3 شىلدە كۇنى ق ر پرەمەر-مينيسترىنىڭ ورىنباسارى بەردىبەك ساپاربايەۆ ماڭعىستاۋ وبلىسىنا جۇمىس ساپارىمەن كەلدى.

ۆيسە-پرەمەر بەردىبەك ساپاربايەۆ 2013 جىلى پايدالانۋعا بەرىلگەن جاڭاوزەن قالاسىنداعى  «وزەنمۇنايگاز» اق جەراستى قۇرىلعىلارىن جوندەيتىن سەحتىڭ جۇمىس جاساۋ بارىسىمەن تانىستى. قۇرىلىستىڭ جالپى قۇنى – 4،79 ملرد. تەڭگە. نىساندا اۋماعى 9252 شارشى مەتر بولاتىن اكىمشىلىك-تۇرمىستىق كورپۋس پەن وندىرىستىك سەح ورنالاسقان. قۇرىلعىلاردى قابىلدايتىن جانە جۋاتىن، سورعى-كومپرەسسورلىق قۇبىرلاردى،  سورعى قارناعى مەن قارناقتى تەرەڭ سورعىلاردى جوندەيتىن جەردە، دايىن ءونىم تەلىمىندە شامامەن 350 ادام جۇمىس جاسايدى.

وندىرىستىك سەحتا جىلىنا 400 000 دانا سورعى-كومپرەسسورلىق قۇبىر، 300 000 دانا سورعى قارناعى، 10 000 بىرلىك تەرەڭ قارناقتى سورعىلار جوندەلەدى.

سەحتىڭ جۇمىسى جەراستى قۇرىلعىلارىنىڭ جۇمىس جاساۋ ساپاسىن ارتتىرۋعا، تەرەڭدەتىلگەن سورعى قۇرىلعىلارىنىڭ پايدالانۋ مەرزىمىن ۇزارتۋعا، جەراستى ساڭىلاۋلارىنداعى ەكولوگيالىق قاۋىپسىزدىكتى ساقتاۋعا  باعىتتالعان.

بەردىبەك ساپاربايەۆتىڭ ەڭبەك ۇجىمىمەن كەزدەسۋى كەزىندە جۇمىس ورىندارىن ساقتاپ قالۋ ءۇشىن كاسىپورىننىڭ قابىلداعان شارالارى تۋرالى، «وزەنمۇنايگاز» اق وندىرىستىك قىزمەتىندەگى ماسەلەلەر تالقىلاندى.

«وزەنينۆەست» مكك اۋىز سۋىن تازالاۋ ستانسياسىمەن تانىسۋ بارىسىندا ق ر پرەمەر-مينيسترىنىڭ ورىنباسارىنا كاسىپورىننىڭ اعىمداعى جۇمىسى، ياعني جاڭاوزەن مەن جاقىن ورنالاسقان ەلدى مەكەندەردى اۋىز سۋىمەن قامتاماسىز ەتۋ تۋرالى بايانداپ بەردى.

انىقتاما ءۇشىن: «وزەنينۆەست» مكك سۋمەن جابدىقتاۋ جۇيەسى اۋىز سۋىن تازالاپ، ساقتاپ، تۇتىنۋشىلارعا تاسىمالدانۋىن قامتاماسىز ەتەدى. ەدىل سۋى سۋ قۇبىرىنىڭ جەلىسى بويىنشا جەراستى سۋ قويماسىنا قۇيىلادى دا، «دەگرەمون» فرانسۋزدىق فيرماسىنىڭ مۋد-720 سۋ تازالايتىن عيماراتىنا سورعى ستانسياسىنىڭ ءىى كوتەرگىشى ارقىلى تازالانۋعا بەرىلەدى. سۋ تازالاۋ تەحنولوگياسى كواگۋلير مەن فلوكۋلير (گيدروليز كەزىندە پايدا بولاتىن، سۇزبەيتىن بولىگىنەن سۋدى تازالاۋ)، زالالسىزداندىرۋ، ءسۇزۋ، كواگۋلير قالدىقتارىن تۇندىرۋ پروسەسستەرى جۇرەتىن 4 كەزەڭنەن تۇرادى.

