الماتىدا Bek Air ۇشاعىنىڭ اپاتقا ۇشىراۋىنان قازا بولعاندار سانى 15 ادامعا جەتتى دەپ جازادى Qamshy.kz اقپارات اگەنتتىگى. بۇل تۋرالى الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ مالىمدەدى.
"14 ادام وقيعا ورنىندا قازا تاپتى. ءبىر ادام اۋرۋحانادا قايتىس بولدى. بارلىعى ءتيىستى ەم-دوممەن قامتىلعان. قان پرەپاراتتارى مەن دارى-دارمەكتەر جەتكىلىكتى. قاجەت بولعان جاعدايدا استانا قالاسىنان دارىگەرلەردى شاقىرۋعا دايىنبىز. جان ساقتاۋ بولىمىندە 10 ادام جاتىر. جەدەل-جاردەم شاقىرىلعان ۋاقىتتان 15 مينۋتتان كەيىن وقيعا ورنىنا جەتتى"، - دەدى ول الماتى حالىقارالىق اۋەجايىندا وتكەن باسپا ءسوز ءماسليحاتىندا.
ونىڭ ايتۋىنشا، 66 ادام اۋرۋحانالارعا جەتكىزىلگەن. ونىڭ ىشىندە 19 ادام №4 قالالىق اۋرۋحاناسىنا، 13 ادام جەدەل شۇعىل كومەك كورسەتۋ اۋرۋحاناسىنا، 3 ادام ورتالىق قالالىق كلينيكالىق اۋرۋحاناعا، 9 ادام بالالارعا شۇعىل مەديسينالىق جاردەم ورتالىعىنا جەتكىزىلگەن. 5 ادامنىڭ جاعدايى اۋىر.
پىكىر قالدىرۋ