مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارناعان جولداۋى تۇرعىنداردىڭ ۇلكەن قولداۋىنا يە بولعانى راس. وسى ورايدا جولداۋدى ناسيحاتتاۋ جۇمىستارى دا جەر-جەرلەردە پارمەن الىپ، كوپشىلىك بولىپ تالقىلاپ، وي ەلەگىنەن وتكىزۋ جامبىل وبلىسىندا دا تولىققاندى جۇرۋدە.

جۋىردا «Nur Otan» پارتياسى جامبىل وبلىستىق فيليالى ءتوراعاسىنىڭ ءبىرىنشى ورىنباسارى ە.مانجۋوۆ باستاعان وبلىستىق ءاقپاراتتىق-تۇسىندىرۋ توبى قورداي اۋدانىنىڭ اكتيۆىمەن كەزدەستى. الدىمەن جينالعان قاۋىم الدىنا شىققان توپ مۇشەسى، تاراز قالالىق قوعامدىق كەڭەستىڭ ءتوراعاسى ق.بەكبولاتوۆ جولداۋداعى ءار باعىتقا مەيىلىنشە توقتالىپ، ونىڭ ماعىناسى، ەلگە بەرەرى مەن ونداعى نىقتاپ بەرىلگەن تاپسىرمالاردىڭ ىسكە اسۋى، سونىڭ ىشىندە پارتيانىڭ اتقارار ءرولى تۋراسىندا بايانداما جاساپ، بيلىك پەن بۇقارا اراسىنداعى اشىق ديالوگتىڭ ورىن الۋى قازىرگى زامان تالابى ەكەنىن اتاپ ءوتتى. وسىدان كەيىن بايانداماعا شىققان وبلىس اكىمدىگىنىڭ جەردىڭ پايدالانۋى مەن قورعالۋىن باقىلاۋ باسقارماسى باسشىسىنىڭ مىندەتىن اتقارۋشى ج.اسەمبايەۆ جولداۋدىڭ باسىم باعىتتارى جايىندا ءسوز ءوربىتتى. سونىمەن قاتار، سوزگە شىققاندار اراسىندا اۋداندىق قوعامدىق كەڭەستىڭ ءتورايىمى ب.قارامولدايەۆا، اۋداندىق ارداگەرلەر كەڭەسىنىڭ ءتوراعاسى ب.الىمبەت تۇراقتىلىق پەن وركەندەۋدى نەگىزگە العان جولداۋداعى حالىق كوڭىلىنەن شىققان كوپتەگەن ماسەلەلەردىڭ كوتەرىلۋىن ءسوز ەتىپ، پرەزيدەنتتىڭ الەۋمەتتىك جاعدايعا اسا نازار اۋدارعانىنا ريزاشىلىقتارىن ءبىلدىردى. وسىدان كەيىن ءسوز العان اقپاراتتىق-ناسيحات توبىنىڭ جەتەكشىسى ە.مانجۋوۆ زاماناۋي ءتيىمدى مەملەكەت، ازاماتتاردىڭ قۇقىعى مەن قاۋىپسىزدىگىن قامتاماسىز ەتۋ، قارقىندى دامىعان جانە ينكليۋزيۆتى ەكونوميكا، الەۋمەتتىك جاڭعىرۋدىڭ جاڭا كەزەڭى، قۋاتتى ءوڭىر – قۋاتتى ەل دەپ اتالاتىن بەس باسىم باعىتتى قامتي وتىرىپ، ەلىمىزدىڭ الەۋمەتتىك-ەكونوميكالىق دامۋىنىڭ العىشارتتارىن كەڭىنەن ءتۇسىندىرىپ قانا قويماي، جولداۋدىڭ استارىنا دا ءمان بەرۋ قاجەتتىگىن ايتىپ، ونى ناقتى مىسالدارمەن كەلتىرىپ بەردى. سونىمەن قاتار، بايانداماشى جولداۋداعى پارتيانىڭ رولىنە جەكەلەي توقتالىپ، وسى رەتتە وزگە پارتيالارعا مول مۇمكىندىكتەر بەرىلەتىندىگىن، ناسيحاتتاۋ جۇمىستارىندا باستاۋىش پارتيا ۇيىمدارىنا ءبىرقاتار تاپسىرمالاردىڭ جۇكتەلەتىنىن جانە «Nur Otan» پارتياسىنىڭ ساننان ساپاعا كوشۋى تۋراسىندا كەڭىنەن اڭگىمەلەدى. جيىن سوڭىندا ءسوز العان اۋدان اكىمىنىڭ ۋاقىتشا مىندەتىن اتقارۋشى ە.ورىنبايەۆ جولداۋداعى باسىم باعىتتار بويىنشا اۋداندا اتقارىلاتىن جۇمىستار جايىنا توقتالىپ، الداعى جوسپارلارمەن ءبولىسىپ، جۇمىسشى توپ مۇشەلەرىنە العىسىن ايتتى.

وسىدان كەيىن اقپاراتتىق-ناسيحات توبىنىڭ مۇشەلەرى اۋداندىق ورتالىق اۋرۋحانانىڭ ءماجىلىس زالىندا مەديسينا قىزمەتكەرلەرىمەن كەزدەسىپ، ناسيحات جۇمىستارىن جۇرگىزدى. اقپاراتتىق توپ مۇشەلەرى ودان كەيىن ءالجان انا اۋىلىندا بولىپ، مادەنيەت ۇيىندە اۋىل تۇرعىندارىمەن كەزدەسىپ، مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» دەپ اتالعان جولداۋدىڭ جايىن ناسيحاتتاپ، تۇرعىندار تاراپىنان تۇسكەن سۇراقتارعا جاۋاپ بەردى.

وسى رەتتە تاعى ءبىر ايتا كەتەرلىگى، اقپاراتتىق-ناسيحات توبىنىڭ وزگە مۇشەلەرى وسى كۇنى ستەپنوە، سارىبۇلاق، بەتقاينار، قاقپاتاس جانە جامبىل اۋىلدارىنىڭ تۇرعىندارىمەن كەزدەسىپ، پرەزيدەنت جولداۋىن بىرگە تالقىلادى.