"التىن دومبىرا" ايتىسىنىڭ العاشقى اينالىمى اياقتالدى

/image/2019/12/16/crop-3_5_531x944_fb_img_1576500496483-1.jpg

ورالدا قازاقستاننىڭ تاۋەلسىزدىك كۇنى مەرەكەسىنە وراي ءوتىپ جاتقان "التىن دومبىرا" ايتىسىنىڭ العاشقى اينالىمى اياقتالدى. بيلىك پارتياسى "نۇر وتاننىڭ" دەمەۋشىلىگىمەن ۇيىمداستىرىلعان جىلدىڭ قورىتىندى ايتىسىنىڭ العاشقى اينالىمىندا 20 اقىن 10 جۇپتا ايتىستى.

ايتىسقا 9 ادام قازىلىق ەتىپ جاتىر. قازىلار  القاسىنىڭ قۇرامىندا ن. ايت ۇلى(ءتوراعا)، ءا.بەركەنوۆا، د.مۇشتانوۆا، ق.اسانوۆ، ا.ءالتاي، م.تازابەك، ج.ءاشىمجان، ب.حاليوللا، ر.ونايەۆا بار. بيىلعى "التىن دومبىرا" ايتىسىندا جەڭىمپازدى انىقتاۋ وليمپيادالىق جۇيە بويىنشا ءوتىپ جاتىر. ياعني، ءبىر جۇپتان ءبىر اقىن عانا كەلەسى اينالىمعا شىعادى. 

العاشقى جۇپتا "التىن دومبىرا" ايتىسىنىڭ وتكەن جىلعى جەڭىمپازى جانسايا مۋسينا مەن التىن دومبىرانىڭ ەكى دۇركىن يەگەرى جانداربەك بۇلعاقوۆ ايتىسىپ، قازىلار 87 ۇپاي بەرگەن مۋسينا كەلەسى اينالىمعا ءوتتى. ال بۇلعاقوۆقا قازىلار 85 ۇپاي بەردى. 

2-جۇپ: س. قۇسانبايەۆ (شقو) 82 ۇپاي — ا. قالييەۆ (ارقالىق) 88 ۇپاي؛

3-جۇپ: ب. اسقاروۆ (نۇر-سۇلتان) 82 ۇپاي — ءا. ەرەجە قىزى (نۇر-سۇلتان) 90 ۇپاي؛

4-جۇپ: ش. سەزىمحان (الماتى) 85 ۇپاي —  ا. شۇعاتايەۆ (پاۆلودار) 88 ۇپاي؛

5-جۇپ: ق. مىرزاحان (تاراز) 87 ۇپاي — ا. كەرىمبەك (اقتوبە) 85 ۇپاي؛ 

6-جۇپ: ءو. كوپبوسىنوۆ (قاراعاندى)  90 ۇپاي — ج. ماراتبەكوۆا (شقو) 82 ۇپاي؛ 

7-جۇپ: ح. بەردىحان (الماتى) 87 ۇپاي — ب. بايتۋوۆ (تۇركىستان) 86 ۇپاي؛

8-جۇپ: ر. قايىرتاي (الماتى) 90 ۇپاي — ت. مىقي (ورال) 84 ۇپاي؛

9-جۇپ: ب. شيرمەدين ۇلى (ورال) 86 ۇپاي- د. قامي (قاراعاندى) 86 ۇپاي، (كىم وتكەنىن قازىلار شەشەدى)؛

10-جۇپ: م. نيازوۆ (قىزىلوردا)  90 ۇپاي — ش. ءىزباساروۆ (اتىراۋ) 82 ۇپاي. 

ورالداعى ايتىستىڭ كەلەسى اينالىمى ەرتەڭ، 17 جەلتوقساندا جالعاسادى. ازىرگە ۇيىمداستىرۋشىلار كەلەسى اينالىمدا قاي اقىن قاي اقىنمەن ايتىساتىنىن ايتپادى.

"التىن دومبىرا" ايتىسى بيىل سەگىزىنشى رەت ءوتىپ جاتىر. بۇعان دەيىنگى جىلدىڭ قورىتىندى ايتىستارىندا مۇحتار نيزوۆ پەن جانداربەك بۇلعاقوۆ ەكى رەتتەن باس جۇلدە السا، اسپانبەك شۇعاتايەۆ، بالعىنبەك يماشيەۆ، جانسايا مۋسينا سىندى اقىندىر ءبىر رەتتەن جەڭىمپاز بولعان.

پىكىر قالدىرۋ

قاتىستى ماقالالار