اۋىز سۋىنا جارامدى دەڭگەيگە دەيىن تازارتىلعان، زارارسىزداندىرىلعان سۋ «ارتەزيان» سۋىمەن بىرگە تازا سۋدىڭ قويماسىنا ءتۇسىپ، ارالاسادى. تازا سۋ قويماسىنداعى اۋىز سۋى سورعى ستانسياسىنىڭ ءى كوتەرگىشىندەگى سورعىمەن  سۋ قۇبىرى جەلىسىنە تاسىمالدانادى. ورتالىق لابوراتوريا ارقىلى اناليز ءۇشىن الىناتىن سۋدى سۇرىپتاۋ جۇمىستارى قاتارلاسا جۇرەدى.

ارتىق سۋ قورىن 3 تاۋلىككە دەيىن سىيعىزا الاتىن جۇمىس جاساپ تۇرعان ساياباق قويماسى 45 مىڭ ادامعا ەسەپتەلگەن. قالا بويىنشا جىل سايىن سۋ قۇبىرى جەلىسىنە 2000-نان استام ابونەنت قوسىلىپ وتىر. ابونەنت سانىنىڭ كوبەيۋى اۋىز سۋىنا دەگەن سۇرانىستى ارتتىرادى. سونىمەن بىرگە، 2012-2020 جىلدارعا ارنالعان جاڭاوزەن قالاسىنىڭ الەۋمەتتىك-ەكونوميكالىق دامۋىنىڭ كەشەندى جوسپارىنا سايكەس، جەكە سەكتورداعى 7000 تۇرعىن ءۇيدى قوسۋ جوسپارلانىپ وتىر. جاڭاوزەن قالاسى تۇرعىندارىنىڭ كوبەيۋىنە بايلانىستى قازىرگى تاڭدا 150 مىڭ ادامعا ەسەپتەلگەن ءۇش تاۋلىككە ارنالعان سۋ قورى قويماسى ساياباعىنا سۇرانىس ارتىپ وتىر.

جاڭاوزەن قالاسىندا ەدىل سۋىنىڭ جەتكىزىلۋ كولەمىن تاۋلىگىنە 50 مىڭ تەكشە مەترگە دەيىنگى كوتەرۋ ءۇشىن، ەدىل سۋىن تاۋلىگىنە 30 مىڭ تەكشە مەترگە دەيىن اۋىز سۋ دەڭگەيىنە دايىنداۋ ءۇشىن، «سۋ تازالايتىن عيمارات قۇرىلىسى» جوباسىن ىسكە اسىرۋ ءۇشىن جانە جاڭاوزەن قالاسىنداعى سۋمەن قامتاماسىز ەتۋ ماسەلەسىن شەشۋ ءۇشىن سۋ تازالايتىن ستانسياسى شەكاراسىنان جەر تەلىمى (2 گا) ءبولىندى. قازىرگى ۋاقىتتا اتالمىش جوبا بويىنشا قاجەتتى جۇمىستار جۇرگىزىلىپ جاتىر.

سونىمەن قاتار پرەمەر-مينيستردىڭ ورىنباسارى 2014 جىلى پايدالانىمعا بەرىلگەن پەرزەنتحاناعا باردى. جاڭاوزەن قالاسىنداعى ءىسساپار بارىسىندا ماڭعىستاۋ وبلىسىنىڭ اكىمى اليك ايداربايەۆ جاڭاوزەن قالاسىنداعى كەشەندى جوسپاردىڭ ورىندالۋى جانە «مونوقالالاردى دامىتۋ» مەملەكەتتىك باعدارلاماسى تۋرالى ايتىپ بەردى.

