«قىركۇيەك ايىنىڭ اياعىندا تاپسىرامىز دەپ جوسپارلانعان مادەني ورتالىقتىڭ دايىندىق جۇمىستارى قارقىندى جۇرگىزىلىپ جاتىر. قازىرگى ۋاقىتتا اكتىلەرى، قۇرىلىسقا قاجەتتى قۇجاتتارى جاساقتالىپ، تاپسىرۋعا دايىنداپ جاتىرمىز. ال كىتاپحانا مەن مۋزەي قۇرىلىسىنىڭ اياقتالۋ مەرزىمى 2020 جىلدىڭ اياعى»،- دەدى ەلدار قۋات ۇلى.
مەردىگەر ۇيىمنىڭ ديرەكتورى ريزابەك وتەگەنوۆتىڭ ايتۋىنشا، قۇرىلىسقا پايدالانىلعان ماتەريالدار نەگىزىنەن قازاقستاندىق تاۋار وندىرۋشىلەردەن. ءبىراق ءىشىنارا رەسەي، وڭتۇستىك كورەيا جانە جاپونيا ماتەريالدارى بار. مۇراجايدىڭ الدىندا ءابىش كەكىلبايەۆتىڭ ەسكەرتكىشى بولادى. جوبانىڭ ينۆەستورلارى يتالياندىق كومپانيا. ەكى مىڭ ورىندىق كىتاپحانا مەن تەاتردى بىرىكتىرەتىن بۇل ورتالىق 10 گا اۋماقتى قامتىپ وتىر. جوبا اۆتورلارى - ەلوردالىق ماماندار. سونداي-اق كىتاپحانادا 304 مىڭ كىتاپ بولادى.
ايتا كەتەيىك مۇراجايدىڭ اشىلۋى وسى جىلدىڭ 12 قازانىنا جوسپارلانعان. ال كىتاپحانا 2020 جىلدىڭ جەلتوقسان ايىندا پايدالانۋعا بەرىلەدى دەپ جوسپارلانۋدا.
پىكىر قالدىرۋ