ماڭعىستاۋ وبلىسىندا 2015 جىلدان باستاپ اپاتتى مەكتەپتەر بولمايدى. بۇگىن ماڭعىستاۋ وبلىسىنىڭ اكىمى اليك ايداربايەۆ وسىلاي ءمالىم ەتتى.

«ءبىلىم بەرۋ باعدارلاماسى ءبىز ءۇشىن اسا ماڭىزدى. مەملەكەت باسشىسى 2017 جىلعا دەيىن وقۋشى ورنىنىڭ تاپشىلىعىن جويۋ، اپاتتى مەكتەپتەر پروبلەماسىن تولىعىمەن شەشۋ تۋرالى تاپسىرما جۇكتەگەن بولاتىن. ءبىز بيىل 200 ورىندىق ءبىر مەكتەپتىڭ قۇرىلىسىن اياقتادىق، كەلەسى جىلى ءارقايسىسى 624 ورىندىق 2 مەكتەپ سالىنباق. تۇتاستاي العاندا، 2015 جىلدان باستاپ ماڭعىستاۋ وبلىسىندا اپاتتى مەكتەپتەر بولمايدى»، - دەدى ءوڭىر باسشىسى.

سونىمەن قاتار وبلىس باسشىسى 2015 جىلى ءۇش اۋىسىمدى مەكتەپتەردىڭ پروبلەماسىن شەشۋ دە نازاردا بولاتىنىن اتاپ ءوتتى. اكىمنىڭ سوزىنە قاراعاندا، وبلىستا ءۇش اۋىسىمداعى 4 مەكتەپ بار.

«بۇنى جويۋ ءۇشىن وسى ايدا 960 ورىندىق مەكتەپتى قولدانىسقا ەنگىزەتىن بولساق، 1700 ورىندىق جانە ەكى مەكتەپ سالىناتىن بولادى»، - دەدى ا.ايداربايەۆ.