اعىمداعى جىلدىڭ 9 ماۋسىم كۇنى ماڭعىستاۋ اۋدانىنىڭ جىڭعىلدى جانە ۇشتاعان اۋىلدارىندا جاڭا دارىگەرلىك امبۋلاتوريالاردىڭ اشىلۋ سالتاناتتارى ءوتتى.

جىڭعىلدى اۋىلىنان بوي كوتەرگەن جاڭا نىساننىڭ قۇرىلىسىنا 174 ملن.تەڭگە بولىنگەن. اتالمىش دارىگەرلىك امبۋلاتوريانىڭ قۇرىلىسى وتكەن جىلدىڭ قىركۇيەك ايىندا باستالعان بولاتىن.

- «سالاماتتى قازاقستان» مەملەكەتتىك باعدارلاماسىنىڭ اياسىندا وبلىسىمىزدىڭ كوپتەگەن ەلدى مەكەندەرىندە قازىرگى زاماننىڭ تالابىنا ساي اۋرۋحانالار سالىنۋدا. سوڭعى ەكى جىلدىڭ ىشىندە ماڭعىستاۋ اۋدانىنىڭ وزىندە 7 سەلولىق دارىگەرلىك امبۋلاتوريا سالىنىپ، تۇرعىنداردىڭ يگىلىگىنە بەرىلدى. بۇگىن دە تۇرعىندارعا جوعارى ساپالى جانە ۋاقىتىلى ەم الۋعا مۇمكىندىك بەرەتىن، قاجەتتى مەديسينالىق جابدىقتارمەن قامتىلعان جاڭا دارىگەرلىك امبۋلاتوريانىڭ اشىلۋ سالتاناتىنىڭ كۋاسى بولىپ وتىرسىزدار»، - دەدى ماڭعىستاۋ وبلىسىنىڭ اكىمى اليك ايداربايەۆ.

وتكەن وقۋ جىلىندا جىڭعىلدى اۋىلىندا 200 ورىندىقتى مەكتەپ ينتەرنات اشىلعان بولاتىن. وبلىس كولەمىندەگى اۋىلىشىلىك اسفالت جولدارى وسى اۋىلدان باستالعان. جاڭا بالاباقشانىڭ قۇرىلىسىنا بيىل 270 ميلليون تەڭگە بولىنگەن. قىستىڭ قيىن كەزەڭىندە كەزدەسەتىن گاز ماسەلەسىن شەشۋگە بايلانىستى «قازترانسگازايماق» اق مەكەمەسىنىڭ ينۆەستيسيالىق جوباسىنا ساي 420 ملن. تەڭگە بولاتىن «تاۋشىق-جىڭعىلدى» گاز قۇبىرىن تارتۋ جۇمىستارى دا باستالعان.

ءدال وسى كۇنى ماڭعىستاۋ اۋدانىنىڭ ۇشتاعان اۋىلىندا دا جاڭا دارىگەرلىك امبۋلاتوريا اشىلدى. قۇرىلىستىڭ جالپى قۇنى – 126 ملن. تەڭگەنى قۇرايدى. جۇمىس ساپارى بارىسىندا ءوڭىر باسشىسى اليك ايداربايەۆ «شەتپە-قىزان» تاسجولىنىڭ قۇرىلىسىمەن تانىستى.

سونىمەن بىرگە وسى كۇنى شايىر اۋىلىندا اۋىل اقساقالدارىنا ارنالعان ارداگەرلەر ءۇيىنىڭ اشىلۋ سالتاناتى ءوتتى. قۇرىلىستىڭ سالىنۋىنا 3،8 ملن. تەڭگە بولىنگەن. 

وتكەن جىلى اۋىلدا «جىڭعىلدى-شايىر» تاسجولى جانە جاڭا بالاباقشا، جاڭا ەمحانا پايدالانۋعا بەرىلگەن.اۋىل اقساقالدارىنىڭ سۇرانىسى بويىنشا قۇنى 216 ملن. تەڭگە بولاتىن ۇزىندىعى 5 كم اسفالت جول قۇرىلىسى باستالعان. «شايىر-جىڭعىلدى» جولىن اسفالتتاۋ ءۇشىن جوبالىق سمەتالىق قۇجاتتار جاساقتالۋدا. شايىر اۋىلىنا قاراستى تەگەن ەلدى مەكەنىنە باراتىن جولعا 100 ملن. تەڭگە قارجى بولىنگەن.

ماڭعىستاۋ وبلىسى اكىمىنىڭ باسپا ءسوز قىزمەتى.