جاقىندا قىتايدىڭ التاي ايماعىنا قاراستى بۇرىلتوعاي اۋدانىنىڭ 23-رەتكى اقىندار ايتىسى سول ءوڭىردىڭ ساربۇلاق جايلاۋىندا ءوتتى. بۇل تۋرالى «التاي» اقپاراتتىق سايتىنىڭ ءتىلشىسى نۇرشا قاسەيىن قىزى حابارلاپ وتىر. جىل سايىن اۋدان كولەمىندە ءبىر رەت وتەتىن ءداستۇرلى مادەني ءىس-شارادا اقىندار ءسوز سايىسىنا ءتۇسىپ قانا قويماي، قازاق ات سپورتى تۇرلەرىنەن دە باسەكە ۇيىمداستىرىلادى. بيىل دا سول ءۇردىستى جالعاستىرعان بۇرىلتوعايلىقتار تورقالى تويدى دۋماندى وتكىزدى. اقىندار ايتىسى، الامان بايگە، جورعا جارىسى، تۇيە جارىسى، كوكپار، تەڭگە ءىلۋ، قازاق كۇرەسى جانە كيىز ءۇي مەن ۇلتتىق قولونەر بۇيىمدارىن باعالاۋدى قامتىعان ءىس-شارا ەكى كۇنگە جالعاستى. ويدان-قىردان جينالعان قانداستارىىمىزعا جاقىندا عانا شىڭجاڭ «حالىق» باسپاسىنان جارىق كورگەن دارابوز اقىن، مارقۇم ەركىن ءىلياس ۇلىنىڭ كىتابى تاراتىلىپ، اقىندى تىڭدارماندارى ساعىنا ەسكە الدى.
دەرەككوز Baq.kz
پىكىر قالدىرۋ