جۋىردا وبلىس اكىمدىگىنىڭ كونفەرەنس-زالىندا مەديسينالىق جانە فارماسيەۆتيكالىق قىزمەتتى باقىلاۋ كوميتەتىنىڭ وبلىستىق دەپارتامەنت باسشىسى ەلدەش قوسماعانبەتوۆتىڭ قاتىسۋىمەن «پاسيەنتتەردى قولداۋ جانە ىشكى اۋديت قىزمەتى» تاقىرىبىندا باسپاسوز-كونفەرەنسياسى ءوتتى. باسقوسۋ بارىسىندا مەديسينالىق كومەك كورسەتۋ ساپاسىن ارتتىرۋ، مەديسينالىق ۇيىمداردى بىلىكتى جانە جاۋاپتى مەديسينالىق قىزمەتكەرلەرمەن جاساقتاۋ، سەنىم تەلەفوندارىنىڭ ءتيىمدى قىزمەتىن قالىپتاستىرۋ، ناۋقاس شاعىمدارىنا شۇعىل نازار اۋدارۋ ماسەلەلەرى تالقىلاندى.
«ساپالى مەديسينالىق قىزمەت – ناۋقاس دەنساۋلىعىن ءۇزدىكسىز قاداعالاۋ، ءوزارا تۇلعاارالىق بايلانىس ورناتۋ مەن دياگنوستيكا جانە ساپالى ەمدەۋ ادىستەرىنىڭ ءناتيجەلىلىگى. ەمدەۋ ادىستەرىنىڭ دەنساۋلىق ءۇشىن تيىمدىلىگى مەن قاۋىپسىزدىگى مەديسينالىق قىزمەتكەرلەرىنە دەگەن زور سەنىمدى قالىپتاستىرادى. سول سەبەپتى ساپالى مەديسينالىق قىزمەت قولجەتىمدىلىگىن ارتتىرۋ – باستى نازاردا»، - دەيدى ە.قوسماعانبەتوۆ.
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترىمەن 2015 جىلعى 27 اقپاندا بەكىتىلگەن مەديسينالىق قىزمەتتەر ساپاسىنا ىشكى جانە سىرتقى ساراپتاما جۇرگىزۋ مەن ۇيىمداستىرۋ بويىنشا جول كارتاسىنىڭ 1.4-تارماعىن ىسكە اسىرۋ ماقساتىندا پاسيەنتتەرگە قولداۋ كورسەتۋ جانە ىشكى باقىلاۋ قىزمەتى ۇيىمداستىرىلدى. ناۋقاستاردىڭ قۇقىقتارىن قورعاۋ بويىنشا تۇيتكىلدى ماسەلە ءتۇيىنىن تارقاتۋ بويىنشا وڭىردەگى كەز كەلگەن مەديسينالىق ۇيىمداردا «ناۋقاستاردى قولداۋ جانە ىشكى باقىلاۋ قىزمەتى» ءوز مىندەتىن اتقارۋى ءتيىس. باقىلاۋ قىزمەتىنىڭ باستى ماقساتى – مەديسينالىق قىزمەت ساپاسىنا ساراپتاما جاساۋ، ءبىرىڭعاي ستاندارتتاردى ەنگىزۋ، مەديسينا مەكەمەلەرىنىڭ ماتەريالدىق-تەحنيكالىق بازاسىن نىعايتۋ، جاڭا ءتيپتى يننوۆاسيالىق قۇرال-جابدىقتارمەن قامتۋ.
«وبلىستىڭ كەز كەلگەن تۇرعىنى ۇسىنىلعان مەديسينالىق قىزمەت ساپاسىنا كوڭىلى تولماسا، قىزمەتكەرلەر تاراپىنان دورەكى قارىم-قاتىناسقا ۇشىراسا، تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە كورسەتىلەتىن مەديسينالىق قىزمەتتەر ءۇشىن مەديسينا پەرسونالىنىڭ اقشا تالاپ ەتۋ فاكتىلەرى بولعان جاعدايدا جانە وزگە دە ساۋالدار بويىنشا www.mediafarm-aktau.kz دەپارتامەنتتىڭ عالامتورداعى رەسمي سايتىندا ورنالاسقان «سەنىم تەلەفونىنا» حابارلاسا الادى»، - دەيدى دەپارتامەنت باسشىسى.
«ۇلت جوسپارى – ن.نازاربايەۆتىڭ بەس ينستيتۋسيونالدىق رەفورماسىن جۇزەگە اسىرۋدىڭ 100 قادامى» ستراتەگيالىق قۇجاتتىڭ 82 – قادامىندا دەنساۋلىق ساقتاۋ جانە الەۋمەتتىك دامۋ مينيسترلىگى جانىنان مەديسينالىق قىزمەت ساپاسى بويىنشا بىرلەسكەن كوميسسيا قۇرۋ مىندەتتەلدى. وسى باعىتتا «قوعامدىق دەنساۋلىق ساقتاۋ جوعارى مەكتەبىندە» ماڭعىستاۋ وڭىرىنەن 30 بىلىكتى مامان مەديسينالىق قىزمەت ساپاسىن جاقسارتۋ جانە ساراپتاۋ بويىنشا وقۋ كۋرسىنان ءوتتى.
ەسكەرە كەتەر جايت، «حالىقتىڭ دەنساۋلىعى جانە دەنساۋلىق ساقتاۋ جۇيەسى» ق ر كودەكسىنىڭ 14-بابىنا سايكەس، كورسەتىلەتىن مەديسينالىق قىزمەتتەردىڭ دەنساۋلىق ساقتاۋ سالاسىنداعى بەلگىلەنگەن تالاپتار مەن ستاندارتتارعا سايكەستىگىن تانۋ ماقساتىندا، سونداي-اق دەنساۋلىق ساقتاۋ سالاسىنداعى مامانداردىڭ كاسىپتىك دايارلىعىنا باعالاۋدى جۇرگىزۋ جانە بىلىكتىلىگىنىڭ سايكەستىگىن راستاۋ ءۇشىن دەنساۋلىق ساقتاۋ سۋبەكتىلەرى دەنساۋلىق ساقتاۋ سالاسىندا اككرەديتتەلۋگە جاتادى. اككرەديتتەۋ ماقساتى – مەديسينالىق ۇيىمداردىڭ باسەكەگە قابىلەتتىلىگىن، مەديسينالىق قىزمەت ساپاسىن ارتتىرۋ، قوعامدا وڭ يميدج قالىپتاستىرۋ.
«2014 جىلى ماڭعىستاۋ وبلىسىنان – 2، باتىس قازاقستان وبلىسى جانە اقتوبە وبلىسىنان – 8، ال اتىراۋدان – 4 مەديسينالىق ۇيىم ءوز ەركىمەن اككرەديتتەۋدەن ءوتتى. بيىل وڭىردەن 3 ۇيىم رەسپۋبليكالىق اككرەديتتەۋدەن وتۋگە ءوتىنىش ءبىلدىردى. كورسەتكىش كوڭىل كونشىتپەيدى»،-دەيدى ە.قوسماعانبەتوۆ.
اقپارات كوزى: مangmedia.kz.
