تارازدا «جاڭا ءالىپبي – جاڭعىرۋ جولى» تاقىرىبىندا وبلىستىق سەمينار ءوتتى دەپ جازادى Qamshy.kz اقپارات اگەنتتىگى.

جامبىل وبلىسى اكىمدىگىنىڭ تىلدەردى دامىتۋ باسقارماسى تىلدەردى وقىتۋ ورتالىعى ۇيىمداستىرعان جيىنعا ءتىل ماسەلەسىن كوتەرىپ جۇرگەن زيالى قاۋىم وكىلدەرى، وقۋ ورىندارىنداعى جاڭا ءالىپبيدى زەرتتەۋشى عالىمدار مەن فيلولوگ ماماندار قاتىستى.

سەميناردا مەملەكەتتىك ءتىلدىڭ قازىرگى جاي-كۇيى مەن دامۋ باعىتتارى تۋرالى اقپاراتتار باياندالىپ، وزەكتى ساۋالدارعا جاۋاپتار بەرىلدى. سونىمەن قاتار، جاڭا ەملە ەرەجەلەرىن ەرەسەكتەرگە مەڭگەرتۋدىڭ عىلىمي-پراكتيكالىق ۇستانىمدارىن وقىتۋ پروسەسىندە كەزدەسەتىن قيىندىقتاردى سارالاۋ جانە ولاردى شەشۋدىڭ ادىستەمەلىك جولدارىن قاراستىرىلدى. قازاقستان رەسپۋبليكاسىنىڭ تۇڭعىش پرەزيدەنتى، ەلباسى ن.نازاربايەۆتىڭ 2018 جىلعى 19 اقپانداعى №637 جارلىعىندا بەكىتىلگەن لاتىن گرافيكاسىنداعى قازاق ءتىلى الىپبيىنە كوشۋگە بايلانىستى قازاقستان رەسپۋبليكاسى پرەمەر-مينيسترىنىڭ 2018 جىلعى 13 ناۋرىزداعى №27ء-و وكىمىمەن بەكىتىلگەن «قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ءىس-شارالار جوسپارىنىڭ» 6 تارماعىنا سايكەس قازاق ءتىلى ءالىپبيىن لاتىن گرافيكاسىنا كوشىرۋ جونىندە قوعامدا كەڭىنەن ناسيحاتتاۋ جايى تالقىلاندى.

جيىندا ءتىل ماماندارى بايانداما جاساپ، ءوز ويلارىن ورتاعا سالدى. ماسەلەن، ونوماست عالىم، ءتىل جاناشىرى م.ح.دۋلاتي اتىنداعى تاراز مەمەلەكەتتىك ۋنيۆەرسيتەتىنىڭ فيلولوگيا جانە جۋرناليستيكا كافەدراسىنىڭ دوسەنتى، فيلولوگيا عىلىمدارىنىڭ كانديداتى زيبا قۇلامانوۆا جاڭا ءالىپبي – ەلدىك، ەگەمەندىك، ساۋاتتىلىق كورسەتكىشى ەكەنىن ايتسا، تاراز يننوۆاسيالىق-گۋمانيتارلىق ۋنيۆەرسيتەتىنىڭ دوسەنتى، فيلولوگيا عىلىمدارىنىڭ دوكتورى قاسيەت مولگاجداروۆ مەملەكەتتىك ءتىل مارتەبەسىندەگى جاڭا ءالىپبيىمىز جايلى وي قوزعادى. سونداي-اق، وبلىستىق «رۋحاني جاڭعىرۋ» جوبالىق ءوفيسىنىڭ باسشىسى سەرىكبول بەرىكقوجا باياندى باعدارلامانىڭ ايماقتاعى ىسكە اسۋ بارىسى جايلى ماعلۇمات بەرىپ ءوتتى. سونىمەن قاتار، تاراز مەمەلەكەتتىك پەداگوگيكالىق ۋنيۆەرسيتەتىنىڭ پروفەسسورى، پەداگوگيكا عىلىمدارىنىڭ دوكتورى تۇرسىناي ءابدىقادىروۆا، م.ح.دۋلاتي اتىنداعى تاراز مەمەلەكەتتىك ۋنيۆەرسيتەتىنىڭ دوسەنتى، فيلولوگيا عىلىمدارىنىڭ كانديداتى، پروفەسسور كۇلزينات قارىمبايەۆا، تاراز يننوۆاسيالىق-گۋمانيتارلىق ۋنيۆەرسيتەتىنىڭ «رۋحاني جاڭعىرۋ» ورتالىعىنىڭ جەتەكشىسى باقتيار بەكنازاروۆتار تاقىرىپقا قاتىستى پىكىرلەرىن ايتتى.

باسقوسۋ بارىسىندا تىلدەردى وقىتۋ ورتالىعىنىڭ وقىتۋشىسى، جاڭا ءالىپبيدى وقىتۋ ادىستەمەسىنىڭ ترەنەرى اقبوتا عابدوللا قىزى «لاتىن گرافيكاسىن مەڭگەرتۋدىڭ ءتيىمدى جولدارى» تاقىرىبىندا ترەنينگ وتكىزدى.

سەمينار سوڭىندا قاتىسۋشىلارعا ارنايى سەرتيفيكاتتار تابىستالدى.