ورالدا ەكى كۇنگە سوزىلعان جىلدىڭ قورىتىندى ايتىسى - "التىن دومبىرانىڭ" جەڭىمپازى انىقتالدى. بيلىك پارتياسى "نۇر وتاننىڭ" دەمەۋشىلىگىمەن وتكەن ايتىستا الماتىلىق اقىن رۇستەم قايىرتاي ۇلى جەڭىمپاز اتانىپ، سىيلىققا التىن جالاتىلعان دومبىرا مەن 4 ميلليون اقشالاي سىيلىق الدى. ول اقتىق فينالدا  "التىن دومبىرا" ەكى دۇركىن جەڭىمپازى قىزوردالىق مۇحتار نيازوۆپەن ايتىستى. قازىلار قايىرتايۇلىنا دا، نيازوۆقا دا تەڭدەي قىلىپ 90 ۇپاي بەردى. 

قايىرتاي ۇلى كەشە العاشقى اينالىمدا ورالدىق تالعات مىقيمەن ايتىستى. ول قازىلاردان ەڭ جوعارى ۇپاي  (ۇپاي) الىپ، بۇگىنگى فينالدىق ايتىسقا جولداما العان. فينالدىق ايتىستا قايىرتاي ۇلى ورالدىق جانسايا مۋسينامەن ايتىسىپ، تاعى دا قازىلاردىڭ ەڭ جوعارى ۇپايىن يەلەندى. 

ءبىرىنشى ورىندى قىزىلوردالىق مۇحتار نيازوۆ يەلەنىپ، 2 ميلليون تەڭگە اقشالاي سىيلىقپەن ماراپاتتالدى. سونىمەن قاتار نيازوۆ "ايتىس اقىندار مەن جىرشى-تەرمەشىلەردىڭ حالىقارلىق وداعى" قوعامدىق بىرلەستىگى 2017 جىلدان بەرى تاعايىنداپ كەلە جاتقان "ايتىستىڭ اقتانگەر" توسبەلگىسىن الدى.

ەكىنشى ورىندى الماتىلىق قازىرەت بەردىحان مەن قوستانايلىق جانسايا مۋسينا الدى. ولارعا 1 ميلليون تەڭگە اقشالاي سىيلىق بەرىلدى. ءۇشىنشى ورىندى قاراعاندىقلىق ءومىرجان كوپبوسىنوۆ، قوستانايلىق ايبەك قالييەۆ يەلەندى. ولاردىڭ ءارقايسىنا 700 مىڭ تەڭگەدەن اقشالاي سىيلىق بەرىلدى. 

تارازدىق اقىن قانات مىرزاحان، پاۆلودارلىق اسپانبەك شۇعاتيەۆ، نۇرسۇلتاندىق اسەم ەرەجە قىزى ارنايى جۇلدەمەن ماراپاتتالدى. قالعان اقىنداردىڭ بارلىعىنا قاتىسقانى ءۇشىن اقشالاي سىيلىق بەرىلدى.

 بيىلعى "التىن دومبىرا" ايتىسىنا بارلىعى 20 اقىن قاتىستى. كەشە، 16 جەلتوقساندا ايتىستىڭ العاشقى اينالىمى ءوتىپ، 10 اقىن اقتىق ايتىسقا جولداما العان ەدى. 

العاشقى اينالىم:

2-جۇپ: س.قۇسانبايەۆ (شقو) 82 ۇپاي — ا.قالييەۆ (ارقالىق) 88 ۇپاي؛

3-جۇپ: ب.اسقاروۆ (نۇر-سۇلتان) 82 ۇپاي — ءا.ەرەجە قىزى (نۇر-سۇلتان) 90 ۇپاي؛

4-جۇپ: ش.سەزىمحان (الماتى) 85 ۇپاي —  ا.شۇعاتايەۆ (پاۆلودار) 88 ۇپاي؛

5-جۇپ: ق.مىرزاحان (تاراز) 87 ۇپاي — ا.كەرىمبەك (اقتوبە) 85 ۇپاي؛ 

6-جۇپ: ءو.كوپبوسىنوۆ (قاراعاندى)  90 ۇپاي — ج.ماراتبەكوۆا (شقو) 82 ۇپاي؛ 

7-جۇپ: ح.بەردىحان (الماتى) 87 ۇپاي — ب.بايتۋوۆ (تۇركىستان) 86 ۇپاي؛

8-جۇپ: ر.قايىرتاي (الماتى) 90 ۇپاي — ت.مىقي (ورال) 84 ۇپاي؛

9-جۇپ: ب.شيرمەدين ۇلى (ورال) 86 ۇپاي- د.قامي (قاراعاندى) 86 ۇپاي، (قازىلاردىڭ شەشىمىمەن فينالدىق كەزەڭگە ب.شيمەدين ۇلى ءوتتى)؛

10-جۇپ: م. نيازوۆ (قىزىلوردا)  90 ۇپاي — ش.ءىزباساروۆ (اتىراۋ) 82 ۇپاي. 

فينالدىق ايتىستىڭ ناتيجەسى تومەندەگىدەي:

1-جۇپ: ءو. كوپبوسىنوۆ (قاراعاندى) 87 ۇپاي — ق. مىرزاحان (تاراز) 86 ۇپاي؛

2-جۇپ: ر. قايىرتاي (الماتى) 90 ۇپاي — ج. مۋسينا (ورال) 88 ۇپاي؛

3-جۇپ: ح. بەردىحان (الماتى) 90 ۇپاي — ا. شۇعاتايەۆ (پاۆلودار) 83 ۇپاي؛

4-جۇپ: م. نيازوۆ (قىزىلوردا) 90 ۇپاي — ب. شيرمەدين ۇلى (ورال) 82 ۇپاي؛

5-جۇپ: ا. قالييەۆ (ارقالىق) 87 ۇپاي — ءا. ەرەجە قىزى (نۇر-سۇلتان) 86 ۇپاي؛

سۋپەر فينال: 

مۇحتار نيازوۆ (قىزىلوردا) 90 ۇپاي — رۇستەم قايىرتاي ۇلى (الماتى) 90 ۇپاي؛

"التىن دومبىرا" ايتىسى بيىل سەگىزىنشى رەت ءوتىپ جاتىر. بۇعان دەيىنگى جىلدىڭ قورىتىندى ايتىستارىندا مۇحتار نيزوۆ پەن جانداربەك بۇلعاقوۆ ەكى رەتتەن باس جۇلدە السا، اسپانبەك شۇعاتايەۆ، بالعىنبەك يماشيەۆ، جانسايا مۋسينا سىندى اقىندىر ءبىر رەتتەن جەڭىمپاز بولعان.