تاراز قالاسىنداعى ارداگەرلەر ورتالىعىندا وبلىستىق ارداگەرلەر كەڭەسىنىڭ ءتوراعاسى ەركىمبەك سولتىبايەۆتىڭ توراعالىعىمەن كەڭەيتىلگەن ءتورالقا وتىرىسى ءوتتى. ءتورالقا ماجىلىسىندە ق ر پرەزيدەنتى قاسىم-جومارت توقايەۆتىڭ قازاقستان حالقىنا ارناعان تۇڭعىش جولداۋىنان تۋىندايتىن مىندەتتەر تالقىلاندى.

بۇل ماسەلە بويىنشا جولداۋدىڭ نەگىزگى مازمۇنى مەن باعىت-باعدارلارى جايلى وبلىستىق بيلەر كەڭەسىنىڭ ءتوراعاسى وڭلاسىن ەسىركەپوۆ جان-جاقتى بايانداپ بەردى. ال، جولداۋدىڭ نەگىزگى باعىتتارى جايلى تاراز مەملەتكەتتىك پەداگوگيكالىق ۋنيۆەرسيتەتىنىڭ پروفەسسورى ءبيلىباي ءمۇسىلىموۆ كەڭ تالداۋ جاساي كەلىپ، ءوزىنىڭ ۇسىنىستارىن ورتاعا سالدى.

بۇدان سوڭ ءسوز العان تاراز قالالىق قوعامدىق كەڭەس ءتوراعاسى قارجاۋباي بەكبولاتوۆ، ەڭبەك ارداگەرى ش.داۋتوۆ، ەڭبەك ارداگەرى م.بايگەلدييەۆ، تاراز قالاسىنىڭ تۇرعىنى م.مىڭبوسىنوۆ سياقتى قاريالار قازىرگى كەزدەگى حالىقتىڭ كوكەيتەستى ماسەلەلەرىن قوزعاي وتىرىپ، ودان شىعۋ جولدارىن كورسەتكەندىگىن قولداپ، ءوز ريزاشىلىقتارىن ءبىلدىردى. وسى شىعىپ سويلەگەن قاريالاردىڭ سوزدەرىن جيىنعا قاتىسۋشى بارلىق ارداگەرلەر قولدادى.

كۇن تارتىبىندەگى ەكىنشى ماسەلە بويىنشا سارىسۋ جانە تالاس اۋداندارىنىڭ ارداگەرلەر كەڭەستەرىنىڭ ءتوراعالارى جانات جۇمادىلدايەۆ پەن بايۇزاق كولباي ۇلىنىڭ «جاستارعا وتانسۇيگىشتىك، ادامگەرشىلىك جانە ءدىني تاربيە بەرۋ» تاقىرىبىندا اۋدان ارداگەرلەرىنىڭ اتقارىپ وتىرعان جۇمىستارى تۋرالى ەسەپتەرى تىڭدالدى.

ءبىرىنشى بولىپ تالاس اۋداندىق ارداگەرلەر كەڭەسىنىڭ ءتوراعاسى ك.بايۇزاق ۇلى 20 مينۋتتىق بايانداما جاساپ، تالاس اۋدانىنىڭ ارداگەرلەرى جاستارعا جان-جاقتى تاربيە بەرۋ جاي-كۇيىنە كەڭىنەن توقتالىپ ءوتتى.

ەكىنشى بولىپ، سارىسۋ اۋداندىق ارداگەرلەر كەڭەسىنىڭ جاڭادان سايلانعان ءتوراعاسى جانات جۇمادىلدايەۆ بايانداما جاسادى. وندا دا اۋدان ارداگەرلەرىنىڭ جاساعان جۇمىستارى ناقتى كورسەتىلدى.

كەلەسى كەزەكتە ءتورالقا مۇشەسى ن.سەيدۋالييەۆ، پسيحولوگ ر.اديلوۆالار سۇراقتارىمەن قوسا، ءوز ۇسىنىستارىن بەردى.

ەكى بايانداماشىعا تىڭداۋشىلار تاراپىنان دا ساۋالدار قويىلىپ، ولار سۇراقتارىنا قاناعاتتانارلىق جاۋاپتارىن الدى.

ءتوراعا ە.سولتىبايەۆ وتىرىستى قورىتىندىلاي كەلە، ەكى اۋداننىڭ دا ارداگەرلەر ۇيىمدارىڭىڭ جۇمىستارى باسقا ۇيىمدارعا تاجىريبەلەرىن تاراتۋعا تۇرارلىق دەپ تانىلىپ، وسى جايلى شەشىم قابىلداندى.