«ۇشاق اپاتى بولعان جەردە اپاتتىق-قۇتقارۋ جۇمىستارى اياقتالدى». بۇل تۋرالى الماتى قالالىق توتەنشە جاعداي دەپارتامەنتى باسشىسى ەرلان الىبەكوۆ ءمالىم ەتتى دەپ جازادى Qamshy.kz اقپارات اگەنتتىگى. 

–ءقازىر قۇتقارۋ جۇمىستارىنا قاتىستى بارلىق جۇمىس اياقتالدى، ۇشاقتا ەشكىم قالعان جوق،– دەپ مالىمدەدى ەرلان الىمبەكوۆ.

ونىڭ ايتۋىنا قاراعاندا، اپات ورىن العان جەردە قانداي دا ءبىر ءورت شىعۋ دەرەگى بايقالماعان. 

قۇتقارۋ جۇمىستارىنا 776 ازامات قاتىستى، 119 تەحنيكا كومەككە كەلدى. الماتى قالاسىنان 35 جەدەل-جاردەم بريگاداسى، الماتى وبلىسىنان 16 جەدەل جاردەم كولىگى، سونىمەن قاتار 116 مەديسينالىق قىزمەتكەرلەر اپات ايماعىنداعى زارداپ شەككەندەرگە كومەككە كەلدى.

ەرلان الىبەكوۆتىڭ دەرەگىنە قاراعاندا، 15 ادام قايتىس بولعان، 66 ادام زارداپ شەككەن، ونىڭ ىشىندە 50ء-ى اۋرۋحاناعا جاتقىزىلدى، 12 ادام ءالى دە اۋىر حالدە كورىنەدى. 

...Qamshy.kz اقپارات اگەنتتىگى ۇشاق اپاتىنان قازا تاپقاندارعا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىن تىلەيدى.