جۋىردا وبلىس اكىمىنىڭ ءبىرىنشى ورىنباسارى سۇيىندىك الداشيەۆ پەن اقتاۋ قالاسىنىڭ اكىمى سەرىكباي ترۇموۆ قالاداعى بىرنەشە پروبلەمالىق نىسانداردىڭ جۇمىسىمەن تانىستى.
شاھاردىڭ كوكەيكەستى ءماسەلەلەرىن شەشۋ ماقساتىندا قالانى ارالاۋعا شىققان ايماق باسشىلارى جۇمىس بارىسىندا حالىق احۋالىن جاقسارتاتىن ىلكىمدى ىستەرگە قولداۋ بىلدىرسە، وڭ وزگەرىستەردى تەجەگەن پروبلەمالارعا قاپا بولدى.
14 پەن 7 شاعىناۋداندا سۋ تارتۋ جانە سۋمەن جابدىقتاۋ جۇيەلەرىن جاڭارتۋ جۇمىستارىمەن اينالىسىپ جاتقان «ايسەرۆيس» ج ش س مەن «وناي» ج ش س وكىلدەرى سۇيىندىك الداشيەۆ پەن سەرىكباي ترۇموۆ باستاعان توپتى جۇمىس بارىسىمەن تانىستىرىپ، ساۋالدارىنا جاۋاپ بەردى. الايدا ناقتى جۇمىس كەستەسى جوق «ايسەرۆيس» ءجشس-نىڭ جۇمىسىنا كوڭىلى تولماعان وبلىس اكىمىنىڭ ءبىرىنشى ورىنباسارى اقتاۋ اكىمىنىڭ باسشىلىعىمەن كوممۋنيكاسيا جەلىلەرىنە قاتىستى قۇرىلىس جۇمىستارىن قاداعالايتىن ارنايى كوميسسيا قۇرۋدى تاپسىردى. سونداي-اق جولدىڭ بويىنداعى جەردى قازىپ قويىپ، قالا تۇرعىندارىنىڭ قاۋىپسىزدىگىنە نەمقۇرايدى قاراپ، قورشاۋ قويماعانى ءۇشىن باسشىلار «ايسەرۆيس» جشس-نە ەسكەرتۋ جاسادى. ال «وناي» ج ش س باستاعان جۇمىسشىلار ەڭبەگى قارقىندى ادىممەن جۇرگىزىلۋدە، ەگەر وسى قالپىنان تانباسا، قىركۇيەك-قازان ايلارىندا اياقتاۋ جوسپارلانعان ەكەن.
– قالا اكىمى باسشىلىعىمەن قۇرىلعان ارنايى كوميسسيا مەردىگەردىڭ جۇمىستارىن باقىلايتىن بولادى. قۇبىرلاردى اۋىستىرىپ بولعان سوڭ، اۋماقتى قوقىستان تازارتىپ، شۇڭقىرلاردى كومىپ، رەتتەپ، قازباس بۇرىن قانداي كۇيدە بولسا، سول قالپىنا اكەلىپ، كوميسسياعا تاپسىرۋ قاجەت. كەيىن كوميسسيا ارقىلى ۇزدىك مەردىگەرلەردىڭ ءتىزىمى جاسالىپ، وسى تىزىمگە سۇيەنە وتىرىپ، جاۋاپتى جۇمىستاردى تاپسىراتىن بولامىز،-دەدى وبلىس اكىمىنىڭ ءبىرىنشى ورىنباسارى س.الداشيەۆ.
ينجەنەرلىك جۇيەنىڭ قۇرىلىسى جانە قالپىنا كەلتىرۋ جۇمىستارىمەن ەتەنە تانىسقان سوڭ باسشىلار ءبىلىم ءنارىن توگەتىن، تاربيە ءدانىن سەبەتىن عيماراتتارعا ات باسىن بۇردى. ماڭعىستاۋ وبلىسى رەسپۋبليكا بويىنشا بالا تۋۋدان كوش باستاپ تۇر. سوندىقتان ءوڭىر ءۇشىن مەكتەپ پەن بالاباقشانىڭ ورنى وراسان. بالالاردىڭ ءبىلىم الۋىنا قولايلى جاعداي جاساۋ ماقساتىندا №5 ورتا مەكتەپ پەن №17 بالاباقشاسىندا كۇردەلى جوندەۋ جۇمىستارى جۇرگىءزىلىپ، بالاقايلاردىڭ جارقىن بولاشاعى ءۇشىن سەپتىگىن تيگىزۋدە.
