جامبىل وبلىستىق جانە تاراز قالالىق ءماسليحاتتارىنداعى «Nur Otan» پارتياسى فراكسياسىنىڭ جانىنداعى جانە وبلىستىق پارتيالىق باقىلاۋ كوميسسياسىنىڭ بىرلەسكەن توبى «نۇرلى جول» جانە «نۇرلى جەر» مەملەكەتتىك باعدارلامالارى اياسىندا تاراز قالاسىندا قۇرىلىسى جۇرگىزىلىپ جاتقان نىساندار قۇرىلىسىنىڭ ساپاسىنا رەيد جاسادى. شارا بارىسىندا ءبىرقاتار كەمشىلىكتەر انىقتالدى.

ماسەلەن، تاراز قالاسىنداعى سىپاتاي باتىر، كوشەنەي، اباي، قوليۋاسشى قويگەلدى، ە. نيەتقالييەۆ كوشەلەرى، جامبىل داڭعىلى بويىنشا جىلۋ ماگيسترالىن رەكونسترۋكسيالاۋ، سىپاتاي باتىر، تولە بي، س.اققوزييەۆ، قازىبەك بي، اققوشقار اۋليە، م.ح.دۋلاتي، ءا.كومراتوۆ، د.قونايەۆ كوشەلەرى بويىنشا جىلۋ ماگيسترالىن قايتا جاڭعىرتۋ بويىنشا قۇرىلىس جۇمىستارى جۇرۋدە. قۇرىلىستىڭ ە. نيەتقالييەۆ كوشەسىندەگى بولىگىندە جۇمىس قارقىنى تومەن ەكەندىگى بايقالدى. سالىنىپ بىتكەن جىلۋ قۇبىرلارىن جابۋ جۇمىستارى بارىسىندا رەگلامەنت تالاپتارى ساقتالماعان. ياعني، قۇبىرلاردى توپىراقپەن جاپقان كەزدە قابات-قابات ەتىپ جاۋىپ، ءار قاباتىن ارنايى تەحنيكامەن تاپتاۋ قاجەت. مۇندا بىردەن توپىراق ءۇيىلىپ جابىلىپ جاتىر، تاپتاۋ جۇمىستارى جاسالماعان. قۇرىلىس ءبىتىپ، اسفالت توسەلگەن كەزدە، اسفالت وتىرىپ، جول جۇرۋگە جارامسىز بولۋ ءقاۋپى بار. سونىمەن قاتار، قۇرىلىس جۇمىستارى مەرزىمىنەن كەشىگىپ جۇرگىزىلۋدە. ءتىپتى ارنايى كەستە جاسالماعاندىقتان بۇگىنگى تاڭعا 700 مەتر جىلۋ ماگيستارلىنە سالىناتىن قۇبىرلار ءالى كۇنگە قۇرىلىس باسىنا جەتكىزىلمەگەن. جىلۋ قۇبىرلارىن جاباتىن تەمىر بەتون ناۋالار دا جەتىسپەيدى. ناتيجەسىندە، م-2 جىلۋ ماگيستارلى بويىنشا جىلۋ قۇبىرلارىن رەكونسترۋكسيالاۋ جۇمىستارى ءوز مەرزىمىندە اياقتالماۋ ءقاۋىپى بار. مەردىگەر كومپانيا «جيلسترويتاراز» ءجشس-نىڭ باس ديرەكتورى م.ومىربايەۆتىڭ ايتۋىنا قاراعاندا جىلۋ قۇبىرلارىن اۋىستىرىپ، قۇبىرلارعا جوعارعى قىسىم ارقىلى سۋ ايداۋ (وپرەسسوۆكا، پرومىۆكا) جۇمىستارىن 10 قازانعا قاراي اياقتاپ، سودان كەيىن اباتتاندىرۋ جۇمىستارىنا كىرىسپەك.

ال، م-4 جىلۋ ماگيسترالىن رەكونسترۋكسيالاۋ جۇمىستارىن «Techno Construction Company» ج ش س جىلۋ ماگيسترالىندەگى قۇرىلىس جۇمىستارى كەلىسىم-شارت نەگىزىندە 1 قىركۇيەكتە اياقتالۋى قاجەت بولسا، ءتۇرلى پروبلەمالىق ماسەلەلەردىڭ كەسىرىنەن بۇگىنگى كۇنگە دەيىن اياقتالماعان. بۇل نىساندا دا كەمشىلىكتەر قاتارى از ەمەس. قۇرىلىس جۇمىستارى ءجۇرىپ جاتقان جەرلەردە ارنايى بەلگىلەر ورناتىلماعان، ارنايى قۇرىلىس لەنتالارىمەن نەمەسە جارىق شاعىلىساتىن (سۆەتووتراجايۋششايا) لەنتالارمەن قورشالماعان. قۇرىلىستىڭ سىپاتاي باتىر كوشەسىندەگى بولىگىندە دە قازىلعان جەرلەردىڭ اينالاسى قورشالماعان. كەلىسىم-شارت نەگىزىندە قۇرىلىس جۇرگىزۋ مەرزىمىنىڭ

اياقتالعانىمەن، وبەكتەگى قۇرىلىس جۇمىستارى اياقتالماعان، سونىڭ سالدارىنان تۇرعىندار جىلى سۋمەن قامتاماسىز ەتىلمەگەن.

