جامبىل وبلىسى مەديسينالىق ۇيىمدارى 4 مەديسينالىق اقپاراتتىق جۇيەسىمەن جۇمىس جاساۋدا. «Elsi Med» مەديسينالىق اقپاراتتىق جۇيەcىندە ستاسيونارلىق كومەك كورسەتەتىن 14 ۇيىم جانە «Damu Med» كەشەندى مەديسينالىق اقپاراتتىق جۇيەcىندە العاشقى مەديسينالىق كومەك كورسەسەتىن 21 ۇيىم، ستاسيونارلىق كومەك كورسەتەتىن – 3 ۇيىم، ساناتورلى-كۋرورتتىق ەمدەۋ جانە ديسپانسەرلەر سانى – 5 ۇيىم، جانە جەكە مەديسينالىق ورتالىقتار سانى 29 ۇيىم. سونىمەن قاتار وبلىستىق قان ورتالىعى – ينفو-دونور اقپاراتتىق جۇيەسىمەن، وبلىستىق جەدەل جاردەم ستانساسى – ايس-كومەك اقپاراتتىق جۇيەسىمەن جۇمىس جاساۋدا.

وبلىس بويىنشا مەديسينالىق اقپاراتتىق جۇيەلەرگە 1 069 079 ەلەكتروندىق دەنساۋلىق پاسپورتى تولتىرىلعان. بۇل «حالىقتى تىركەۋ رەگيسترى» بويىنشا اقپاراتتىق جۇيەسىندە تىركەلگەن 1 135 418 حالىق سانىنىڭ 94،1 پايىزدى قۇرادى. ەلەكتروندى دەنساۋلىق پاسپورتى دەگەنىمىز بۇل ناۋقاس تۋرالى بارلىق مالىمەتى تىركەلگەن ەلەكتروندىق جۇيە. ەلەكتروندىق دەنساۋلىق پاسپورتى ناۋقاس تۋعان كۇنىنەن باستاپ قانداي ەگۋلەر العانى، قانداي اۋرۋلارمەن اۋىرعانى، قانداي اۋرۋحانالاردا ەمدەلگەنى، قانداي دارى-دارمەكتەر العانى، قانداي وتا جاسالعانى جانە وزگە دە مالىمەتتەر ساقتالادى.ءتىپتى ونىڭ اللەرگو انامنەزى، فليۋروروگرافيا پاسپورتى، ەمحانادا، اۋرۋحانالاردا وتكەن اناليزدەرىنىڭ قورىتىندىلارى ساقتالادى. بۇل ناۋقاس ءوزىنىڭ مەديسينالىق قۇجاتتارىن قولىمەن تاسىمايدى، جانە قازاقستاننىڭ قاي ەلدى مەكەنىندە بولسا دا ناۋقاس تۋرالى مالىمەت الۋعا مۇمكىندىك بەرەدى.

وبلىستا بارلىق العاشقى مەديسينالىق-سانيتارلىق كومەك ۇيىمدارىندا سيفرلىق ساۋاتتىلىق پوستتارى اشىلدى، بارلىعى 52 پوست. جامبىل وبلىسى بويىنشا سيفرلىق ساۋاتتىلىق پوستتارى ارقىلى 263 119 حالىق اقپاراتپەن قامتاماسىز ەتىلدى. (2018 جىل 1 شىلدە پيلوتتىق جوبانىڭ باسىنان باستاپ وقىتىلعان حالىق سانى 775 507)

«Damu Med» مەديسينالىق اقپاراتتىق جۇيەcىندەگى ينتەرنەت بەلسەندى حالىق سانى 617 529، ونىڭ ىشىندە 49 928 ادام موبيلدىك قوسىمشاعا تىركەلىپ، ەلەكتروندى قىزمەت الۋدا.

بۇل ونلاين رەجيمىندەگى دارىگەرگە جازىلۋ، دارىگەردى ۇيدە شاقىرۋ، ەڭبەككە جارامسىزدىق پاراعىن كورە-بىلۋ، رەسەپتىلەردى، سونداي-اق زەرتتەۋلەر ناتيجەلەرىن قاراۋدىڭ ارقاسىندا مەديسينالىق قىزمەتتىڭ بارلىق تۇرلەرىن پايدالانۋعا ونلاين رەجيمىندە مۇمكىندىك بەرەدى. بۇل امبۋلاتوريالىق، ستاسيونارلىق كارتالاردى جانە قاعازدى نۇسقاۋداعى جولدامالار قولدانۋ قاجەتتىلىگىن جويدى، بۇل قاعازدار مەن جۋرنالدارعا ۇنەمدەۋدىڭ ارقاسىندا ۇلكەن ەكونوميكالىق ناتيجە بەردى.