120 ادام ءبىر جۇدىرىقتاي جۇمىلىپ ءبىلىم ۇياسىنىڭ ىشكى-سىرتقى جاعىن تولىق جوندەۋدە. №5 مەكتەپتىڭ ديرەكتورى ا.دوسوۆتىڭ سوزىنشە، جۇمىستىڭ جارتىسىنان كوبى اياقتالعان. ءبىراق، اقتاۋ قالاسىنىڭ اكىمى س.ترۇموۆ كۇردەلى جوندەۋ جۇمىستارىنىڭ قىركۇيەككە دەيىن اياقتالاتىنىنا كۇمان كەلتىردى. ال وبلىس اكىمىنىڭ ءبىرىنشى ورىنباسارى س.الداشيەۆ اسىعىس جاساپ، ىستەرىنە نەمكەتتى قاراپ، ساپاسىزدىققا جول بەرمەۋ كەرەكتىگىن ەسكەرتتى. – بۇندا تەك بۇزۋ جۇمىستارى جاسالعان. 120 ادام ءۇشىن ساپالى ءارى تەز جۇمىس جاساپ، ۋاقىتىندا اياقتاۋ وتە كۇردەلى. ولار تامىزدىڭ ورتاسىنا دەيىن بىتىرمەسە، مۇعالىمدەردىڭ ءوز كابينەتتەرىن رەتكە كەلتىرۋگە ۋاقىتى بولماي قالادى. بالالارعا دا وقۋدى باستاۋ قيىنعا سوعادى. بۇل تىعىرىقتان شىعۋ جولدارىنىڭ ءبىرى – جۇمىسشىلار سانىن كوبەيتۋ جانە ناقتى جوسپار قۇرۋ،-دەدى سۇيىندىك الداشيەۆ.
1973 جىلدان بەرى جوندەۋ كورمەگەن بالاباقشا دا تۇگەلدەي جاڭارىپ، كوز سۇيسىندىرەر قالىپقا ەندىرىلۋدە. كۇردەلى جوندەۋدىڭ اياقتالۋ مەرزىمى – قاراشا بولىپ بەلگىلەنگەن، سوندىقتان بالاباقشا تاربيەلەنۋشىلەرىنىڭ اتا-انالارىمەن كەلىسىپ، بالاقايلاردى ۇيدە نە باسقا بالاباقشادا ۋاقىتشا ورنالاستىرۋ جاعى قاراستىرىلماقشى.
ودان سوڭ بيلىك وكىلدەرى كۇردەلى جوندەۋدىڭ ءتامامداۋ ساتىسىنا جەتكەن ماڭىزدى نىساندى ارالادى. اقتاۋدىڭ ءسانى اباي اتىنداعى مادەنيەت كەشەنىنىڭ ىشكى جانە سىرتقى وڭ وزگەرىستەرىنە كوڭىلىڭ تولىپ، ەنگىزىلگەن جاڭاشىلدىقتارىنا قۋاناسىڭ. كەشەننىڭ زالىندا ورىندىقتار ورناتىپ، كونديسيونەرلىك جۇيەسىن دۇرىستاپ، تاعى باسقا شاعىن جۇمىستارىن بىتىرگەن سوڭ، مادەنيەت ءۇيى ەسىگىن رەسمي تۇردە اشپاق.
حالىققا رۋحاني ازىق سىيلار مادەنيەت كەشەنىنەن بولەك، جانىنا سايا، كوڭىلىنە پانا بولاتىن «اقبوتا» پاركىنىڭ اباتتاندىرۋ جۇمىستارىمەن دە تانىستى باسشىلار. شاھاردىڭ جالعىز پاركىنىڭ كوركەيۋىنە ۇلەس قوسۋدى ماقسات تۇتقاندار نىساننىڭ ەسكيزدىك جوباسى حاقىندا ەگجەي-تەگجەيلى اڭگىمەلەپ، قانداي قارجى بولىنگەنىن، قانداي باستامالار قولعا الىنعانىن اتاپ ءوتتى. جوسپار بويىنشا پاركتە داڭق اللەياسى، جاسىل تەاتر، بالالارعا ارنالعان ويىن-ساۋىقتار، شەكارالىق جاۋىنگەرلەرگە ارنالعان ەسكەرتكىش تاقتاسى، روليك جانە سكەيتبورد تەبەتىن جولدار، «قازاق اۋىلى» ەتنوگرافيالىق كەشەنى، كورمەلىك زال، اشىق بي الاڭى، 200 كولىك ورنىنا شاقتالعان جانە قىزمەت كولىكتەرىنە ارنالعان تۇراق، «شاعىن ماڭعىستاۋ» ماكەتى سىندى قىزىقتى جوبالار قاراستىرىلعان. ءقازىر ولاردىڭ جوبالىق-سمەتالىق قۇجاتتاماسى دايىندالۋدا.