كەلەسى تانىسقان نىسان جاڭاوزەن قالاسى، راحات اۋىلى «اقسۋ» شاعىن اۋدانىنداعى 280 ورىندى «ايگولەك» اتتى № 12 بالاباقشا بولدى. مەكتەپكە دەيىنگى بالالار مەكەمەسىنىڭ وقۋ كابينەتتەرى ارنايى قۇرال-جابدىقتار جانە جيھازدارمەن جاساقتالعان. مەكتەپكە دەيىنگى ءبىلىم ساپاسىن جاقسارتۋ ماقساتىندا بالاباقشادا اكت زالى مەن مۋزىكالىق زال، كيىم بولمەلەرى، وقىتۋشىلار مەن بالالاردى دارىگەرلىك تەكسەرىستەن وتكىزەتىن كابينەت، مەديسينالىق پەرسونالعا ارنالعان بولمە قاراستىرىلعان. عيماراتتىڭ 1ء-نشى قاباتىندا ارنايى كىرۋ ەسىگى بار اس ازىرلەيتىن بولىك ورنالاسقان. اسحانا تاربيەشىلەر مەن قىزمەتشىلەردى ورتاق، ديەتالىق جانە ەمدىك-پروفيلاكتيكالىق تاماقتارمەن قامتاماسىز ەتۋگە ەسەپتەلگەن.

ق ر پرەمەر-مينيسترىنىڭ ورىنباسارى بەردىبەك ساپاربايەۆ اقتاۋ قالاسىندا كاسىپورىندار مەن ماڭعىستاۋ وبلىسىنىڭ اكىمشىلىگى اراسىندا جۇمىسپەن قامتۋ جانە قازاقستاندىق تۇسىنىك بويىنشا جاسالعان مەموراندۋمداردى جۇزەگە اسىرۋ ماسەلەلەرى تۋراسىندا جينالىس وتكىزدى. 

ماڭعىستاۋ وبلىستىق اۋرۋحاناداعى كارديوحيرۋرگيالىق ءبولىمدى ارالاۋ كەزىندە ۆيسە-پرەمەر ماڭعىستاۋ وبلىسىنداعى كارديوحيرۋرگيانىڭ دامۋىمەن جانە جاڭا كارديوحيرۋرگيالىق ورتالىقتىڭ مۇمكىندىكتەرىمەن تانىستى.

ق ر پرەمەر-مينيسترىنىڭ ورىنباسارى بەردىبەك ساپاربايەۆتىڭ باسشىلىعىمەن ش.ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتى عيماراتىندا وبلىستاعى الەۋمەتتىك سالانى  دامىتۋ ماسەلەسىنە قاتىستى جينالىس وتكىزدى.

سودان كەيىن بەردىبەك ساپاربايەۆ سپورت سارايى مەن نازاربايەۆ زياتكەرلىك مەكتەبىنىڭ قۇرىلىستارىمەن تانىستى.

120 ورىندى جاتىن كورپۋستارى بار 720 وقۋشىعا ارنالعان جاڭا «حيميا-بيولوگيالىق باعىتتاعى نازاربايەۆ زياتكەرلىك مەكتەبى» اقتاۋ قالاسىنداعى 33 شاعىن اۋدانىندا تۇرعىزىلىپ جاتىر. بۇل نىسان اعىمداعى جىلدىڭ شىلدە ايىندا پايدالانۋعا بەرىلەدى دەپ جوسپارلانۋدا.

اقتاۋ قالاسىندا 2014 جىلى باستالعان كوپ فۋنكسيونالدى-سپورتتىق كەشەننىڭ قۇرىلىسىنا 3 081 ملن. تەڭگە ءبولىندى.

ماڭعىستاۋ وبلىسىنىڭ الەۋمەتتىك سالاسىنىڭ دامۋىنا 2015 جىلى 10،5 ملرد. تەڭگە ءبولىندى، ونىڭ ىشىندە رەسپۋبليكالىق بيۋدجەتتەن 4،7 ملرد. جانە جەرگىلىكتى بيۋدجەتتەن 5،7 ملرد. تەڭگە. ماڭعىستاۋ وبلىسىنىڭ الەۋمەتتىك سالاسىنىڭ دامۋىنا 2014 جىلى 7،6 ملرد. تەڭگە بولىنگەن، ونىڭ ىشىندە رەسپۋبليكالىق بيۋدجەتتەن 2،5 ملرد. تەڭگە جانە جەرگىلىكتى بيۋدجەتتەن 5،1 ملرد. تەڭگە.

اقپارات كوزى: ماڭعىستاۋ وبلىسى اكىمىنىڭ باسپا ءسوز قىزمەتى.