلگەن. ونىڭ ىشىندە بۇيرىقتىڭ قوسىمشالارىنا سايكەس، ستاسيونارلاردىڭ ورتاشا نىساندارىنىڭ سانى – 77، امبۋلاتوريالىق-ەمحانالاردىڭ كولدانىلاتىن نىسانداردىڭ سانى-82. جول كارتاسىندا 2019 جىلدىڭ 25 جەلتوقسانىنا دەيىن 100 پايىز ەڭگىزۋ جوسپارلاعان. ءى جارتى جىلدىققا 233 نىساننىڭ 116 نىساندى ەنگىزۋدى قاجەت ەتەدى.
پىكىر قالدىرۋ