ءورت قاۋىپسىزدىگىمەن قامتاماسىز ەتۋ – ازاماتتىق قورعاۋ ورگاندارى قىزمەتكەرلەرىنىڭ باستى تاپسىرمالارىنىڭ ءبىرى. اعىمداعى جىلدىڭ الدىنداعى جىلىتۋ ماۋسىمىندا، «ءورت قاۋىپسىزدىك ايلىعى» اياسىندا تاراز قالاسى توتەنشە جاعدايلار باسقارماسىنىڭ، ءورت ءسوندىرۋ قىزمەتىنىڭ، «قازترانسگازايماق» اكسيونەرلىك قوعامى جامبىل وبلىستىق فيليالىنىڭ قىزمەتكەرلەرى، «جىبەك جولى» بەلسەندى جاستارى ۆولونتەرلارىمەن جانە جەرگىلىكتى پوليسيا قىزمەت قىزمەتكەرلەرىمەن بىرلەسىپ جەكە سەكتورداعى وتباسى تومەن تۇراتىن تۇرعىندارىمەن اۋلا ارالاۋ وتكىزىلۋدە جانە جىلىتۋ ماۋسىم كەزەڭدەگى ءورت قاۋىپسىزدىگى ءىس شارالارى تۋرالى تۇسىندىرىلۋدە.

ارالاۋ باراسىندا ءۇي تۇرعىندارىنا ءورت شىققان كەزدەگى العاشقى كەزەكتەگى ارەكەتتەرى، تۇرمىستاعى ءورت قاۋىپسىزدىك شارالارى جەتكىزىلدى. جىلىتۋ پەشتەرىن، ەلەكتر جابدىقتارىنىڭ گازدىق قۇرىلعىلارىنىڭ كۇتىپ-ۇستايعا جانە پايدالانۋعا ەرەكشە نازار اۋدارىلدى. سونىمەن قاتار كىشكەنتاي بالالاردى ۇيدە قاراۋسىز قالدىرماۋعا شاقىردى. ءورت قاۋىپسىزدىكتىڭ قاراپايىم ەرەجەلەرىن ساقتاماۋ قايعىلى وقيعالار تۋدىرۋى مۇمكىن.

قالادا پەشپەن جىلىتاتىن جەكە ۇيلەر كوپ، ولار ءورت ءقاۋىپىنىڭ تۇراقتى فاكتورى بولىپ تابىلادى، سونىڭ سالدارىنان تۇرعىنداردىڭ تۇنشىقتىرعىش (ۋلى) گازبەن ۋلانۋى ورىن الادى. كوبىنەسە بۇل جاعداي كۇن رايىنىڭ ايازداتۋىنان ورىن الادى، جىلىتۋ پەشتەرىن قولدانىلعاننان باستالادى، قولدانعان كەزدە تۇرعىندار قاراپايىم قاۋىپسىزدىك ەرەجەلەرىن ساقتامايدى. پەشتەردى ورناتۋ جانە پايدالانۋ مىندەتتى تۇردە ءورت قاۋىپسىزدىگى نورمالارىن ورىنداۋدى تالاپ ەتەدى.

ءارقاشان ەستە ساقتاعان ءجون، تۇنشىقتىرعىش گاز وتە « ءقاۋىپتى»، ونىڭ ەشقانداي ءتۇسى جانە ءيسى جوق، بولمەلەر ىشىنە تەز تارايدى، قابىرعا مەن زاتتارعا قونبايدى. تۇنشىقتىرعىش گازدان ۋلانۋ ولىمگە اكەلۋى مۇمكىن.

– تۇرعىن ۇيلەردە ءورت قاۋىپسىزدىگىن قامتاماسىز ەتۋ، ادامداردىڭ ءومىرى مەن دەنساۋلىقتارىن ساقتاۋ ماقساتىندا كەلەسىدەي ورتكە قارسى ءىس-شارالاردى ورىنداۋ قاجەت. اتاپ ايتقاندا، اقاۋى بار نەمەسە قولدان جاسالعان ەلەكتر جابدىقتارىن پايدالانباڭىز، قوسۋلى تۇرعان ەلەكتر جابدىقتارىن قاراۋسىز قالدىرماڭىز. جىلىتۋ ماۋسىمى الدىندا پەش پەن تۇتىندىكتى كۇيەدەن تازالاپ، جانىپ تۇرعان پەشتى قاراۋسىز قالدىرماڭىز، جاس بالالارعا جانىپ جاتقان پەشتى قاراۋدى تاپسىرماڭىز. سونداي-اق، وتىندى، باسقا دا جانعىش زاتتار مەن ماتەريالداردى پەش الدىنا جاقىن ورنالاستىرۋعا تىيىم سالىنادى. زاتتاردى، كيىمدەردى پەشكە جاقىن كەپتىرۋگە دە بولمايدى. بالالاردى ۇلكەندەردىڭ قاراۋىنسىز قالدىرۋ دا ۇلكەن قايعىلى جاعدايعا اكەلۋى مۇمكىن، – دەيدى تاراز قالاسى توتەنشە جاعدايلار باسقارماسىنىڭ باس مامانى دارحان قالدىربەك.