بۇل تۋرالى ماڭعىستاۋ وبلىسىنىڭ اكىمى اليك ايداربايەۆ «ماڭعىستاۋ وبلىسى مەن يران يسلام رەسپۋبليكاسى ايماقتارى اراسىنداعى ينۆەستيسيالىق مۇمكىندىكتەر» اتتى ەكىجاقتى بيزنەس-فورۋم كەزىندە حابارلادى.

«ماڭعىستاۋ وبلىسىنىڭ يران يسلام رەسپۋبليكاسىمەن سىرتقى ساۋدا بايلانىسى 2014 جىلى 35،7 ملن دوللاردى قۇراسا، 2015 جىلدىڭ قاڭتار-مامىر ايلارى ارالىعىندا – 11،6 ملن دوللاردى قۇرادى. سوڭعى جىلدارى ساۋدا-ەكونوميكالىق جانە عىلىمي-تەحنيكالىق ىنتىماقتاستىق سالاسىنداعى الەۋەتتىك مۇمكىندىكتەردى ءتيىمدى پايدالانۋ ءۇشىن، ماڭعىستاۋ وبلىسى مەن يران يسلام رەسپۋبليكاسىنىڭ كاسىپكەرلەرى مەن مەملەكەتتىك ورگاندارىنىڭ اراسىندا ءبىرقاتار ىسكەرلىك كەزدەسۋلەر ءوتتى»، - دەپ اتاپ ءوتتى ايداربايەۆ.

وبلىستا يران يسلام رەسپۋبليكاسىنىڭ قاتىسۋىمەن ءار ءتۇرلى ەكونوميكالىق سالاداعى: كولىكتىك-ەكسپەديسيالىق قىزمەت، سۋ كولىگى اينالاسىنداعى قىزمەت، ساۋدانىڭ كەڭ ءتۇرى، تاماق ءونىمى سياقتى 15 بىرلەسكەن كاسىپورىن تىركەلگەن.

«اقتاۋ تەڭىز پورتى» ارنايى ەكونوميكالىق ايماعى مەن حادجە نافاس پورتى (گۇلىستان ايماعى) جانە پورت انزالي ارنايى ەكونوميكالىق جانە ونەركاسىپتىك ايماعى اراسىنداعى ىنتىماقتاستىق تۋرالى كەلىسىم ءوز كۇشىندە. يران يسلام رەسپۋبليكاسىنىڭ قولداۋىمەن اقتاۋ قالاسىندا ەكونوميكالىق جانە مادەني بايلانىستاردى بەلسەندى تۇردە جۇرگىزىپ وتىرعان يران باس كونسۋلدىعى اشىلىپ، قىزمەت ەتۋدە»، - دەدى ماڭعىستاۋ وبلىسىنىڭ اكىمى.

وبلىستىڭ قازىرگى تاڭدا كاسپيي ءوڭىرىنىڭ كوپ ۇلتتىق جۇيەسىنە شىعاراتىن قازاقستان رەسپۋبليكاسىنداعى شەكارامەن شەكتەس وبلىس رەتىندەگى قۋاتتى كولىكتىك-لوگيستيكالىق جانە سەرۆيستىك الەۋەتى بار.

ءوز كەزەگىندە، يران يسلام رەسپۋبليكاسى مازانداران ايماعىنىڭ گۋبەرناتورى رابيە فاللاح دجەلوۋدەر ايماقتىڭ ماڭعىستاۋ وبلىسىمەن ىنتىماقتاستىعىنىڭ ماڭىزدىلىعىن اتاپ ءوتتى.

«قازىرگى ۋاقىتتا ءبىزدىڭ ساۋدا-كولىكتىك فلوتىمىز جەتكىلىكتى. باسىمىزدان وتكەن قيىندىقتارعا قاراماستان، كولىكتىك ينفراقۇرىلىستى دامىتۋدى جوسپارلاپ وتىرمىز. ىنتىماقتاستىعىمىزدىڭ شاماسىن ارتتىرۋ ءۇشىن، ساري پورتىنان اقتاۋ قالاسىنا جولاۋشىلاردى تاسىمالداۋ كەرەك. ءبىزدىڭ ارامىزدا جاقسى كەلىسىمدەر بولدى دەپ ويلايمىز. ءبىز اۋىل شارۋاشىلىعى، پورتتى ۇيىمداستىرۋ، تۋريزم جانە كولىك سالالارىندا ىنتىماقتاسۋعا دايىنبىز. بىرنەشە جىلدار بۇرىن بىزدە جىلىنا 5 ملن توننا مۇنايعا  سۆوپ-سحەماسى جۇمىس جاسادى. الداعى ۋاقىتتا وسى كولەمدى قايتادان جانداندىرامىز دەپ سەنەمىز»، - دەدى رابيە فاللاح دجەلوۋدەر.