اقتاۋ قالاسى اكىمى ورىنباسارىنىڭ مىندەتىن اتقارۋشى بەرىك ىزعالييەۆتىڭ ايتۋىنشا، «اقبوتادا» جوسپارلانعان جوبالار بىرتىندەپ جۇزەگە اسىرىلماق. «اقبوتا» پاركىن اباتتاندىرۋمەن «فاكەل» كومپانياسى اينالىسادى. وعان ارنايى قارجى دا بولىنگەن»،-دەگەن ول جارىقتاندىرۋ ماسەلەسى دە شەشىمىن تاپقانىن ايتتى. ال قالا اكىمى پاركتە ورىن الاتىن بالالارعا ارنالعان ويىن الاڭدارىن جانە تاعى باسقا جوبالاردى كاسىپكەرلەرگە بەرۋدى ۇسىندى. «جەردى ەشكىم يەلەنبەيدى. كاسىپكەرلەر تەك ءوز ىستەرىن دوڭگەلەتۋگە، جوبالاردىڭ جۇمىسىن ورگە ورلەتۋگە مۇمكىندىك الادى. ال ءبىزدىڭ مىندەتىمىز – پارك ءىشىن اباتتاندىرىپ، اينالاسىن جاسىل جەلەككە تولتىرۋ»،-دەدى س.ترۇموۆ.
تانىسۋ جۇمىسىنىڭ قورىتىندىسىندا بيلىك وكىلدەرى زاماناۋي ۇلگىدە سالىنعان «سوفي مەد گرۋپپ» ج ش س كوپباعىتتى كلينيكاسىنا باس سۇقتى. 6 قاباتتى عيمارات سان الۋان باعىتتا قالا تۇرعىندارىنا ەم-دوم جاساپ، جاردەم بەرەدى.
– ءبىز ەۋروپالىق دارىگەرلەر كلاستەرىن شاقىردىق. ولار جەرگىلىكتى ماماندارمەن تىزە قوسىپ جۇمىس ىستەپ، ءوز تاجىريبەسىمەن بولىسەتىن بولادى. كلينيكانىڭ اشىلۋىن تامىزدىڭ باسىنا بەلگىلەپ وتىرمىز. كادرلار جەتكىلىكتى. ماماندار سانى 300-گە جۋىق بولماق. جەكە ينۆەستيسيالارعا سالىنعان مەديسينالىق نىسان ايماقتىڭ دەنساۋلىق ساقتاۋ سالاسىنا ايرىقشا ۇلەس قوسارىنا سەنىمدىمىن. شەتەل ماماندارىمەن 2 جىلعا كەلىسىمشارتقا وتىردىق. وسى ۋاقىت ىشىندە جەرگىلىكتى دارىگەرلەر بىلىكتىلىگىن ارتتىرىپ، جاڭا ەۋروپالىق تاجىريبەنى مەڭگەرەدى،-دەدى «سوفي مەد گرۋپپ» ج ش س كوپباعىتتى كلينيكاسىنىڭ مەديسينالىق ديرەكتورى ز.سحادايا.
ءوڭىر باسشىلارى مەديسينالىق نىسانمەن تانىسقان سوڭ كلينيكانىڭ بولاشاق باعىتىنا قولداۋ ءبىلدىرىپ، كەلەشەك قىزمەتىنە ساتتىلىك تىلەدى. قالاداعى قوردالانعان ماسەلەلەرگە كۋا بولعان وبلىس اكىمىنىڭ ءبىرىنشى ورىنباسارى سۇيىندىك الداشيەۆ پەن قالا اكىمى سەرىكباي ترۇموۆ الداعى ۋاقىتتا پروبلەمالاردىڭ شەشىلۋىن جاقىنداتىپ، ناقتى ىستەرگە كوشەتىنىن جەتكىزدى.
پىكىر قالدىرۋ