كاسپيي تەڭىزىنىڭ قۇرىق پورتىندا پاروم كەشەنى سالىنىپ، كاسىپكەرلەر مەن كاسپورىندارعا جاعالاۋعا شىعۋعا مۇمكىندىك تۋدى، دەپ حابارلايدى «قتج» ۇك» اق باسپا ءسوز قىزمەتىنەن. 

«تاياۋدا ارنايى تەحنيكالار سانى 200-گە جەتەدى. ەكى اۋىسىمدا جۇمىس جاساۋعا بولادى. بيىلعى جىلعى جوسپارىمىزدا تەمىر جولدىڭ توپىراق توسەمىن جاساپ، قۇرىق سەلوسىنان پورتقا دەيىن وپتيكالىق تالشىقتى ۆل-110 كۆت ەلەكتر جەلىلەرىن تارتامىز. ەرساي ستانساسىنان تەمىر جولدىڭ كىرمە تەلىمدەرىن توسەيمىز»، - دەيدى جوبانىڭ باس ينجەنەرى مارات دۇيسەنبايەۆ.

بۇگىنگى تاڭدا تەمىر جولدىڭ پورتقا كىرمە تەلىمدەرى تەگىستەلۋدە. مۇندە 4 ميلليون تەكشە مەتر جەر قاباتىن الۋ قاجەتتىلىگى بايقالادى. ءقازىردىڭ وزىندە قۇرىلىسشىلار 1 ميلليون 150 مىڭ تەكشە مەتر توپىراق شىعارىپ، جۇمىستىڭ 30 پايىزىن ورىندادى. جەردىڭ قاتتى قاباتىن جارۋ تاسىلدەرى قولدانىلۋدا.

قۇرىق پورتى اقتاۋدان ءجۇز شاقىرىم جەردە ورنالاسقان. سوندىقتان دا مۇندا بورجاقتى-ەرساي تەمىر جول جەلىسى توسەلدى. جاڭا تەمىر جول جەلىسىمەن العاشقى جۇمىسشى پويىزدارىن مەملەكەت باسشىسى شىلدەدە ىسكە قوستى. ءقازىر بۇل جولمەن قۇرىلىس زاتتارى، پاروم كەشەنىنە قاجەتتى اۋىر قوراپتى قاۋسىرمالار، باسقا دا تاۋارلار وتاندىق جانە شەتەلدىك كاسىپورىنداردىڭ سۇرانىسى بويىنشا جەتكىزىلۋدە. تاياۋ ارادا ەرساي ستانساسىنان قۇرىق پورتىنا 14،7 شاقىرىمدىق كىرمە جولدارى سالىناتىن بولادى.

جىلىنا ءتورت ميلليون توننا جۇك وتكىزە الاتىن پاروم كەشەنى حالىق تۇتىنۋ تاۋارلارىن، استىق، مۇناي ونىمدەرى، سۇيىتىلعان گاز، تىڭايتقىش باسقا دا جۇكتەر تاسىمالدايدى. پورتى تولىق قۋاتىندا ىسكە قوسۋ ءۇشىن 250 ادام تۇراقتى جۇمىسقا قابىلدانادى.