الماتى. قامشى پورتالى - ماڭعىستاۋ وبلىسىندا قازبا جۇمىستارى بارىسىندا ارحەولوگتار حIV عاسىردا كاسپييدىڭ باسقا تەڭىزدەرمەن بايلانىسى بولعانىن ايعاقتايتىن دالەلدەردى تاپتى.

كەتىكقالا شاھارىنىڭ ورنىن قازۋ كەزىندە ارحەولوگتار قىزىل مارجان بۇتاقتارىنىڭ بولىكتەرىن تاپتى. بۇل 14 عاسىردا تەڭىزدەردىڭ بىر-بىرىمەن بايلانىسى بولعانىن راستايتىن دەرەكتەردىڭ ءبىرى بولىپ تابىلادى.

«باۋتينو كەنتىنىڭ تۇرعىندارىنىڭ تاريحي دەرەكتەرىنە سۇيەنسەك، XX عاسىردىڭ باسىندا شىركەۋلەردە يكوندا مارجان بۇتاقتارى تۇرعانى بەلگىلى. ولار مارجان بۇتاقتارى تەڭىزگە لاقتىرىلعان قۇلالى ارالىنان تابىلعان. سول كەزدەگى تۇرعىندار تەڭىز ءتۇبى مارجانعا تولى دەپ ساناعان. بۇگىندە كاسپييدە مارجان بولماعانىن بىلەمىز، ول ارالعا سۋعا باتىپ كەتكەن كەمە ارقىلى كەلۋى مۇمكىن»، - دەدى ارحەولوگ اندرەي استافيەۆ.

ەكسپەديسيا مۇشەلەرى كەراميكالىق ىدىستىڭ سىنىعىن تاپتى. بۇل كەتىكقالادا قىش شەبەرحاناسىنىڭ بولعانىن دالەلدەيدى. ديىرمەن تاسىنىڭ ءۇش سىنىعى دا تابىلدى، بۇل وسى جەردە ەگىنشىلىكپەن اينالىسقانىن راستايدى. سونىمەن قاتار قىتايلىق فارفوردىڭ، ايەل جۇزىگىنىڭ سىنىعى، اقىقتان مونشاق سىنىقتارى تابىلدى، دەپ جازادى lada.kz.

سونىمەن قاتار ارحەولوگتار جەتى مونەتا تاپقان. ونىڭ ەكەۋىندە حيجرا جىل ساناۋى بويىنشا 761-768 جىلدار دەپ جازىلعان.

بارلىق جادىگەرلەر وبلىستىق تاريحي-ولكەتانۋ مۇراجايىندا ساقتالاتىن بولادى.

دەرەككوزى: قازاقپارات