بۇدان كەيىن كوميسسيا مۇشەلەرى تاراز قالاسىنىڭ 15 مولتەك اۋدانىنداعى «نۇرلى جەر» تۇرعىن ءۇي قۇرىلىسى مەملەكەتتىك باعدارلاماسى اياسىندا سالىنىپ جاتقان كوپ قاباتتى تۇرعىن ۇيلەردىڭ قۇرىلىسىمەن تانىستى. مولتەك اۋداندا بۇگىندە 500 مەتر جەرگە جىلۋ قۇبىرلارىن جۇرگىزۋ جۇمىستارى قالعان. جۇمىس باستالعانىمەن، قارقىنى باياۋ ەكەنى انىقتالدى. تاراز قالاسى اكىمدىگى قۇرىلىس ءبولىمىنىڭ باسشىسى ت.بيبوسىنوۆ، جىلۋ بەرۋ ماۋسىمىنا دەيىن 15 مولتەك اۋدانداعى جىلۋ ماگيسترالىنىڭ قۇرىلىسى تولىق اياقتالىپ، پايدالانۋعا بەرىلگەن كوپ قاباتتى تۇرعىن ۇيلەرگە ۋاقىتىندا جىلۋ جەتەدى دەيدى. كوميسسيا مۇشەلەرى رەيد قورتىندىسى بويىنشا ارنايى ۇسىنىمدار قابىلدادى. ماسەلەن، جامبىل وبلىسى اكىمدىگى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسىشىسى ن. الدامجاروۆقا «نۇرلى جول» مەملەكەتتىك باعدارلاماسى اياسىندا تاراز قالاسىندا قۇرىلىسى ءجۇرىپ جاتقان جىلۋ ماگيسترالىن رەكونسترۋكسيالاۋ جۇمىستارىنىڭ مەرزىمىندە اياقتالۋىن، رەيد بارىسىندا انىقتالعان كەمشىلىكتەردىڭ تولىق تۇزەتىلۋىن قامتاماسىز ەتىپ، بەرىلگەن ۇسىنىستاردىڭ ورىندالۋ بارىسى تۋرالى اقپاراتتى 20 قىركۇيەككە دەيىن جولداۋ ۇسىنىلدى.

سونداي-اق، جامبىل وبلىسى اكىمدىگى مەملەكەتتىك ساۋلەت-قۇرىلىس باقىلاۋ باسقارماسىنا (ق.ايتقۇلوۆ) وبەكتىلەر قۇرىلىسىنىڭ ساپاسىنا مەملەكەتتىك ساۋلەت-قۇرىلىس باقىلاۋىن جانە قاداعالاۋىن جۇزەگە اسىرۋدى، وسى وبەكتىلەردە ساۋلەت-قالا قۇرىلىسى ءتارتىبىن بۇزۋ انىقتالعان جاعدايدا اكىمشىلىك قۇقىق بۇزۋشىلىق تۋرالى كودەكسىندە بەلگىلەنگەن اكىمشىلىك ىقپال ەتۋ شارالارىن قولدانۋ، قولدانىلعان شارالار تۋرالى اقپاراتتى 23 قىركۇيەككە دەيىن كەشىكتىرمەي جولداۋ ۇسىنىلدى.

ال تاراز قالاسىنىڭ اكىمى قايرات دوسايەۆقا رەيد بارىسىندا انىقتالعان «تاراز سۋ» مكك-نا قاتىستى پروبلەمالىق ماسەلەنىڭ شەشىلۋىن، جىلۋ ماگيسترالىن رەكونسترۋكسيالاۋ جۇمىستارىن جۇرگىزۋ ءۇشىن مەردىگەرلەردىڭ جەر قازۋ جۇمىستارىنا ءتيىستى مەملەكەتتىك ورگانداردان العان كەلىسىم قۇجاتتارىنىڭ كوشىرمەلەرىن كوميسسياعا ۇسىنۋ، 15 مولتەك اۋداندا جۇرگىزىلىپ جاتقان قۇرىلىس نىساندارىنىڭ جوبالاۋ-سمەتالىق قۇجاتتارعا ساي جۇرگىزىلۋىن، مەرزىمىندە قارجىلاندىرىپ جانە قۇرىلىس جۇمىستارىن جۇرگىزۋ كەستەسىنىڭ بۇزىلماۋىن قاداعالاۋ، قۇرىلىستىڭ مەرزىمىندە اياقتالۋىن قامتاماسىز ەتۋ ۇسىنىلدى. شاھار باسشىسى اتالعان ماسەلەلەر تۋرالى اقپاراتتى 20 قىركۇيەككە دەيىن جولداۋى ءتيىس.