«يندۋستريالاندىرۋ كۇنى» شەڭبەرى اياسىندا 2 ماۋسىم كۇنى ەلباسى نۇرسۇلتان نازاربايەۆتىڭ قاتىسۋىمەن وتكەن جالپىۇلتتىق تەلەكوپىرگە «نۇرلى جول – پۋت ۆ بۋدۋششەە» مەملەكەتتىك باعدارلاماسىمەن  ىسكە اسىرىلىپ جاتىرعان «اقتاۋ تەڭىز پورتىن سولتۇستىك باعىتتا كەڭەيتۋ» جانە «بورجاقتى-ەرساي» تەمىرجول تاراۋىنىڭ قۇرىلىسى» اتتى ەكى جوبا ۇسىنىلدى.

«اقتاۋ حالىقارالىق تەڭىز ساۋدا پورتى» ۇلتتىق كومپانياسى» اق پرەزيدەنتى ميحايل يالباچيەۆ ونلاين تارتىبىندە «اقتاۋ تەڭىز پورتىن سولتۇستىك باعىتتا كەڭەيتۋ» جوباسىن ىسكە اسىرۋ بارىسى تۋرالى ايتتى.

قۇرعاق جۇكتى وڭدەۋ ارقىلى پورت قۋاتتىلىعىن ارتتىرۋعا باعىتتالعان جوبالىق قۋات جىلىنا 2،5 ملن. توننا قۇرعاق جۇكتى قۇرايدى.  

«جوبانىڭ قۇنى 38 ميلليارد تەڭگەنى قۇرايدى. بۇگىنگى تاڭدا استىق، كونتەينەرلىك جانە نەگىزگى جۇككە ارنالعان ايلاق بويىنشا جۇمىستار اياقتالىپ قالدى. استىق سۇرلەيتىن شۇڭقىردىڭ بارلىق التى تەرمينالى كوتەرىلدى، جابدىقتى قۇراستىرۋ ءىسى بىتۋگە جاقىندادى. پورت فلوتىنا ارنالعان ءتورتىنشى ايلاق تا اياقتالۋ بارىسىندا. سونداي-اق اكىمشىلىك عيماراتتىڭ، سانيتارلىق-ەپيدەميولوگيالىق قىزمەت، ماتەريالدىق قويما، ينۆەنتارلىق قويما مەن كولىكجاي ورتالىقتارىنىڭ ىرگەتاسى قالانىپ جاتىر. سونىمەن قاتار اۆتوكولىك كىرمە جولدارىن توسەۋ جۇمىستارى دا اتقارىلۋدا. بارلىق جۇمىستار قاتاڭ تۇردە كەستە بويىنشا جۇرگىزىلۋدە. 300-دەن جوعارى جۇمىسشى تارتىلدى. وبەكتىنى تاپسىرۋ 2015 جىلدىڭ ەكىنشى جارتى جىلدىعىنا جوسپارلانىپ وتىر»، - دەپ اتاپ ءوتتى ميحايل يالباچيەۆ.

جوباعا سايكەس ءارقايسىسى 10 مىڭ توننا بولاتىن التى بۋنكەردەن تۇراتىن استىق قويماسىنىڭ قۇرىلىسى قاراستىرىلعان. ول جىلىنا 1،5 ميلليون توننادان كوپ استىقتى تاسىمالداۋعا مۇمكىندىك بەرەدى. جىلىنا 1 ميلليون توننا جۇكتى وڭدەيتىن كونتەينەرلىك الاڭشا مەن ءارقايسىسى 150 مەتر بولاتىن ءۇش ايلاق تەڭىز پورتىنىڭ كولىكتىك شاماسىن دامىتۋعا كومەكتەسەدى.

جوبانى ىسكە اسىرۋ 3 كەزەڭ بويىنشا جۇزەگە اسىرىلادى. ءبىرىنشى كەزەڭ بويىنشا قۇرىلىستارى 2009 بەن 2012 جىلدارى اياقتالعان 2006-2011 جىلدار ارالىعىندا قورعانىش قۇرىلىستارى مول مەن تولقىن توسقى سالىندى. قاراجات كوزى «قازاقستاننىڭ دامۋ بانكى» اق قارىز ەسەبىندە الىندى. قۇرىلىستىڭ جالپى قۇنى – 10،82 ملرد. تەڭگەنى قۇرايدى.

قازىرگى ۋاقىتتا 2ء-نشى كەزەڭ بويىنشا 2013-2015 جىلدارعا ەسەپتەلگەن «تۇپكە دەيىن ۇڭگۋ جۇمىستارىن وتكىزۋ» جۇمىستارى جۇرگىزىلۋدە. جوبالىق قۇنى – شامامەن 5،4 ملرد. تەڭگە. تۇپكە دەيىن ۇڭگۋ جۇمىستارىن الداعى ۋاقىتتا جالعاستىرۋ ءۇشىن «احتسپ» ۇق» ءوز قاراجاتتارىن بولەدى.

