سىزدەردى ماڭىزدى مەملەكەتتىك مەيرام – استانا كۇنى مەرەكەسىمەن شىن جۇرەكتەن قۇتتىقتايمىن!
بۇل ەلدىك پەن بىرلىكتى باستى مۇراتى ەتىپ تاڭداعان بارشا قازاقستان حالقى مەن وتانىمىزدىڭ ءاربىر شىنايى پاتريوت ازاماتى ءۇشىن زور قوعامدىق-ساياسي ءمانى بار ەرەكشە مەرەكە. وسى كۇنگە دەيىن استانا تاۋەلسىز ەلىمىزدىڭ جاڭارعان تاريحىنىڭ تاڭعاجايىپ تۋىندىسىنا، جۇرتىمىزداعى وركەندەۋ مەن جاسامپازدىقتىڭ جارقىن ۇلگىسىنە اينالدى.
سارىارقانىڭ توسىنەن قازاقستاننىڭ جاڭا ەلورداسىن سالۋ، وعان ماڭگىلىك ەل بولۋ مۇددەسىنە ساي رۋحاني مازمۇن بەرۋ – ۇلت كوشباسشىسى، ەلىمىزدىڭ پرەزيدەنتى ن.ءا.نازاربايەۆتىڭ ۇلى يدەيالارى، شەشىمدى قادامدارى ارقىلى ءساتتى ىسكە اسقانىنا كۋا بولۋدامىز.
ەۋرازيانىڭ كىندىگى ەكەندىگىن تەك گەوگرافيالىق جايعاسۋىمەن ەمەس، كۇللى ادامزاتتىق قۇندىلىقتار مەن عالامدىق وزىق ءوي-ورىس ورتالىعى بولۋعا ۇمتىلىسىمەن الەمگە تانىتقان استانانىڭ قارىشتاپ دامۋى – قازاقستاننىڭ كەمەل كەلەشەگىنىڭ كەپىلى.
ۇلانعايىر دالامىزدىڭ ءتورت قۇبىلاسىن تۇگەندەيتىن توقسان تاراۋ جولدىڭ تۇيىسەر باستى نۇكتەسى، سەرپىندى دامۋدىڭ قۋاتتى قوزعالتقىش كوزىنە اينالعان استانانىڭ الداعى ۋاقىتتا دا ءسان-سالتانات ساۋلەتى ارتىپ، مادەني، ەكونوميكالىق تۇرعىدان دامي تۇسۋىنە بارشا ەل تۇرعىندارى بىرلىكپەن ۇلەس قوسۋعا اتسالىسايىق!
قادىرمەندى جەرلەستەر!
شۋاقتى مەرەكە – استانا كۇنىمەن بارشاڭىزدى قۇتتىقتاي وتىرىپ، زور دەنساۋلىق، وتباسىلىق باقىت، ىزگىلىكتى ىس-ارەكەتتەرىڭىزگە تابىستار تىلەيمىن! ەگەمەن ەلىمىز بەن ەلوردامىزدىڭ ەڭسەسى بيىكتەي بەرسىن!
ىزگى تىلەكپەن، ماڭعىستاۋ وبلىسىنىڭ اكىمى ا.ايداربايەۆ
