بۇگىن ماڭعىستاۋ وبلىسى ءتۇپقاراعان اۋدانى تاۋشىق اۋىلىندا كاسپيي تەڭىزىنىڭ جاعالاۋىندا امبەباپ سپورت كەشەنى اشىلدى. ونى سولتۇستىك-كاسپيي جوباسىنىڭ وپەراتورى - قۇرىلىس كومپانياسى سالدى.  بۇل تۋرالى «قامشى» پورتالى حابارلايدى

كولەمى شامامەن 7 مىڭ شارشى مەتر بولاتىن ەكىقاباتتى مەكەمە 0،66 گا جەردە ورنالاسقان. كەشەننىڭ قۇرىلىسى 607 ملن 260 مىڭ تەڭگەنى قۇرادى. كەشەننىڭ اشىلۋ سالتاناتىنا ماڭعىستاۋ وبلىسىنىڭ اكىمى اليك ايداربايەۆ قاتىستى.

«ءتۇپقاراعان اۋدانىنىڭ ينفراقۇرىلىمى جىل سايىن جاقسارىپ كەلەدى. «اقتاۋ-اقشۇقىر-سايىن» ماگيسترالدى سۋ قۇبىرىنىڭ قۇرىلىسى اياقتالدى، بۇل ەلدى مەكەندەرگە ىشكى سۋمەن جابدىقتاۋ جۇيەسى جەتكىزىلدى.  فورت-شيەۆچەنكو قالاسى مەن باۋتينو اۋىلىندا اۋىز سۋمەن قامتۋ قۇبىرلارى سالىندى، كارىزدىك كوممۋنيكاسيالار ورناتىلدى. بيىل قىزىلوزەن اۋىلىندا 50 ورىندىق بالاباقشا، اكىمشىلىك مەكەمە مەن «دارىن» قوسىمشا ءبىلىم بەرۋ ورتالىعىنىڭ 60 ورىندىق جاتاقحاناسى،  

550 ورىندىق ورتا مەكتەپ پەن 120 ورىندىق ونىڭ جاتاقحاناسى،  فورت-شيەۆچەنكو قالاسىندا 140 بالاعا شاقتالعان بالاباقشا  قولدانىسقا بەرىلەدى»، - دەدى ماڭعىستاۋ وبلىسىنىڭ اكىمى اليك ايداربايەۆ.

سپورت كەشەنىندە سپورتتىق جانە ترەناجەر زالدارى، باپكەرلەردىڭ بولمەلەرى، كيىم اۋىستىراتىن بولمەلەر، جۋىناتىن جەر، بۋفەت، تەحنيكالىق قىزمەتكەرلەر بولمەسى، دارىگەر كابينەتى، ت.ب. بار.  كەشەندە دەربەس  قازاندىق،  ترانسفورماتور قوسالقى ستانساسى، 30 ورىندىق اۆتوتۇراق بار. اۋماقتى اباتتاندىرۋ دا كوزدەلگەن.

كەشەن ساعاتىنا 80 ادامدى قابىلداي الادى. مۇندا گيمناستيكا، شاعىن فۋتبول، باسكەتبول، ۆولەيبول جانە اۋىر اتلەتيكامەن اينالىسۋعا جاعداي جاسالعان.

اقپارات كوزى: قازاقپارات.