«Inter port development PTE.ltd» (سينگاپۋر، 60%)،  «KTZ Express» اق (30%)، «اقتاۋ حتسپ» ۇق» اق (10%) كومپانيالارىنىڭ قاتىسۋىمەن 2014-2015 جىلدارعا ارنالعان «قۇرعاق جۇك تەرمينالى مەن ينفراقۇرىلىمنىڭ  قۇرىلىسى» 3ء-نشى كەزەڭىن جۇزەگە اسىرۋ ءۇشىن «اقتاۋ تەڭىز سولتۇستىك تەرمينالى» ج ش س بىرلەسكەن كاسىپورنى قۇرىلدى.  «مەمساراپتاما» رمك قورىتىندىسىنا سايكەس قۇرعاق جۇكتى ايلاق پەن ينفراقۇرىلىمدىق پورتتىڭ قۇرىلىسىنا جۇمسالعان ينۆەستيسيالىق شىعىن 36،5 ملرد. تەڭگەنى قۇرايدى.

جالپىۇلتتىق تەلەكوپىر بارىسىندا مەملەكەت باسشىسى قۇرىلىس جۇمىستارى 2014 جىلدىڭ 1 قازانى كۇنى باستالعان «بورجاقتى-ەرساي» تەمىرجول تارماعىنىڭ قۇرىلىسىمەن تانىستى. تەمىرجول ماگيسترالى ارقىلى قۇرىق پورتىنىڭ قۇرىلىسىنا قاجەتتى جۇكتەر جەتكىزىلەدى. بولاشاقتا بۇل تارماق تەڭىز مۇناي وپەراسيالارىن قولدايتىن ماڭىزدى ينفراقۇرىلىمدىق وبەكت بولادى. ول جۇمىس جاساپ تۇرعان «ماڭعىشلاق-وزەن» ماگيترالىنە جاناسىپ سالىنىپ، قۋاتتى پارومدى كەشەن تۇرعىزىلىپ جاتىرعان كاسپييدەگى قۇرىق پورتى باعىتىنا اپارادى.

قازىرگى ۋاقىتتا بورجاقتى ستانسياسىندا نەگىزگى جانە قابىلداپ-جىبەرەتىن ەكى بەكەتتىڭ جولدارى، توعىز  سترەلكالىق جولدار توسەلدى. بۇگىن دە ستانسيا بەلسەندى تۇردە جۇكتەر مەن قۇرىلىس ماتەريالدارىن قابىلدايدى. جۇمىس پويىزدارى 7-ماۋسىمنان باستاپ ءجۇرىپ جاتىر. 1-ماۋسىمنان باستاپ جاڭا تەمىرجول تاراۋى ارقىلى ەرساي ستانسياسى مەن قۇرىققا سەمەنت، قۇم، تەمىربەتوندى بلوكتار جۇكتەرى جەتكىزىلىپ باستادى. بۇل ماتەريالداردىڭ بارلىعى پارومدى كەشەندى تۇرعىزۋعا قاجەت. «بورجاقتى-ەرساي» جوباسى بويىنشا بارلىق جولداردىڭ ۇزىندىعى، بەكەتتەردى قوسىپ ەسەپتەگەندە 23،8 كيلومەتردى قۇرايدى.  

ماڭعىستاۋ ايماعى ەلدىڭ ەكسپورتتىق-ترانزيتتىك شاماسىن دامىتاتىن  ماڭىزدى كولىكتىك-لوگيستيكالىق توراپ بولىپ كەلەدى. «تەڭىز پورتىن سولتۇستىك باعىتتا كەڭەيتۋ» مەن «بورجاقتى-ەرساي» تەمىرجول تاراۋىنىڭ قۇرىلىسى» جوبالارى باتىس باعىتتاعى پورتتار ارقىلى كاسپييگە اپاراتىن قازاقستاننىڭ ترانزيتتىك جانە ەكسپورتتىق شاماسىن نىعايتۋعا باعىتتالعان ءىرى جوبالاردىڭ قۇرامىنا كىرەدى. ءوز كەزەگىندە، ول ماڭعىستاۋ وبلىسىنىڭ قازاقستاننىڭ وڭتۇستىك-باتىسىندا وڭىرلىك حاب بولىپ ءبىرجولا قالىپتاسۋىنا مۇمكىندىك بەرەدى»، - دەدى ماڭعىستاۋ وبلىسىنىڭ اكىمى اليك ايداربايەۆ.

انىقتاما ءۇشىن: وتكەن جىلى قازاقستاننىڭ تەڭىز قاقپالارى ارقىلى تاسىمالى 10،3 ميلليون توننانى قۇراپ، 2013 جىلمەن سالىستىرعاندا 2%-عا ارتتى. تەمىرجول ارقىلى 6،2 ميلليون توننا تاسىمالداندى (تاسىمال كولەمى 10%-عا ارتتى). تاسىمال كولەمىنىڭ ءوسۋى جەزقازعان-بەينەۋ جانە وزەن-بولاشاق جاڭا تەمىرجول تارماقتارىنىڭ پايدالانۋعا بەرىلۋىمەن بايلانىستى.

اقپارات كوزى: ماڭعىستاۋ وبلىسى اكىمىنىڭ باسپا ءسوز قىزمەتى.