اعىمداعى جىلدىڭ 8 ايىندا تالاس اۋدانىندا جوسپارلى جۇمىستار اتقارىلىپ، بارلىق سالا بويىنشا نەگىزگى كورسەتكىشتەردىڭ وسىمىنە قول جەتكىزىلىپ، وڭ ديناميكا قالىپتاسقان دەپ جازادى Qamshy.kz اقپارات اگەنتتىگى.
ناتيجەسىندە، جالپى وندىرىلگەن ءونىمنىڭ جانە قىزمەتتەردىڭ كولەمى 27 ملرد. 473 ميلليون 100 مىڭ تەڭگەنى قۇراپ، وتكەن جىلدىڭ وسى كەزەڭىندەگى مەجەدەن ارتىق، 122،2 پايىزعا ورىندالعان. وسىلايشا، اۋداندا اتقارىلعان جۇمىستاردان قوسىمشا 4 ملرد. 994 ميلليون 100 مىڭ تەڭگە تۇسكەن.
ونىڭ ىشىندە، ونەركاسىپ ونىمدەرى 15 ملرد. 838 ميلليون 500 مىڭ تەڭگەگە ءوندىرىلىپ، 2018 جىلدىڭ ەسەپتى كەزەڭىمەن سالىستىرعاندا ونەركاسىپ ءوندىرىسىنىڭ كورسەتكىشتەرى 4 ملرد. 101 ميلليون 900 مىڭ تەڭگەگە ارتىق نەمەسە 134،9 پايىزعا ورىندالدى. ناقتى كولەم يندەكسى 102،9 قۇراپ وتىر.
سونداي-اق، 2019 جىلدىڭ قاڭتار-تامىز ايلارىنا نەگىزگى كاپيتالعا سالىنعان ينۆەستيسيالاردىڭ جالپى كولەمى 6 ملرد. 496 ميلليون 500 مىڭ تەڭگەنى قۇراپ، بىلتىرعى جىلدىڭ ەسەپتى كەزەڭىمەن سالىستىرعاندا 103،5 پايىزعا نەمەسە 218 ميلليون 700 مىڭ تەڭگەگە ارتىق ورىندالدى.
اۋداندا كاسىپكەرلىك سالاسى دا العا باسۋدا. اتاپ ايتقاندا، وتكەن جىلدىڭ 8 ايىندا 2211 كاسىپكەر تىركەلسە، اعىمداعى جىلدىڭ بۇل كەزەڭىندە شاعىن جانە ورتا كاسىپكەرلىك مارتەبەسىمەن اۋداندا 2362 سۋبەكتىسى تىركەلگەن. ولاردىڭ 153 شاعىن كاسىپورىن، 1410 جەكە كاسىپكەر جانە 799 شارۋا قوجالىقتارى بار.
– اعىمداعى جىلدىڭ 8 ايىندا «اۋىلشارۋاشىلىعىن قارجىلاي قولداۋ قورى» ارقىلى 115 ميلليون 900 مىڭ تەڭگەگە 27 جوبا قارجىلاندىرىلدى. «بانك كرەديتتەرى بويىنشا كەپىلدىك بەرۋ» قۇرالى بويىنشا 15 ميلليون 300 مىڭ تەڭگەنىڭ كەپىلدىگى بەرىلدى.
باستاۋشى كاسىپكەرلەر ءۇشىن ماقساتتى مەملەكەتتىك گرانتتاردى ۇسىنۋ بويىنشا وبلىس اكىمدىگىنىڭ كاسىپكەرلىك جانە يندۋستريالدى-يننوۆاسيالىق دامىتۋ باسقارماسىنىڭ 20 ميلليون تەڭگە ءبولىندى.
«ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى» بويىنشا نەسيە الۋشىلاردىڭ ءتىزىمى اۋىلشارۋاشىلىق قارجى ينستيتۋتتارىنا 229 ميلليون تەڭگەنىڭ 52 جوباسى جولداندى. جوبالارادى سالامەن تالدايتىن بولساق، وڭدەۋ سالاسى 23 ميلليون تەڭگەگە 3 جوبا، قىزمەت كورسەتۋ سالاسى 9 ميلليون تەڭگەگە 3 جوبا، قۇس شارۋاشىلىعى 2 ميلليون تەڭگە 1 جوبا، مال شارۋاشىلىعى 195 ميلليون تەڭگەگە 45 جوبا.
پىكىر قالدىرۋ