سەنات سپيكەرىنىڭ ايتۋىنشا، قازبا بايلىق ازايىپ، مۇناي باعاسى قۇلدىراپ كەتپەس بۇرىن ەكونوميكا ءارتاراپتانۋى ءتيىس. ال بۇل رەتتە داعدارىستا "قۇتقارۋشى" فاكتور رەتىندە دامۋى ءتيىس قازاقستاندىق جەڭىل ونەركاسىپ ءالى دە كەنجە قالعان سالالاردىڭ ءبىرى بولىپ وتىر.
«جەڭىل ونەركاسىپ - قازاقستان ونەركاسىبىندەگى ەڭ پروبلەمالى سەكتور. تۋرا ءبىر جىل بۇرىن جول كارتاسى قابىلداندى. ەسەپكە سەنسەك، بارلىق ءىس-شارالار اتقارىلعان. الايدا، بۇل قۇجات جەڭىل ونەركاسىپتىڭ بارلىق پروبلەمالارىن كەشەندى تۇردە شەشپەيدى. جەڭىل ونەركاسىپ - پايدالى قازبا قورلارى ازايىپ، مۇناي باعاسى قۇلدىراپ، داعدارىستىڭ جاڭا تولقىنى تاياعان شاقتا ەكونوميكانى ءارتاراپتاندىرۋ مۇمكىندىكتەرىنىڭ ءبىرى»، - دەدى داريعا نازاربايەۆا.
وسى رەتتە، ول ونەركاسىپتى دامىتۋداعى كەدەرگىلەردى دە اتاپ ءوتتى. ماسەلەن، وتاندىق ءونىمنىڭ ايماقتا باسەكەلەستىككە تولىق دايىن بولماۋى، مودەرنيزاسيالىق جاڭعىرۋ مەن قۇرال جابدىقتاردىڭ لايىقتالماۋى سىندى كۇردەلى تۇيتكىلدەر دە جوق ەمەس.
بۇدان بولەك، د. نازاربايەۆا بانك جۇيەسىندەگى قولجەتىمسىزدىك تە كاسىپكەرلەردىڭ قولىن بايلاپ وتىرعانىن دا جەتكىزدى.
«كاسىپورىندار كوپ جاعدايدا بانكتەردەن نەسيە الا المايدى. ەكىنشى دەڭگەيدەگى بانكتەر بيزنەستەن تۇسكەن وتىنىمدەردى قاراعان كەزدە كەپىل مۇلكىن وتە تومەن مولشەرلەمە بويىنشا باعالايدى. كرەديت العان كاسىپورىندار عيماراتىن سالىپ بىتىرمەي، جابدىقتاردى الىپ ۇلگەرمەي جاتىپ تولەم تولەۋدى باستاۋعا ءماجبۇر»،- دەدى ول.
تاعى ءبىر ايتا كەتەتىن جايت، سەنات ءتوراعاسى كورشى وزبەكستان مەن قىرعىزستاننىڭ جەڭىل ونەركاسىبى قازاقستانعا قاراعاندا ەكى، ءۇش ەسە دامىپ كەتكەنىن دە ايتۋدى ۇمىتپادى جيىندا.
ول ۇسىنعان دەرەك بويىنشا، ءقازىر ەلىمىزدە ورتا جانە جەڭىل ونەركاسىپ سالاسىندا 1071 كاسىپورىن اتالسا، ونىڭ تەك 40-ى عانا جۇمىس ىستەپ تۇر. ەڭ وكىنىشتىسى دە سالاداعى قىزمەتكەرلەر سانى 10 مىڭ ادامعا دا جەتپەيتىنگە ۇقسايدى.
